Polítika
Primeiru Ministru Husu Prezidente Repúblika Reprezenta Estadu TL Iha Simeira Internasionál COP28
Hatutan.com, (26 Outubru 2023), Díli—Primeiru-Ministru (PM), Kay Rala Xanana Gusmão husu Prezidente Repúblika (PR), José Ramos-Horta atu reprezenta estadu Timor-Leste (TL) iha Simeira internasionál Conference Of the Parties (COP28) iha Dubai, ne’ebé sei ko’alia kona-bá assuntu mudansa klimátika iha mundu.
Primeiru Ministru, Kay Rala Xanana Gusmão, hasoru-malu ho Prezidente Repúblika, José Ramos-Horta iha Palásiu Prezidensiál, Aitarak laran Díli, Kinta (26/10/2023). Foto: Elio dos Santos da Costa.
Antes ne’e Prezidente Uniaun Emiradu Árabe (UEA), Mohammed Bin Zayed Al Nahyan liu hosi Embaixadór UEA bá Indonézia Abdullah Salem Aidhaheri konvida Primeiru-Ministru (PM), Kay Rala Xanana Gusmão atu partisipa iha Simeira Internasionál Conference Of the Parties (COP 28) ne’ebé sei ko’alia kona-bá assuntu mudansa klimátika iha mundu.
Lee Mós: UEA Konvida Xanana Partisipa Konferénsia COP28
United Nations Climate Change Conference (UNFCCC) ne’ebé hanaran COP28 sai nu’udár konferénsia mundiál ba mudansa klimátika ne’ebé hala’o kada tinan atu bele halibur péritu sira no ukun-na’in hotu-hotu iha mundu hodi konsolida ideia sira ba mudansa klimátika.
Konferénsia internasionál COP28 ne’ebé sei hala’o iha UEA ne’e hahú hosi loron 30 fulan-Novembru to’o 12 Dezembru tinan ne’e.
“Ha’u ou Primeiru-Ministru, ida tenke bá fali konferénsia internasionál COP28 ne’ebé ko’alia kona-bá meiu ambiente,” José Ramos-Horta hateten iha Palásiu Prezidensiál Nicolau Lobato Bairru-Pité, Kinta (26/10/2023).
Ramos-Hora prefere atu Primeiru-Ministru, Kay Rala Xanana Gusmão mak bá partisipa tanba atu halo desizaun ruma iha konferénsia internasionál ne’e, Xefe Governu mak bele halo kedan buat ruma, maibé bainhira Prezidente Repúblika mak bá bele rona, fó komentáriu maibé labele assina kompromisu ruma.
“Primeiru-Ministru okupadu demais ho Orsamentu Jerál Estadu 2024, entaun Simeira mundiál COP28 iha Dubai ne’e Xefe Governu husu Xefe Estadu mak bá. Entaun konfirma mak ida-ne’e no sei koordena ho Ministériu relevante,” Prezidente Repúblika informa.
Xefe Estadu mós informa katak, Primeiru-Ministru Kay Rala Xanana Gusmão mak sei reprezenta Timor-Leste iha Simeira ASEAN no Japaun iha fulan Dezembru tinan ne’e.
Jornalista: Vito Salvadór
Prezidente Repúblika Hakfodak Kazu Droga Kokaína 980,5 Grama Deskonfia MP Deside Taka De’it
CVTL Difisil Hetan Doasaun Ran Tanba Komunidade Tauk Oferese Ran
Asidente Trafegu Kuluhun, Olandina do Rosario Lakon Vida
Vorakai Instala Starlink iha Sede Suku 450, Elon Musk Promove Timor-Leste Liuhusi Nia Twitter ho Siguidór Tokon 229
Raimundo Oki, Xefe Redasaun The Oe-Kusi Post Selesionadu Ba ASEAN Journalist
DIT Hahú Introdús ba Estudante Sira Kona bá Seguransa ba Dadus Importante
IGJ Legaliza Corais Timor bá Atividade Futu-Manu
STOP PRESS: Ministru Nino Pereira Konsumu Dose Kontamina ho Frasku Halo Nanál Kanek no Ran
Indonesia dan Timor-Leste Perkuat Kerjasama Ekonomi, Sosial Budaya, dan Pariwisata
Governu Indika BTK Hadi’a Trotoár Naksobu iha Área Bebora
Asesu Gratuita HATUTAN.com
Hafoin Ferias Judisiáriu PGR Sei Ko’alia Kazu Set-top Box RTTL,E.P
Xefe Estadu TL Kondekora Militár Korea Súl Ne’ebé Mate iha Oé-Cusse
PCIC Detein MG Lori Osan Falsu Hosi Inglaterra
PR Simu Karta Kredensial Husi Embaixadór Brunei Darussalam ho Reinu España
-
Defeza & Seguransa1 week agoArguidu sira Ba Kazu Jogu Online Na’in-11 Tenta Halai Husi Teritóriu Timor-Leste
-
Edukasaun1 week agoAutoridade Indonézia ho Konsuladu Timor-Leste iha Bali Repatria Estudante Timoroan Nicodemos da Costa
-
Justisa & Krime5 days agoAvoka Inkéritu Kazu Korurpsaun, Komisáriu CAC Alega PGR Nelson de Carvalho Prátika Abuzu Podér
-
Dili1 week agoOpozisaun Alega SEKOMS Simu Subornu iha Projetu Tolu, Expedito Ximenes: Ne’e La Loos no Bosok
-
Nasionál1 week agoÍndise Liberdade Imprensa 2026, Timor-Leste Okupa Pozisaun 30 husi Nasaun 180 no Sei iha Dezafiu Kona-bá Independénsia Editoriál
-
Justisa & Krime1 week agoMJ Husu Sidadaun Sira iha Faktu Funsionáriu Prátika Broker Iha Instituisaun Públiku Bele Hato’o Keixa Iha PNTL
-
Justisa & Krime2 days agoPrezidente Repúblika Hakfodak Kazu Droga Kokaína 980,5 Grama Deskonfia MP Deside Taka De’it
-
Internasionál3 days agoRaimundo Oki, Xefe Redasaun The Oe-Kusi Post Selesionadu Ba ASEAN Journalist