Connect with us
Pakote Ahi

Justisa & Krime

Ministériu Públiku Mak “Budu” Kazu Ró Haksolok

Published

on

Hatutan.com (05 Novembru 2023), Díli—Koordenadora grupu traballu reforma justisa, Lúcia Lobato konsidera Ministériu Públiku (MP) mak “budu” kazu Ró Haksolok tanba relatóriu hosi Kámara Kontas nian públika ona no hateten buat barak liuliu irregularidade barak liga ho prossesu sosa Ró Haksolok maibé MP rasik la halo investigasaun to’o agora.

Lúcia Lobato hala’o hela vizita bá fatin konstrusaun Ró Haksolok iha Figueira da Foz, Portugál, iha loron 28 fulan Novembru tinan 2023. Foto dok.Lúcia Lobato.

“Kámara de Kontas fó-sai ona relatóriu ida naruk loos kona-bá Ró Haksolok. Agora husu bá Ministériu Públiku saída mak sira halo ona kona-bá relatóriu ne’e. Sira tenke halo buat ruma kona-bá relatoriu ne’e, sira tenke hatán tanba saida mak sira la halo investigasaun,” Lúcia Lobato hateten hafoin serimónia lansamentu relatóriu peskiza koná-bá sistema justisa lokál iha salaun Tower Fatu-Hada, Tersa (05/12/2023).

Lee Mós: Auditoria TR: Timor-Leste Gasta Ona Millaun $24 Bá Konstrusaun Ró Haksolok

Lúcia Lobato hatutan, relatoriu iha, Lei hateten katak, sira tenke halo atuasaun maibé tanba sa la halo. Lei m’os hateten katak, bainhira Kamara Kontas fó rekomendasaun, presiza halo investigasaun, bainhira gasta Estadu nia osan, tenke fó fila, karik akontese duni inflasaun finanseiru, MP tenke prossesa hotu ema hirak ne’ebé mak estraga Estadu nia osan hodi ba hatan iha Tribunál.

Advertisement

Bainhira Jornalista husu kona-bá foin lalais bá Portugál, Lúcia Lobato liu bá vizita estaleiru Figeira da Foz hodi haree diretamente kondisaun Ró Haksolok ninia progressu konstrusaun, nia dehan ninia vizita foin lalais ne’e la’o privadu no labele hatene konstrusaun ne’e atinje ona pursentu hira.

“Ha’u bá ne’e la’o privadu. Ha’u bá haree de’it Ró ne’e tanba ha’u nia osan mós tama bá gastu hotu bá Ró ne’e. Selu fulan-fulan ko’a ha’u nia taxa bá Ró ne’e. Nia atu mai ka la mai iha 2024 ne’e ha’u labele hatene. Ha’u mak halo ro ne’e ka. Se ha’u mak halo ha’u bele hateten ba imi bainhira mak ró ne’e atu mai Timor,” Lúcia Lobato hateten.

Koordenadora grupu traballu reforma justisa ne’e afirma, iha relatóriu ne’e konkretamente ko’alia, mosu iregularidade barak, osan gastu la tuir dalan, osan lakon, agora Ministériu Públiku halo saída ho relatóriu sira ne’e, sei hein saída, Estadu nia osan barak lakon hanesan ne’e.

“Sira hein saida, atu bá hili de’it ema sira ne’ebé mak hakarak halo investigasaun? MP labele hili ema atu halo investigasaun. Tenke trata ema hotu hanesan iha Lei ne’e nia okos. Ita hotu ezije bá sira, tanba saida mak to’o ohin loron la halo investigasaun,” nia preokupa.

Antes ne’e iha loron 28 fula Novembru tinan 2023, Lúcia Lobato hala’o hela vizita bá fatin konstrusaun Ró Haksolok iha Figueira da Foz, Portugál, konsege publika fotografia Ró Haksolok iha ninia pájina facebook privada ho nia komentáriu dehan “Aproveita vizita Matebian Haksolok iha tempu livre balun…”.

Advertisement

Iha komentáriu ne’e mós mensiona katak, Tinan 8-9 ba kotuk, Governu foti desizaun sosa ro ahi ida urjente bá Oecusse.

“Selu ona osan boot, besik millaun $30, ro lá entrega ba RAEOA to agora. Projetu inisiál sosa ro ahi nakfila ba sosa saham kompañia falida ida. Muda kontratu inisiál dala barak atu hamoris fali ró matebian Haksolok. Ministériu Públiku sei dukur!!! Tribunais hakmatek los!!! Justisa TL desorientadu k “salah arah” ona!!! Sei hamihis k halakon ema nia fiar ba justisa!!! Ikus mai ema sei dezobedese k la halo tuir desizaun tribunais!!! Ikus liu sei harahun Nasaun RDTL!!!,” Hatutan.com sita publikasaun Lúcia Lobato iha ninia pajina ofisial facebook, (28/11/2023).

Kona-bá preokupasaun ne’e Jornalista Hatutan.com konfirma ho Adjuntu Prokuradór Jerál Repúblika, Nelson de Carvalho maibé lakohi fó komentáriu tanba nia dehan seidauk to’o iha faze ida ne’e.

“Ha’u labele fó komentáriu kona-bá ida-ne’e. Ha’u seidauk bele to’o bá faze ida-ne’e,” Nelson de Carvalho hateten.

Jornalista: Gloria Maia

Advertisement

Kontinua Le'e
Advertisement
Hakarak Hato'o Komentariu?

Husik Hela Komentariu

Your email address will not be published. Required fields are marked *

Justisa & Krime

Kazu Taa iha Bebora, Tribunál Aplika Aprezentasaun Periódika Bá Arguido Na’in-rua

Published

on

Hatutan.com, (25 Fevereiru 2024), Díli -Tribunál Judisiál Primeira Instánsia Díli (TJPID), Domingu (25/02/2024), halo primeiru interrogatóriu bá arguido na’in-rua ho inisiál J no HM ne’ebé halo tentativa omisídiu hodi uza samurai taa sidadaun ida iha karreta Grand-Max laran iha área Bebora, Díli.

(more…)

Kontinua Le'e

Justisa & Krime

Kazu Farmásia Moris Foun, Tribunál Aplika Medida Koasaun 4 bá Arguido Sira no Husu Polísia Fó Fila Ai-moruk Item 150

Published

on

Hatutan.com, (24 Fevereiru 2024), Díli -Tribunál Judisiál Primeira Instánsia Dili (TJPID) liuhosi primeira interrogatóriu, Sábadu (24/02/2024), aplika medida koasaun haat (4) bá arguido na’in-tolu (3) nu’udár jerente bá Farmásia Moris Foun relasiona ho kazu hatama ai-moruk ilegál ho item 150.

(more…)

Kontinua Le'e

Justisa & Krime

Hatama Ai-moruk Ilegál Fó Prejuizu bá Estadu

Published

on

Hatutan.com, (23 Fevereiru 2024), Díli– Membru Parlamentu Nasionál hosi  Bankada CNRT, Patrocínio dos Reis Fernandes, husu bá autoridade polisiál, Ministériu Públiku no Tribunál atu prosesa kazu hatama ai-moruk ilegál tanba  fó prejuizu bá Estadu.

(more…)

Kontinua Le'e
Advertisement

Trending