Connect with us
Pakote Ahi

Nasionál

Ramos-Horta Parabeniza Hatutan.com Ne’ebé Manán Prémiu Bernardino Guterres ho Borja da Costa

Published

on

Hatutan.com, (16 Outubru 2023), Abu Dhabi—Prezidente Repúblika (PR), José Ramos-Horta fó parabéns bá média online Hatutan.com ne’ebé tinan ne’e manán prémiu rua hosi Conselho  Imprensa Timor-Leste (CI-TL) hanesan Prémiu Francisco Borja da Costa ho Prémiu Bernadino Guterres.

Provedór Direitu Umanu no Justisa (PDHJ), Virgílio da Silva Guterres, SEKOMS Expedito dias Ximenes ho prezidente juri prémiu Konsellu Imprensa, Benevides Correia Barros, haree hela fotografia ne’ebé lori forografu Elio dos Santos da Costa manan prémiu Bernadino Guterres. Foto/Tome da Silva.

Prémiu Francisco Borja da Costa hanesan Prémiu ida-ne’e fó bá reportajen jornalista bá assuntu interese umanu di’ak-liu bá kategoria mídia imprime (jornál) no online.

Lee Mós: Notísia Investigativu Kazu Set-top Box RTTL,E.P Lori Hatutan.com Manan Prémiu Francisco Borja da Costa no Manan Mós Prémiu Bernardino Guterres

Prémiu ne’e hanesan Francisco Borja da Costa, hodi fó rekoñesimentu bá nia produtu Jornalístiku no nia poezia sira ne’ebé fó ona inspirasaun bá juventude hodi partisipa iha luta bá libertasaun nasionál. Poeta no jornalista revolusionáriu  ne’e mate iha loron 7 fulan-Dezembru 1975 loron dahuluk invazaun Indonézia nian mai iha Díli, Timor-Leste.

Advertisement

Prémiu Bernadino Guterres hanesan Prémiu ne’ebé fó bá foto Jornalístiku di’ak-liu. CI eskolla naran Bernadino Guterres bá prémiu ne’e hodi fó rekoñesimentu bá ninia kontribuisaun iha tempu rezisténsia nu’udár jornalista Rádiu Matebian.

Foto kona-bá asidente asasinatu ne’ebé hamate Bernadino Guterres ne’e dada presaun mundu nian bá violasaun direitu umanu ne’ebé akontese hela iha 1999.

Prezidente Konsellu Imprensa Otelio Ote entrega prémiu bá fotógrafu Hatutan.com, Elio dos Santos da Costa. Foto/Tome da Silva.

Iha pra no paska Referendum, Bernadino Guterres moris ha Viqueque, loron 26 fulan-Jullu 1974, membru RENETIL, jornalista Rádiu Matebian iha tempu rezisténsia.

Polísia Indonézia sira oho nia iha área Kuluhun, Díli, iha loron 26 fulan-Agostu 1999, loron haat molok konsulta popular.

“Parabéns bá Hatutan.com, ha’u akompaña média online Hatutan.com foin mak hahú tinan rua liubá, ho investimentu no sakrifísiu hosi empreza señor Raul Lemos ho nia espoza ne’ebé halo investimentu no servisu ho kualidade no kontribui di’ak ba edukasaun no Informasaun iha Timor-Leste,” Prezidente Repúblika José Ramos-Horta hateten iha Otel St. Regis Abu Dhabi National Tower, Segunda (16/10/2023).

Prezidente Repúblika (PR), José Ramos-Horta.

Xefe Estadu hatutan, ho investimentu ne’ebé média na’in halo ba Hatutan.com kontribui ba dezenvolvimentu, ba edukadaun no informasaun ba públiku atu oinsa bele akompaña informasaun ho di’ak, kualidade no bele aposta ho situasaun atu aprende no aumenta koñesimentu ba siénsia liu hosi informasaun ne’ebé iha.

“Parabéns ba Hatutan.com ne’ebé manán prémiu rua ne’e no Parabéns mos profesionis jornalista, média-na’in no traballadór hotu Hatutan.com nian ne’ebé servisu ho matenek, dedikasaun no domin,” Ramos-Horta subliña.

Advertisement

Prezidente Repúblika argumenta, média hotu-hotu, tantu televizaun, online, jornais no rádio iha papél importante bá dezenvolvimentu, edukasaun, no seluk tan iha nasaun ida. Tamba ne’e, importante teb-tebes média no jornalista sira hetan rekoñesimentu hosi instituisaun Estadu sira no mós rekoñesimentu nasionál no internasionál sira seluk.

Jornalista: Vito Salvadór

Kontinua Le'e
Advertisement
Hakarak Hato'o Komentariu?

Husik Hela Komentariu

Your email address will not be published. Required fields are marked *

Nasionál

JSMP Ezije Altera Artigu 1475 Kodigu Sivíl Tanba Halo Diskriminasaun Relijioza

Published

on

Hatutan.com, (29 Fevereiru 2024), Díli– Programa Monitorizasaun Sistema Judisiáriu (JSMP, sigla Ingles) kontinua halo advokasia bá alterasaun artigu 1475 Kódigu Sivíl tanba konsidera hamosu diskriminasaun bá relijioza sira ne’ebé la’ós Katólika.

(more…)

Kontinua Le'e

Nasionál

Governu Aloka Millaun $12 bá Komisaun Altu Nivel Institusionál bá Vizita Papa Francisco

Published

on

Hatutan.com, (28 Fevereiru 2024), Díli- Governu liuhosi reuniaun Konsellu Ministru, Kuarta (28/02/2024),  delibera atu autoriza despeza to’o millaun $12 hosi fundu kontinjénsia bá Komisaun Altu Nivel Institusionál bá vizita Sua Santidade Papa Francisco.

(more…)

Kontinua Le'e

Nasionál

SEKOMS Halo Plájiu, Hamoe Instituisaun Estadu

Published

on

Hatutan.com, (28 Fevereiru 2024), Díli–Asia Justice and Right (AJAR)  konsidera atitude  plájiu  Sekretária Estadu Komunikasaun Sosiál (SEKOMS) hodi kopia konteúdu livru planu estratéjiku Konsellu Imprensa  (CI, sigla portugés) Timor-Leste  2022-2026 nu’udár aktu krime plagiatu no hamoe instituisaun Estadu.

(more…)

Kontinua Le'e
Advertisement

Trending