Connect with us
Pakote Ahi

Defeza & Seguransa

Komandu F-FDTL La Tolera Membru Ne’ebé “Tuku-Tebe” Ofisiál FC Laivai

Published

on

Hatutan.com, (18 Dezembru 2023), Díli—Komandu FALINTIL Forsa Defeza Timor-Leste (F-FDTL), identifika ona no sei laiha tolensia ba oknum ne’ebé deskonfia baku-lisuk Domingos dos Santos, nu’udár ofisiál ida iha FC Laivai Afisafa, iha estádiu munisipál Dili, Sábadu (16/12/2023).

Comodoro Higino das Neves hala’o konferénsia imprensa hafoin diálogu ho reprezentante jorgadór sira FC Laivai Afisafa nian iha Kuartél Jenerál F-FDTL, Fatuhada-Díli, Segunda (18/12/2023). Foto: Tomé da Silva.

Kronolojia akontesimentu, tuir oráriu ne’ebé estabelese ona hosi ekipa komisaun organizadora, katak, iha tuku 16:00 lorokraik otl FC Navál ho FC Laivai Afisafa, tenke hasoru-malu iha ámbitu Kopa Komponente Navál.

Lee Mós: Falur Alerta Ikus bá Membru F-FDTL Ne’ebé Involve GAM-GAR

Jogu tama ona iha parte daruak nian, no la’o ona besik minutu 87, hela tán minutu 3 atu remata, derrepente mosu dezentendimentu entre jogadór avansadu Yohanes Marques hosi FC Laivai Afisafa, no Guarda Rede hosi FC Navál nian.

Advertisement

Iha minutu 87, jogadór avansadu Yohanes Marques suta bola iha área penalidade FC Navál nian, maibé, guarda rede FC Navál nian halo atake ho maka’as no tebe kona jorgadór Yohanes Marques, hodi monu kedan bá rai.

Ho situasaun ne’e maka mosu haksesuk-malu entre jogadór sira no sira tenta atu baku-malu. Nune’e, FC Laivai Afisafa nia ofisiál ida ho naran Domingos dos Santos, halai tama bá kampu laran ho intensaun sori ka hakalma situasaun ne’e.

Maibé, membru F-FDTL hosi Komponente Navál nian, barak mós maka halai tama bá simu hasoru Domingos dos Santos hodi tuku no tebe to’o sai hosi kampu laran.

Komandante Komponente Navál, Comodoro Higino das Neves simu ona informasaun katak, iha membru hamutuk na’in-lima mak deskonfia liman-kona ho tuku-tebe hasoru Domingos dos Santos, iha kampu laran.

“Na’in-rua mak ha’u hatene ona sira nia naran, to’o na’in-lima. Agora, sei investiga hela atu haree, ohin kedan investigasaun la’o,” Comodoro Higino das Neves informa hafoin diálogu ho reprezentante jorgadór sira FC Laivai Afisafa nian iha Kuartél Jenerál F-FDTL, Fatuhada-Díli, Segunda (18/12/2023).

Advertisement

“Ha’u seidauk mai hasoru sira, desizaun iha ona investigasaun, para depois haree, sé ninia envolvimentu ne’e ema ruma mak prepara, atu mai iha forsas armadas hodi estraga forsas armadas nia naran maka nia sei simu nia konsekuénsia,” nia afirma.

Hatán kona-bá vídeo ne’ebé espalla iha média sosiál hatudu membru F-FDTL barak fardadu, halai tama bá kampu laran, hodi baku lisuk vítima. Comodoro Higino das Neves dehan, nia labele jeneraliza, tanba liuhosi prosesu investigasaun mak bele hatene loloos.

“Konforme hateten ne’e rua, até lima. Mais, ha’u seidauk hatene loloos. Só investigasaun maka bele hatene, tanba ha’u labele jeneraliza ema hothotu. Tanba balu bele tama, maibé, iha balu ne’ebé atu bá sori, mais, ida ne’ebé tau liman ne’e maka, ita haree katak, ida ne’e maka, dala-ruma ema ruma prepara nia, ou tanba forsa nia doutrina nunka halo asaun ida kuandu ita nia vida seidauk perigu,” Higino das Neves deklara.

Komandante Komponente Navál ne’e esplika, kada Forsas armadas nia asaun só ninia vida iha ona perigu laran mak foin bele responde asaun ida ne’e atu halo auto defeza.

Buka Tuir ID Falsu Sira Ne’ebé ‘Ofende Malu’ Iha Média Sosiál

Advertisement

Comodoro Higino das Neves salienta mós katak, nia parte sei orienta atu buka tuir sidadaun sira ne’ebé uza ID Facebook falsu, hodi ofende ka hatuun malu iha média sosiál, ligadu ho kazu insidente refere. 

“Ne’e-duni, komponente navál, apartir de ohin bá oin ha’u la rona fali trata malu iha facebook. Ha’u sei hateten para, ema sei buka tuir sé mak halo ID Falsa, hodi bele trata fali, komentáriu fali problemas, situasaun ida ne’e iha facebook,” Comodoro Higino, alerta.

Comodoro Higino mós informa kona-bá solusaun hosi diálogu ohin nian maka, sira hothotu konkorda desizaun saida de’it mak komandu halo, no komandu laiha toleránsia bá membru ne’ebé kriminózu.

“Ida ne’e mak solusaun. Sé nia sala, hasai. Tanba sira mós triste, kuandu haree forsa ida sai kriminózu, forsa ida sai autoritáriu, tau liman bá nia povu. Sira mós triste ida ne’e,” hateten nia.

Higino das Neves, apela bá membru komponente navál no forsa armada tomak iha F-FDTL katak, ema sira ne’ebé mak foin dadauk la kumpri ordém, ne’e signifika sira rasikmaka la respeita ona instituisaun, la respeita ona komandu, tanba Maijór Jenerál Mau-Nana iha ne’ebá, reprezenta Jenerál Xefe.

Advertisement

“Iha Mau-Nana nia oin, sira halo atuasaun ida ne’ebé mak laiha morál. Hatun kedan major jenerál ninia oin iha públiku no estrutura komandu navál nian tomak. Ida ne’e sei la akontese tán. Ida ne’e últimu no primeiru. Zero toleránsia. Komandu sei la permite ida ne’e iha futuru,” nia dehan .

Ne’e-duni, bá komponente navál nia ema ne’ebé kontinua provoka, kontinua sunu ahi, para estraga koordenasaun, diálogu ne’ebé halo ona entre FC Laivai Afisafa ho komandu navál halo, maka, ninia konsekuénsia seluk laiha.

“Ne’e-duni, alerta, katak, hahú hosi oin, sé de’it la provoka malu iha facebook. Desizaun ida ne’ebé komandu halo ona, rezultadu sai mak ita-boot sira haree. Mais, komandu la tolera, oknum ida ne’ebé hakarak estraga forsa armadas nia naran. Nunka tolera ida ne’e,” nia alerta.

Comodoro Higino da Neves konsidera katak, membru sira ne’ebé halo ‘asaun forsada’ iha kampu laran foin lalais, sira ne’e sai inimigu ho forsas armadas, no sai inimigu bá nia povu. Ne’e-duni, sei laiha toleránsia bá sira.

Ikus liu, Comodoro Higino das Neves, lori naran komandu F-FDTL nian, husu deskulpa barak bá inan-aman Laivai, liu-liu FC Laivai Afisafa nian, tanba nafatin mantein ho hakalma no lakohi atu estraga prestíjiu Forsa Armada nian iha públiku.

Advertisement

“Ha’u hakru’uk bá ita-boot sira. Asaun ida ne’ebé ha’u nia forsa halo, ha’u nia militár halo, ne’e la’os ordém komandu nian. Ne’e oknum. Ida-rua ne’ebé hakarak mai estraga prestíjiu forsa nian. Ami nunka hanorin ida ne’e bá ami nia forsa. Kopa ne’e Navál mak halo, signifika, justru, Navál maka asegura atu insidente ne’e laiha,” nia husu deskulpa.

Jornalista: Rogério Pereira Cárceres

Kontinua Le'e
Advertisement
Hakarak Hato'o Komentariu?

Husik Hela Komentariu

Your email address will not be published. Required fields are marked *

Defeza & Seguransa

Vizita Papa Francisco, Seguransa Preparadu no Garantidu

Published

on

Hatutan.com, (16 Abríl 2024), DíliIX Governu Konstitusionál garante sei fó seguransa másimu durante loron tolu vizita Papa Francisco iha Timor-Leste (TL).

(more…)

Kontinua Le'e

Defeza & Seguransa

Governu Tenke Konsidera Kompeténsia Xefe Estadu iha Kooperasaun Internasionál Kuadru Defeza

Published

on

Hatutan.com, (16 Abríl 2024), DíliPrezidente Repúblika (PR), José Ramos-Horta husu Governu tenke tau konsiderasaun bá buat balun kona-bá kompeténsia Xefe Estadu nian iha kooperasaun internasionál kuadru defeza.

(more…)

Kontinua Le'e

Defeza & Seguransa

Membru UPM Na’in-50 Deklara Husik GAM-GAR

Published

on

Hatutan.com, (15 Abríl 2024), Díli—Polísia Nasionál Timor-Leste (PNTL) liu hosi Unidade Polisia Marítima (UPM) nia membru hamutuk na’in-50, deklara sai hosi orgazanizsaun Grupu Arte Marsiál (GAM) ho Grupu Arte Rituál (GAR), no jura bá bandeira lulik RDTL atu serví de’it povu no rai doben Timor-Leste.

(more…)

Kontinua Le'e
Advertisement

Trending