Hatutan.com, (26 Outubru 2023), Díli—Ajénsia Estadus Unidus ba Dezenvolvimentu Internasionál (USAID) Timor-Leste fasilita empréstimu dahuluk hosi International Development Finance Corporation (DFC) ne’ebé sei hetan aprovasaun ba Timor nian instituisaun mikrofinansa.

Kaebauk Investimentu no Finansas (KIF) sei uza empréstimu dolar amerikanu millaun $3 ne’e hodi promove aasesu bá finasia empreza mikro rurál no feto sira hodi apoia hasa’e oportunidade ekonomia.

Lee Mós: USAID Apoia Millaun $18-resin iha Inisiativa Dezenvolvimentu bá Parseria Sustentável

DFC anúnsia aprovasaun ba dolar millaun $3 bá tranzasaun KIF ne’e iha loron 5 Outubru 2023, hola parte ba DFC nia kompromisu billaun $9.1 bá projetu foun hamutuk 132 ba Tinan Fiskál 2023 hodi promove impaktu dezenvolvimentu no prioridade estratéjiku iha mundu tomak.

“DFC nia kompromisu reflete bá nesesidade hodi hatan bá mundu nia dezafiu hirak ne’ebé mak boot liuhosi mobilizasaun ba kapitál setór privadu,” Hatutan.com sita komunikadu.

USAID Timor-Leste hahú tranzasaun DFC ne’e hodi apoia USAID nia meta dezenvolvimentu hodi hasa’e inkluzaun ekonómiku ba feto no foin-sa’e sira.

USAID Timor-Leste sei fornese asisténsia téknka ba KIF ba hametin institusionál hodi aumenta empréstimu ba empresta na’in sira ne’ebé mak la hetan apoia.

KIF nia susesu ba sustentabilidade, no papél prinsip’al iha merkadu sei integradu ba feto, foin-sa’e sira no empreza-mikro rural sira hodi hetan asesu ba kréditu iha Timor-Leste.

Kona ba DFC, Estadus Unidus nia Korporasaun Dezenvolvimentu Finanseiru hala’o parseria ho setór privadu hodi fó apoia finanseiru ba solusaun ne’ebé dezafiu sira ne’ebé mak importante liu iha mundu dezenvolvimentu ohin loron.

“Ami investe iha setór oioin inklui enerjia, saúde, infraestrutura krítiku, seguransa ai-han, no apoia empreza ki’ik sira. DFC nia investimentu adere ba padraun aas no respeita ba ambiente, direitu umanu, no direitu traballadór,” sita tán komunikadu.

Kona-ba USAID Timor-Leste: Embaixada Estadus Unidus nian iha Timor-Leste, liuhusi USAID, servisu hamutuk ho Governu Timor-Leste hodi suporta dezenvolvimentu ne’ebé boot no efetivu.

Hahú hosi tinan 2001, USAID fó ona asisténsia dezenvolvimentu tokon $323 bá Timor-Leste. USAID suporta Timor-Leste iha ninia esforsu atu harii nasaun ida-ne’ebé prósperu, saudável no demokrátiku liu hosi programa sira ne’ebé promove kreximentu ekonómiku inkluzivu no sustentável, liuliu iha seitór agrikultura; hadi’a saúde povu Timor-Leste nian, liuliu feto no labarik sira; no hametin fundasaun sira ba governasaun di’ak – área hotu-hotu ne’ebé subliña iha Planu Estratejiku Dezenvolvimentu Timor-Leste nian 2011-2030.

Jornalista Estajiáriu : Lazaro Pereira Quefi