Connect with us
Pakote Ahi

Defeza & Seguransa

Timoroan Na’in-Neen Atu Bá Cambodia Nu’udár “Modu” Tráfiku Umanu

Published

on

Hatutan.com, (09 Janeiru 2024), Díli-Polísia Nasionál Timor-Leste (PNTL), Departamentu Investigasaun Kriminál Nasionál (DIKN)  deskonfia Timoroan  na’in-neen (6) ne’ebé atu arranka bá Cambodia, Segunda (08/01/2024), nu’udár vítima bá “modu” ka maneira kazu tráfiku umanu.

Lee Mós: Deskonfia, Kompañia Ulti Game Rekruta Ilegál Timoroan Na’in-Neen Atu bá Servisu iha Cambodia

Xefe Departamentu Investigasaun Kriminál Nasionál (DIKN), Superintendente Polísia João Belo dos Reis. Foto/Elio dos Santos da Costa

Timoroan na’in-neen ne’e hetan deporta hosi Servisu Migrasaun Timor-Leste iha Aeroportu Internasionál   Prezidente Nicolau dos Reis Lobato, tanba la prienxe rekizitu viajen tanba  la komprova ho tikete fila nian.

Timoroan mesak joven de’it; feto na’in-haat (4) no mane na’in-rua (2), rekruta liuhosi online hosi kompañia Ulti Game iha Cambodia atu bá servisu iha Casino ho promesa saláriu kada fulan $900,00.

Advertisement

Xefe Departamentu Investigasaun Kriminál Nasionál (DIKN), Superintendente Polísia João Belo dos Reis, informa, sidadaun timoroan na’in-neen  ne’e iha indikasaun forte bele sai vítima bá tráfiku umanu. Tanba ne’e maka, entrega bá DIK Nasionál hodi halo identifikasaun, maizumenus sira sai atu bá ne’ebé, no sé mak fasilita.

“Hosi identifikasaun ne’ebé ami halo, katak, sira ne’e konsidera bá vítima tráfiku umanu, tanba ema rekruta sira liuhosi online, kompañia naran Uulti Game, ne’e na’in ne’e ema Brazil, mais, bainhira sira halo video call, ema ne’e rasik nunka see oin bá sira no fatin ne’ebé mak sira atu bá, servisu iha Casino,” Komandante João Belo dos Reis, informa bá jornalista sira liuhosi konferénsia imprénsa iha sala konferénsia Kuartel Jerál PNTL, Caicoli-Díli, Tersa (09/01/2024).

Superintendente Polísia João Belo dos Reis hateten, haree hosi esperiénsia ne’ebé mak PNTL iha, bá maluk sira ne’ebé mak sai ona vítima tráfiku umanu iha Malázia, nia modus operande kauje hanesan ho vítima na’in-neen (6) ne’ebé atu bá Cambodia.

Modus operanda ne’ebé mak rekruta hosi online, depois kompañia fasilita hotu dokumentu sira, to’o ikus, timoroan sira sai vítima. Tanba ida ne’e, PNTL tenke asegura no proteje nia sidadaun sira, labele sai vítima nafatin bá hahalok tráfiku umanu.

Hosi rezultadu identifikasaun, DIK Nasionál nota katak, vítima sira ne’e la liuhosi prosesu rekrutamentu ne’ebé legál, tanba tuir loloos Governu liuhosi Sekretária Estadu Formasaun Profesionál no Emprégu (SEFOPE) tenke hatene no iha kazu ida ne’e mós, kompañia ne’ebé halo rekrutamentu nia lokalizasaun atividade iha tiha Cambodia.

Advertisement

“Posível, ita bele servisu hamutuk ho INTERPOL, hodi kaptura sira. Karik mak iha envolvimentu ita nia maluk timoroan balu mak fasilita, ka lori sira, mak ita sei bolu hotu, atu halo identifikasaun bá sira,” João Belo hateten.

Timoroan na’in-neen ne’ebé horseik DIK Nasionál submete iha prosesu identifikasaun, investigadór sira haruka bá fila ona bá hamutuk ho sira-ninian família, no sei buka tuir nafatin autór sira, maibé, kazu ida Investigadór sira sei lori bá rejísta iha Ministériu Públiku (MP) hodi kontinua prosesu bá oin.

Timoroan na’in-neen ne’e ho identidade mak hanesan, Francisco de Deus, Anastasia da Costa, Viziana Gusmão Lopes, Elisabeth Crisanta de Fátima Soares, Babylonia Nugesta Smith Silva, no Jonas da Silva Amaral.

Embaixadór Hermenegildo Kupa Husu Atu Liuhosi Meius Legál

Embaixadór Timor-Leste bá Cambodia, Hermenegildo Kupa Lopes. Foto/Espesiál

Hosi sorin seluk, Embaixadór Timor-Leste bá Cambodia, Hermenegildo Kupa Lopes, husu bá Timoroan hotu ne’ebé atu bá servisu iha Cambodia ka iha nasaun ne’ebé de’it, tenke buka hatene loloos informasaun molok deside hakarak servisu iha estranjeiru.

Embaixadór Hermenegildo Kupa Lopes ne’ebé daudaun ne’e iha Phnom Penh haktuir bá Hatutan.com via telefone katak, atu evita problema oioin iha ema nia rain, liuliu problema tráfiku umanu, di’ak liu mak  haree oportunidade servisu ne’ebé Governu ho Governu estabelese (GtoG), nune’e bele iha garantia no seguru bá timoroan sira-nia vida iha ema nia rain.

Advertisement

“To’o agora ita seidauk iha kooperasaun ho Camobdia atu haruka traballadór Timoroan bá servisu iha Cambodia. Ita hakrak mak Cambodia bele haree oportunidade investimentu iha Timor-Leste atu  bele investe iha Timor-Leste no absorve kampu servisu bá Timoroan iha Timor-Leste,” Hermenegildo Kupa Lopes hateten.

Kona-bá informasaun katak empreza Cambodia nian ho naran Ulti Game ne’e nia laiha koñesimentu atu rekruta Timoroan hodi servisu iha Casino iha Cambodia.

“Iha ne’e imigrante sira hosi Indonézia maioria servisu iha Casino, maibé sira barak nia vida iha risku tanba sira servisu iha fatin ne’ebé fó risku bá sira-nia vida duni,” Hermenegildo Kupa Lopes fó sasin.   

Jornalista: Rogério Pereira Cárceres

 

Advertisement

Kontinua Le'e
Advertisement
Hakarak Hato'o Komentariu?

Husik Hela Komentariu

Your email address will not be published. Required fields are marked *

Defeza & Seguransa

Vizita Papa Francisco, Seguransa Preparadu no Garantidu

Published

on

Hatutan.com, (16 Abríl 2024), DíliIX Governu Konstitusionál garante sei fó seguransa másimu durante loron tolu vizita Papa Francisco iha Timor-Leste (TL).

(more…)

Kontinua Le'e

Defeza & Seguransa

Governu Tenke Konsidera Kompeténsia Xefe Estadu iha Kooperasaun Internasionál Kuadru Defeza

Published

on

Hatutan.com, (16 Abríl 2024), DíliPrezidente Repúblika (PR), José Ramos-Horta husu Governu tenke tau konsiderasaun bá buat balun kona-bá kompeténsia Xefe Estadu nian iha kooperasaun internasionál kuadru defeza.

(more…)

Kontinua Le'e

Defeza & Seguransa

Membru UPM Na’in-50 Deklara Husik GAM-GAR

Published

on

Hatutan.com, (15 Abríl 2024), Díli—Polísia Nasionál Timor-Leste (PNTL) liu hosi Unidade Polisia Marítima (UPM) nia membru hamutuk na’in-50, deklara sai hosi orgazanizsaun Grupu Arte Marsiál (GAM) ho Grupu Arte Rituál (GAR), no jura bá bandeira lulik RDTL atu serví de’it povu no rai doben Timor-Leste.

(more…)

Kontinua Le'e
Advertisement

Trending