Connect with us
Pakote Ahi

Justisa & Krime

Prezidente Repúblika Husu MP ho KAK Labele Politiza Investigasaun Kazu Ró Haksolok

Published

on

Hatutan.com (14 Novembru 2023), DíliPrezidente Repúblika (PR), José Ramos-Horta husu bá Ministériu Públiku (MP) ho Komisaun Anti Korrupsaun (KAK) labele politiza investigasaun bá kazu Ró Haksolok tanba situasaun ne’e kleur ona.

Iha loron 28 fulan Novembru tinan 2023, Koordenadora Grupu Tranallu bá Reforma Justisa, Lúcia Lobato hala’o vizita privada ida bá Figueira da Foz, Portugal hodi haree besik prosessu kontrusaun Ró Haksolok. Foto dok, Lúcia Lobato.

“Ha’u hateten labele haree tanbá tentasaun persegiasaun polítika. Haree duni se Kontas la’o ka la’e. Problema Ró haksolok ne’e ita labele politiza tanba ema iha li’ur la interese. Governu se-se sira tenta no akontese, buka solusaun bá problema ne’e. Ha’u la hatene KAK ho MP halo prossesu ne’e to’o ona iha ne’ebé maibé ha’u hateten labele politiza,” Prezidente Republika hateten hafoin hala’o vizita bá Armazen CLN, Bebora, Kuarta (13/12/2023).

Lee Mós: Kazu Ró Haksolok Sei Iha Hela Segredu Justisa

Ramos-Horta dehan, dalaruma Timor-Leste nu’udár Estadu sai vítima ba ema iha li’ur, kazu ida-ne’e iha Portugál, kompañia ne’ebé kaer mak dezonestu boot halo problema ne’e bá RAEOA-ZEESM Mari Alkatiri iha ninia tempu.

Advertisement

Xefe Estadu  espera, bá futuru Ró Haksolok ne’e sei mai Timor-Leste no Governu oinsá aproveita halo turizmu Transporte Pasajeiru, bele halo pelumenus kada fulan hosi Dili bá Darwin ho folin barratu, Turista sira bele mai halimar iha Timor, nune’e bá passear Díli ba Oecusse, ate bele halo transporte hosi Dili bá Kupang-Indonézia.

“Maibé ida-ne’e depende bá Governu ne’ebé mai ho Autoridade RAEOA nian oinsá utiliza sira nia matenek hodi jere Ró Haksolok ne’e rasik,” Ramos-Horta dehan.

Iha loron 28 fulan Novembru tinan 2023, Koordenadora Grupu Tranallu bá Reforma Justisa, Lúcia Lobato hala’o vizita privada ida bá Figueira da Foz, Portugal hodi haree besik prosessu kontrusaun Ró Haksolok. Foto dok, Lúcia Lobato.

Antes ne’e Koordenadora Grupu Traballu Reforma Justisa, Lúcia Lobato hateten, Relatóriu Kamara Kontas nian públika ona no iha relatóriu ne’e hakerek buat barak kona-bá irregularidade iha prosesu sosa Ró Haksolok, maibé deskonfia Ministériu Públiku (MP) mak  budu hela hodi la halo investigasaun.

Nune’e, hatán bá ne’e foin lalais ne’e Prokuradór Jerál Repúblika (PJR), Alfonso Lopez hateten katak, Prosesu kona-bá Kazu Ró Haksolok nia labele ko’alia tanba sei iha hela segredu justisa.

Antes ne’e mós Diretór Jerál Investigasaun KAK, José de Araújo Verdiál hateten, normalmente relatóriu Kámara Kontas ne’e haruka diretamente bá Ministériu Públiku no KAK rasik labele hateten bá públiku saída de’it mak mosu iha relatóriu laran tanba iha hela faze investigasaun.

Maski nune’e José de Araújo Verdiál dehan, bainhira KAK halo ona investigasaun, signifika iha duni indísiu krime korrupsaun bá kazu ne’e.

Advertisement

Lee Mós: Ministériu Públiku Mak “Budu” Kazu Ró Haksolok

Jornalista: Gloria Maia

Kontinua Le'e
Advertisement
Hakarak Hato'o Komentariu?

Husik Hela Komentariu

Your email address will not be published. Required fields are marked *

Justisa & Krime

Tribunál Rekursu Absolve António “Kalohan” Hosi Pena Prizaun Tinan-Lima

Published

on

Hatutan.com, (12 Abríl 2024), Díli – Advogadu privadu, Pedro Camões ne’ebé fó asisténsia legal bá arguido António da Conceição ‘Kalohan’, informa  katak iha Kinta, 11 fulan-Abríl 2024, Tribunál Rekursu hasai ona desizaun hodi absolve pena prizaun efetivu tinan-lima (5) bá nia kliente Antonio da Conceição ‘Kalohan’.

(more…)

Kontinua Le'e

Justisa & Krime

Halo Investigasaun Profunda bá Pesoál PCIC Husu Osan bá Oan Mane Fujitivu Teves Jr

Published

on

Hatutan.com, (11 Abríl 2024), Díli– Komisaun B  Parlamentu Nasionál (PN),  ne’ebé trata asuntu Seguransa hein katak parte kompetente tenke halo investigasaun  ida profunda bá bá pesoál membru Polísia Sienteifika Investigasaun Kriminál (PCIC, sigla portugés) ne’ebé mak ho irresponsabilidade halo kobransa ka husu osan bá fujitivu Arnolfo Teves Jr  nian oan hodi fó seguransa bá fujitivu ho nasionalidade Flipina ne’ebé kumpre hela prizaun preventiva iha prizaun Becora, Díli.

(more…)

Kontinua Le'e

Justisa & Krime

PCIC Suspende no Averigua Membru Ne’ebé Deskonfia Husu Osan bá Oan Mane Fujitivu Alnolf Teves Jr

Published

on

Hatutan.com, (09 Abríl 2024), Díli—Polícia Ciêntífica e de Investigação Criminal (PCIC) liu hosi ekipa investigadór sira hahú loke prossesu averiguasaun hasoru membru ho inisiál OdCA ne’ebé deskonfia husu osan bá fujitivu Arnolf Teves Jr nia oan-mane liuhosi gravasaun audio iha média sosiál WhatsApp foin lalais ne’e.

(more…)

Kontinua Le'e
Advertisement

Trending