Connect with us
Pakote Ahi

Polítika

Konta Jerál Estadu Hosi 2022 Aprovadu

Published

on

Hatutan.com, (24 Outubru 2023), Díli—Ministru Prezidénsia Konsellu Ministrus, Agio Pereira, hanesan reprezentante Primeiru-Ministru, Kay Rala Xanana Gusmão, aprezenta ona Konta Jerál Estadu hosi tinan finanseiru 2022 no aprova ona iha Parlamentu Nasionál (PN) iha loron 23 fulan-outubru tinan 2023.

Ministru Prezidénsia Konsellu Ministru (MPKM), Agio Pereira.

Dokumentu ne’e hetan aprovasaun ho lian-ida-de’it husi Parlamentu Nasionál ho votu afavór 57, laiha votu kontra no abstensaun.

Lee Mós: OJE 2022 ho Montante Billiaun $1,95 Promulgadu

Konta Jerál Estadu tinan 2022 nian ne’e prepara hosi Ministériu Finansas, bazeia bá informasaun hirak ne’ebé fornese hosi órgaun Governu no servisu públiku sira.

Advertisement

Dokumentu ida-ne’e abranje informasaun finanseiru lubuk ida ne’ebé inklui rezultadu agregadu no individuál hosi entidade governamentál oioin, hanesan Fundu Konsolidadu Timor-Leste nian, Fundu Infraestruturas, Fundu Dezenvolvimentu Kapitál Umanu no seluk-seluk tán.

Konta Jerál Estadu ne’e aprezenta ho detalla reseita no despeza nian ne’ebé hala’o durante tinan 2022, nune’e mós saldu finanseiru sira iha finál períodu refere.

Komunikadu ne’ebé Hatutan.com assesu hateten, Orsamentu Jerál Estadu bá tinan 2022 prevee despeza totál hosi $2.419.539.539, maibé despeza ne’ebé hala’o ho efetiva, inklui Administrasaun Sentrál, Rejiaun Administrativa Oecusse Ambeno no Seguransa Sosiál nian hamutuk $1.810.624.000, iha ne’ebé $1.404 .000.000 maihosi transferénsia Fundu Petrolíferu, ne’ebé korresponde ho taxa ezekusaun orsamentál besik 77% no hanesan montante despeza orsamentál boot liu ne’ebé ezekuta iha tinan ida.

Maski debate ne’e konsentra bá Konta Jerál Estadu tinan finanseiru 2022 nian, no Governu IX laiha responsabilidade bá preparasaun no ezekusaun Orsamentu Jerál tinan 2022, Ministru Prezidénsia Konsellu Ministrus, iha ninia diskursu abertura debate nian garante katak, IX  Governu iha empeñu hodi implementa rekomendasaun hotu Kámara Kontas nian.

“Tanba ne’e sei kontinua iha tinan hirak tuirmai inklui mellora metodolójika iha Orsamentu Jerál Estadu no iha Konta Jerál Estadu hodi respeita obrigasaun legál hotu no prátika kontabilístika internasionál  sira nian ne’ebé di’ak liu,” Hatutan.com sita deklarasaun Agio Pereira iha komunikadu.

Advertisement

Agio Pereira hateten, Ministériu Finansas kontinua serbisu hodi hadi’a sistema ezekusaun orsamentál no hodi aumenta transparénsia kontas públikas no reitera katak Governu iha empeñu hodi promove rasionalizasaun Administrasaun Públika hodi atinje administrasaun ida ne’ebé efisiente, efikás no ekonómika liu.

Ministru Agio Pereira iha debate Parlamentu Nasionál, akompaña hosi Ministra Finansas, Santina José Rodrigues F.Viegas Cardoso, Ministra Solidariedade Sosiál no Inkluzaun, Verónica das Dores, Vise-Ministru Asuntus Parlamentares, Adérito Hugo da Costa no Vise-Ministra Finansas, Felicia Claudinanda da Cruz Carvalho.

Jornalista Estajiária: Zita Menezes

Advertisement
Kontinua Le'e
Advertisement
Hakarak Hato'o Komentariu?

Husik Hela Komentariu

Your email address will not be published. Required fields are marked *

Polítika

Bankada CNRT Dezmente Komisáriu CAC Rui Perreira Kuadru Partidu CNRT

Published

on

Hatutan.com, (25 Juñu 2024), Díli-Bankada Parlamentár CNRT liuhusi Deputada  Cedeliza Faria dos Santos, dezmente deklarasaun polítika Bankada FRETILIN ne’ebé hateten Kandidatu Komisáriu Koimsaun Anti-Korrupsaun  (CAC-siglá portugés), Rui Perreira hanesan kuadru partidu CNRT nian.

(more…)

Kontinua Le'e

Polítika

Eleisaun Komisáriu CAC, Rui Pereira Pasa ho Votu Afavór 41, PLP Kontra no FRETILIN Walk Out

Published

on

Hatutan.com, (24 Juñu 2024), Díli– Parlamentu Nasionál, Segunda (24/06/2024), konsegé realiza eleisaun bá kandidatu komisáriu Komisaun Anti-Korrupsaun (CAC, sigla portugés) periodu 2024-2028 ho aprezenta kandidatu úniku  Rui Pereira.

(more…)

Kontinua Le'e

Polítika

Bankada FRETILIN Enkoraja Entidade Hotu Kontīnua Kritika Governu Hadi’a Problema iha Setór Saúde

Published

on

Hatutan.com, (24 Juñu 2024), Díli-Bankada Parlamentár FRETILIN, Segunda (24/06/2024), kontínua hato’o sira-nia preokupasaun iha setór saúde liuhosi sira-nia deklarasaun polítika.

(more…)

Kontinua Le'e
Advertisement

Trending