Connect with us
Pakote Ahi

Defeza & Seguransa

UPM Kaptura Suspeitu Na’in-ualu Hatama Sasán Ilegál iha Atabae

Published

on

Hatuan.com, (06 Novembru 2023), Díli-Polísia Nasionál Timor-Leste (PNTL), Unidade Polísia Marítima (UPM) kaptura ema na’in-ualu (8)  iha tasi-ibun Postu Atabae, Munisípiu Bobonaro  tanba deskonfia hatama sigaru ho mina-rai laliu hosi dalan legal.

Komandante UPM, Superintendente Polísia Eugénio Pereira. Foto/Tome da Silva

Suspeitu hirak ne’e kaptura uluk na’in-lima iha loron 29 fulan-Novembru no na’in-tolu seluk kaptura iha loron 31 fulan-Novembru, foin lalais ne’e.

Komandante UPM, Superintendente Polísia Eugénio Pereira, hateten, UPM  iha ninia propria misaun ida ne’ebé maka atribui ona liuhosi Dekretu-Lei Númeru 55, atu ezerse, liu-liu atu haree kona-bá iha territóriu tasi nian “território do mar”, ne’ebé mak pertense bá Timor-Leste ninia territóriu tasi nian.

Atividade sira ne’ebé maka UPM atu haree kona-bá iha salvamentu, buska, inklui haree mós kona-bá iha atividade kriminál sira seluk ne’ebé mak organizadu mosu iha área sira tasi nian.

Advertisement

Haree hosi referénsia sira ne’e hotu, UPM liuhosi ninia ekipa servisu, ne’ebé mak kompostu hosi postu vizilánsia sira, iha kompañia, no mós ninia movimentu bá iha patrullamentu sira iha área tasi nian, área kosteira, no liu-liu hodi responde bá iha loron boot, Finadu nian,  iha loron 02 to’o 03 fulan-Novembru 2023, konforme orientasaun hosi komandu jerál PNTL.

UPM iha ninia papél ida mós maka apoia bá iha komandu munisípiu sira, ne’ebé maka iha ninia área kosteira mós, hanesan, iha Bobonaro, Liquiça, Díli, Lautem, no mós Covalima nia jurizdisaun.

“Pesoál sira ne’ebé mak envolve, no ami halo kapturasaun ne’e, sira hamutuk na’in-ualu maka ami submete ona bá iha prosesu ho sira-nia sasán sira,” Komandante UPM, Superintendente Polísia Eugénio Pereira, informa bá jornalista sira iha kna’ar fatin UPM, Lecidere-Díli, Segunda (06/11/2023).

Kapturasaun ne’e akontese tanba servisu hamutuk entre ekipa Servisu Informasaun UPM, Kompañia Bravo, ne’ebé mak lokaliza iha área Atabae, Batugade ho Loes, ho nia postu sira vizilánsia nian, konsege deteta, no halo kapturasaun no apreensaun bá iha sidadaun sira ne’ebé mak tenta atu lori sasán ilegál tama mai iha Timor-Leste.

“Iha ninia rezultadu hosi servisu ne’ebé mak ha’u mensiona, ita konsege halo apreensaun bá iha sasán sira, ka objetus ne’ebé maka kategória hanesan objetu bá iha atividades ilísitu ka  kríme ne’ebé maka laiha autorizasaun ka lisensa ruma, hodi tama iha ita-nia país, ka liuhosi ita nia odamatan fronteira,” komandante Eugénio, hateten.

Advertisement

Sidadaun ka suspeitu hirak ne’ebé kaptura no evidénsia sira ne’ebé prende, UPM halo ona ninia prosesu identifikasaun, no entrega kedas  bá iha ekipa Departamentu Investigasaun Kriminál (DIK), hodi nune’e, bele koordena ho Ministériu Públiku (MP) oinsá atu bele promove bá iha prosesu tuir Lei Kódigu Prosesu Penál.

Hatán kona-bá kauza hosi atividade ilísitu sira buras fali iha área tasi nian, komandante UPM ne’e dehan, ida ne’e tanba sidadaun sira nia atividade negósiu bá sira nian interese, oinsá atu hetan lukru. Maibé, iha asaun hirak mak sidadaun sira  halo la tuir ninia dalan ne’ebé legál. Tanba ne’e, UPM sempre iha ninia asaun ida firme no ho rekursu ne’ebé mak iha, liuhosi ekipa servisu informasaun, iha postu vizilánsia sira halo nafatin vizilánsia iha área kosteira sira.

 Jornalista: Rogério Pereira Cárceres

Advertisement
Kontinua Le'e
Advertisement
Hakarak Hato'o Komentariu?

Husik Hela Komentariu

Your email address will not be published. Required fields are marked *

Defeza & Seguransa

Xina Oferese Motór Patrulla Lima bá Polísia Tránzitu Nasionál

Published

on

Hatutan.com, (26 Fevereiru 2024), Dili—Governu Xineza liu hosi ninia embaixada iha Díli oferese motór patrulla (batedores) ho marka CFMOTO hamutuk lima bá Polísia Tránzitu Nasionál atu assegura aktividade entidade sira hosi rai-liur no mós órgaun soberania haat iha Timor-Leste (TL).

(more…)

Kontinua Le'e

Defeza & Seguransa

Polísia Kaptura Suspeitu Ida Envolve Kazu Taa Luis Vicente iha Kampu Baru

Published

on

Hatutan.com, (23 Fevereiru 2024), Díli-Polísia Nasionál Timor-Leste (PNTL) halo ona kapturasaun no detensaun bá suspeitu ida ho inisiál JF hosi na’in-rua  ne’ebé kondús motór taa vítima Luis Vicente Tou iha estra Eskola 05 de Maio, Kampu Baru, Comoro, Díli.

(more…)

Kontinua Le'e

Defeza & Seguransa

Deskonfia Fa’an Ilegál Ai-moruk Item Neen iha Farmásia Moris-Foun, Polísia Detein Suspeitu Na’in-tolu

Published

on

Hatutan.com, (22 Fevereiru 2024), Díli—Ekipa konjunta kompostu Polisia Nasionál Timor-Leste (PNTL), Departamentu Investigasaun Kriminál (DIK) Nasionál ho Ministériu Saúde (MS), Diresaun Nasionál bá Farmásia no Medikamentus (DNFM), liuhosi atividade buska no inspesaun, konsege identifika ai-moruk hamutuk item neen (6) mak deskonfia fa’an ilegálmente iha farmásia Moris-Foun, Colmera, Díli.

(more…)

Kontinua Le'e
Advertisement

Trending