Connect with us
Pakote Ahi

Defeza & Seguransa

Membru F-FDTL Na’in-211 Konklui Formasaun Fuzileiru-Espesialidade Iha Baze Navál Hera

Published

on

Hatutan.com, (26 Outubru 2023), Díli—Instituisaun FALINTIL Forsa Defeza Timor-Leste (F-FDTL), Komponente Navál nia membru na’in 211, konklui formasaun militár iha área Fuzileiru ho Espesiálidade nian, iha baze komponente navál, Hera, Kinta (26/10/2023).

Instituisaun FALINTIL Forsa Defeza Timor-Leste (F-FDTL), Komponente Navál nia membru na’in 211, konklui formasaun militár iha área Fuzileiru ho Espesiálidade nian, iha baze komponente navál, Hera, Kinta (26/10/2023). Foto: Tomé da Silva.

Formasaun ida-ne’e termina ho susesu, tanba membru sira ne’e partisipa ho másimu tebes iha treinamentu fíziku no tátika militár nian ne’ebé hala’o durante fulan-haat, fasilita duni hosi instrutór Timoroan F-FDTL nian.

Lee Mós: Timoroan 2.530 Konkorre Iha Vaga Rejime Espesiál F-FDTL

“Bá familia boot komponente navál nian, liu-liu sira ne’ebé ohin simu graduasaun, Fuzileirus 68 nomós Espesiálidades 143. Ne’e primeiru pasu ida, ne’ebé liu-liu Espesiálidades, Timoroan rasik hanorin. Ne’e ónra, rogullu boot ida bá Timoroan. Tanba timoroan prepara ona atu forma ninia ema, sa’e to’o bá ida ne’ebé kapás, hodi serví nia rain,” Komandante Komponente Navál, Comodoro Higino das Neves hateten iha diskursu serimónia enseramentu formasaun iha Komponente Navál, Hera.

Advertisement

Comodoro Higino das Neves dehan, iha área Fuzileirus nian ne’e hanesan segunda formasaun ne’ebé mak Timroan sira rasik mak hanorin. Uluk, F-FDTL presiza formadór mai hosi Portugál.

Instituisaun FALINTIL Forsa Defeza Timor-Leste (F-FDTL), Komponente Navál nia membru na’in 211, konklui formasaun militár iha área Fuzileiru ho Espesiálidade nian, iha baze komponente navál, Hera, Kinta (26/10/2023). Foto: Tomé da Silva.

Ohin loron, F-FDTL presiza nafatin sira maibé, atu akompaña de’it tanba Timoroan preparadu atu hanorin rasik ninia Militár sira, transforma ninia Militár sira atu sai Militár profisionál.

“Ha’u nia hakuak-boot liu-liu bá formandu sira. Instrutóres ne’ebé ho vontade, ho sakrifísiu, tenta fahe sira nia matenek, hodi bele tranzmite bá joven sira, atu sai Forsa ida profisionál,” nia hateten.

Nia saúda no hakuak-boot bá formandu sira, liuhosi diretór instrusaun, bá Fuzileiru ho Espesiálidade nian, bá komandante unidade sira ne’ebé lorloron iha formandu sira nia sorin, akompaña, fó morál bá, motiva, ajuda sira nia matenek, ohin loron, F-FDTL liu-liu Komponente Navál, bele hetan ninia Fuzileiru sira atinje ona 284.

Ida-ne’e mak konseitu estratéjiku militár nian ne’ebé aprova iha 2020, Komponente Navál ninia mehi, katak, to’o iha tinan 2032, tenke atinje ona membru Fuzileiru hamutuk atus-lima (500).

Instituisaun FALINTIL Forsa Defeza Timor-Leste (F-FDTL), Komponente Navál nia membru na’in 211, konklui formasaun militár iha área Fuzileiru ho Espesiálidade nian, iha baze komponente navál, Hera, Kinta (26/10/2023). Foto: Tomé da Silva.

“En-nome komandu Navál, agradese bá hothotu ne’ebé koopera, ajuda, bele direta, indireta, ajuda hodi bele sira konsege remata sira nia formasaun ida-ne’e, liu-liu família, balun sei joven, nia inan-aman, ne’e suporta, balun hola feto ona, ninia kaben-na’in sira nian suporta,” Comodoro Higino das Neves, agradese.

Comodoro Higino das Neves, afirma, atu sai servidór di’ak, la’ós buat fásil. Primeiru, suisída nia aan, hanoin katak, soldadu ninia servisu sira ne’ebé nia atu halo, atu defende, satan ameasa saida de’it mak atu bele estraga ninia povu, nomós ninia rai.

Advertisement

“Entaun, sira mai, atu kontribui, hatutan FALINTIL ninia obra ne’ebé husik hela. Balun sei hamutuk ho ita, hanesan ita nia aman-boot, Majór Jenerál Mau-Nana hamutuk ho ita. Ne’e orgullu boot ida bá ita boot sira, tanba sira nia mehi, ohin loron, ita-boot sira hatais farda, tau boña, sai forsa ida ne’ebé ema mós respeita, atu defende ita nia rai,” Higino das Neves, hateten.

Iha tinan 450 liubá, Timoroan nunka mehi katak, Timor bele iha Forsa ida atu hamriik iha ninia rai leten, hodi bele defende ninia soberánia rasik. Maibé ho FALINTIL nia sakrifísiu, membru foun sira ne’e, bá tama iha F-FDTL, atu hatutan luta ida ne’e.

Komandante Komponente Navál, Comodoro Higino das Neves. Foto: Tomé da Silva.

Komandante Higino das Neves husu nafatin bá ninia membru sira ne’ebé konklui ona iha formasaun refere, atu nafatin ho sira-ninia korájen, abnegasaun, loialidade, determinasaun, atu simu kna’ar ida ne’e, hala’o ho di’ak, hatutan jerasaun bá jerasaun, hosi sira-nia jerasaun hatene katak, Timor ninia ukun-rasik aan, la’ós ema tau iha Bandeiza mak fó.

“Maibé, liuhosi sakrifísiu boot ida, fakar ran, selu ho nia isin-lolon, ohin loron ita bele hatais farda ida ne’e, hamriik iha ita nia rai, ne’ebé lívre independente nia leten, hodi hatete bá mundu katak, ami mós rai ida. Bele ki’ik-oan, maibé, rai ida ne’ebé moris iha mundu nia leten,” Comodoro Higino, afirma.

Nia kontinua alerta bá membru sira hotu katak, assume kna’ar henesan Instruente no sai forsa Fuzileiru ida, ne’e kna’ar ida todan no ho responsábilidade boot.

Instituisaun FALINTIL Forsa Defeza Timor-Leste (F-FDTL), Komponente Navál nia membru na’in 211, konklui formasaun militár iha área Fuzileiru ho Espesiálidade nian, iha baze komponente navál, Hera, Kinta (26/10/2023). Foto: Tomé da Silva.

“Forsa Espesiál, ha’u hatete bebeik, ne’e elementu ida ne’ebé la hanesan Forsa baibain. Signifika la fásil monu bá tentasaun saida de’it. Sé de’it mak book ita mós, ita sei la fásil monu. Ida ne’e maka Forsa Fuzileirus. Ninia pasiénsia aas liu, bainhira mak nia bele atua, só tempu ida ne’ebé ezíje nia, atu atu hala’o misaun,” nia hateten.

“Ne’e mak husu nafatin ita-boot sira, lori kna’ar ida ne’e ho di’ak, respeita ita-boot sira nia boña ne’ebé ohin ita-boot sira simu, tanba ita-boot sira iha fulan-haat, tenke sakrifika hodi konkista boña ida ne’e. Tau aas imi nia boña ne’e, respeita nia, fiar nafatin imi nia instrutór sira, liuhosi ierarkia. Ita-boot sira sei koloka iha Timor laran tomak,” Comodoro Higino husu.

Advertisement

Iha konseitu estratéjiku militár ne’ebé Oitavu Governu Konstitusionál aprova iha tinan 2020, Komponente Navál ninia tarjetu to’o tinan 2030, tenke atinje ona ho totál membtu 1902, besik rihun rua. Ne’e bá eskuadra.

F-FDTL, Komponente Navál nia membru na’in 211, konklui formasaun militár iha área Fuzileiru ho Espesiálidade nian, iha baze komponente navál, Hera, Kinta (26/10/2023). Foto: Tomé da Silva.

Ida ne’ebé mak atu komanda ró, servisu iha ró, sira hamutuk membru 700-resin, Fuzileiru Forsas Espesiais na’in 500 resin, tanba Komponente Navál, iha baze navál rua, mak instala tán iha futuru.

Baze ida uluk iha Suai-Camansa, oras ne’e muda ona bá Betano, ida mak baze Naval Hera rasik, inklui pontu Naval hamutuk ualu, ne’ebé sei instala iha fatin sira mak hanesan Oecusse, Ataúro, Beakou, Caravela, ida iha Com, Loré, no Beaço, ho tán Suai.

“Signifika, Fuzileiru sei okupa fatin sira ne’e no ita sei gasta osan barak atu bele dezenvolve fatin sira ne’e. Agora iha ona na’in 842,” Comodoro Higino das Neves hateten tán.

Majór Jenerál Mau-Nana

F-FDTL, Komponente Navál nia membru na’in 211, konklui formasaun militár iha área Fuzileiru ho Espesiálidade nian, iha baze komponente navál, Hera, Kinta (26/10/2023). Foto: Tomé da Silva.

Iha fatin hanesan, reprezentante Xefe Estadu Maior Jenerál FALINTIL Forsa Defeza Timor-Leste (F-FDTL), Majór Jenerál Cornélio Ximenes Mau-Nana, parabéniza formandu sira tanba ohin loron, finaliza ona sira nia formasaun no simu ona boña.

Funu-na’in FALINTIL ne’e haktuir kona-bá razaun bainhira fofoun Timor-Leste ninia Independénsia totál, sira hahú hanoin no hakarak atu kria Forsa ida. Iha polítika estratéjika ida dehan katak, F-FDTL bele eziste, maibé, tenke iha batallaun rua de’it.

Advertisement

“Maibé, ida ne’e la’os ita nia hakarak. Ita nia maun-boot Komandante en-Xefe Kay Rala Xanana Gusmão, dehan nune’e, ami nasaun ona, ami tenke kria ami nia Forsas Armadas,” Majór Jenerál Mau-Nana, konta.

Bainhira sira kria komponente Navál ida ne’e, sira mós enfrenta. Iha tenpu ne’ebá, Ofisiais agora dadauk Taur Matan Ruak, Lere Anan Timur, Falur Rate Laek, ho sira sel-seluk hotu, sira hotu hakarak F-FDTL tenke iha ninia Forsa Mariña ida.

F-FDTL, Komponente Navál nia membru na’in 211, konklui formasaun militár iha área Fuzileiru ho Espesiálidade nian, iha baze komponente navál, Hera, Kinta (26/10/2023). Foto: Tomé da Silva.

“Entaun, marina ida ne’e mak hanesan ohin komandante Higino ko’alia katak, sakrifísiu boot ida. Ita kria Forsas Mariña, iha polémika boot ne’ebé foin kria komponente ida. Tanba gerilleirus ami mai hosi ai-laran ne’e, sé mak mehi atu bá tasi. Maibé, ho esforsu, ho pensamentu, nasaun ida tenke iha ninia Forsas Armadas ida, entaun ita konsege duni, konvense ema péritu sira iha ne’ebá, nune’e ita bele kria Forsas Komponente Navál ida ne’e,” Mau-Mana konta tuir.

Komandante Mau-Nana saliente, Komponente Navál hetan asisténsia maka’as hosi forsa amigu Portugál ne’ebé Governu Portugés fó ró rua, ne’ebé mak dala-ruma membru foun sira ne’e la toman ona, mais ró sira ne’e agora iha Muzeum.

Jornalista: Rogério Pereira Cárceres

Advertisement
Kontinua Le'e
Advertisement
Hakarak Hato'o Komentariu?

Husik Hela Komentariu

Your email address will not be published. Required fields are marked *

Defeza & Seguransa

Xina Oferese Motór Patrulla Lima bá Polísia Tránzitu Nasionál

Published

on

Hatutan.com, (26 Fevereiru 2024), Dili—Governu Xineza liu hosi ninia embaixada iha Díli oferese motór patrulla (batedores) ho marka CFMOTO hamutuk lima bá Polísia Tránzitu Nasionál atu assegura aktividade entidade sira hosi rai-liur no mós órgaun soberania haat iha Timor-Leste (TL).

(more…)

Kontinua Le'e

Defeza & Seguransa

Polísia Kaptura Suspeitu Ida Envolve Kazu Taa Luis Vicente iha Kampu Baru

Published

on

Hatutan.com, (23 Fevereiru 2024), Díli-Polísia Nasionál Timor-Leste (PNTL) halo ona kapturasaun no detensaun bá suspeitu ida ho inisiál JF hosi na’in-rua  ne’ebé kondús motór taa vítima Luis Vicente Tou iha estra Eskola 05 de Maio, Kampu Baru, Comoro, Díli.

(more…)

Kontinua Le'e

Defeza & Seguransa

Deskonfia Fa’an Ilegál Ai-moruk Item Neen iha Farmásia Moris-Foun, Polísia Detein Suspeitu Na’in-tolu

Published

on

Hatutan.com, (22 Fevereiru 2024), Díli—Ekipa konjunta kompostu Polisia Nasionál Timor-Leste (PNTL), Departamentu Investigasaun Kriminál (DIK) Nasionál ho Ministériu Saúde (MS), Diresaun Nasionál bá Farmásia no Medikamentus (DNFM), liuhosi atividade buska no inspesaun, konsege identifika ai-moruk hamutuk item neen (6) mak deskonfia fa’an ilegálmente iha farmásia Moris-Foun, Colmera, Díli.

(more…)

Kontinua Le'e
Advertisement

Trending