Connect with us
Pakote Ahi

Internasionál

Prezidente Repúblika Iha Ona Roma ho Sekuénsia Vizita Tuir-Mai

Published

on

Hatutan.com, (21 Janeiru 2024), Roma—Prezidente Repúblika (PR), José Ramos-Horta ho delegasaun to’o ona Roma-Italia ne’ebé simu direitamente hosi Arsebispu Canalini ho embaixadora Timor-Leste (TL) bá Vatikanu, Cloé Silvia Tilman Dindo.

Prezidente Repúblika José Ramos-Horta ho delegasaun to’o iha Aeroportu Internasionál Leonardo da Vinci Roma-Italia, simu direitamente hosi Arsebispu Canalini ho embaixadora Timor-Leste (TL) bá Vatikanu, Cloé Silvia Tilman Dindo (19/01/2024). Foto: Vito Salvadór.

Prezidente Repúblika José Ramos-Horta ho delegasaun to’o iha Aeroportu Internasionál Leonardo da Vinci ho aviaun Emirates iha tuku 12:32 loro-kraik oras Roma-Italia.

Lee Mós: Ramos-Horta Semo bá Índia Partisipa Vibrant Gujarat Global Summit 2024

Ajenda ne’ebé Hatutan.com assesu, iha Domingu (21/01/2024) vizita Estadu iha Roma-Italia, no Prezidente Repúblika José Ramos-Horta sei hasoru-malu ho Papa Francisco iha loron 22 fulan-Janeiru iha Palásiu Apostólika Vatikana.

Advertisement

Hafoin sorumutu ho Papa Francisco, Xefe Estadu kontinua enkontru bilaterál ho Primeiru-Ministru Vatikanu Kardeál Pietro Parolin ne’ebé sei akompaña direta hosi Sekretáriu Relasaun Estadu Vatikamu nian, Arsebispu Paul Gallagher hanesan mós Ministru Negósiu Estranjeiru Vatikanu.

Hafoin vizita iha Sidade Vatikanu, iha loron 23 fulan-janeiru, Prezidente Repúblika ho delegasaun sei kontinua vizita Estadu ba iha Nasaun Fransa.

Iha Fransa, tuir ajenda Xefe Estadu sei hasoru-malu ho nia omólogu Prezidente Repúblika Fransa, Emmanuel Macron iha loron 24 fulan-janeiru.

Iha loron 25 fulan-janeiru, Xefe Estadu mós sei hala’o sorumutu ho Sr. Cedric Perrin – Prezidente Senadu ba Komisaun Negósiu Estranjeiru, Defeza no Forsa Armada Fransa nian.

Prezidente Ramos-Horta sei partisipa mós iha eventu “2023 Smart Peace Prize” ne’ebé organiza hosi “Leaders pour la Paix”.

Advertisement

Prémiu da Pás ne’ebé di’ak bá labarik no foin-sa’e sira iha tinan 2023 nu’udár prémiu ida-ne’ebé fó kolen no fó atensaun bá esperiénsia ne’ebé sussesu hodi estabelese pedagojia dame ida-ne’ebé sustentável bá foin-sa’e sira no organiza hosi Leader Pour la Pax hanesan organizasaun non-profit, kria liu hosi inisiativa eis Prime-Minister Jean-Pierre.

Prezidente Ramos-Horta sei partisipa nu’udár konvidadu bá onra no sponsor ofisiál bá Prémiu da Pás “2023 Smart Peace Prize”.

Serimónia ne’e sei hala’o durante han-kalan ofisiál iha loron 25 fulan-janeiru tinan 2024 no sei halibur konvidadu sira ne’ebé iha prestíjiu hamutuk 100.

Iha loron 26 fulan-janeiru, Xefe Estadu sei partisipa iha Konferénsia Siénsia Politika iha Eskola Assuntu Umanitáriu.

Hafoin Vizita iha Fransa, Xefe Estadu ho delegasaun sei kontinua vizita traballu bá Reinu Unidu iha loron 28 fulan-janeiru sei iha lansamentu ofisialmente bá “Rejistu Konsulár no nomeasaun” ho lider sira hosi Komunidade no Asosiasaun Timor-Leste nian ne’ebé organiza hosi Embaixada Timor-Leste, nune’e Ofisialmente lansa “British Timorese Amyship Society” organiza hosi Embaixada Timor-Leste.

Advertisement

Iha loron 29 fulan-janeiru, Xefe Estadu sei hato’o diskursu iha Asia House ho Membru Emprezarial no Korporativu Diskusaun iha Chatham House.

Iha loron 30 fulan-janeiru, Xefe Estadu sei asina Serimónia Akordu Negósiu entre SundaGas no Timor Gap ba parseria iha projetu iha tasi-ibun Timor-Leste.

Sei iha mós han-kalan ho Embaixadór CPLP, Embaixadór ASEAN, ofisiál Governu Reinu Unidu no ofisiál komunikasaun sosiál sira ne’ebé organiza hosi Embaixadór Portugés Nuno Brito.

Iha loron 31 fulan-janeiru, sei iha Sorumutu ho Gemcorp Capital LLP no Altus Group kona-bá Investimentu ne’ebé eziste no potensiál iha Timor-Leste no iha mós BBC Hardtalk Entrevista.

Iha loron 02 fulan-fevereiru, Prezidente sei hato’o diskursu xave iha Simeira Ekonomista Warwick. Sorumutu Ekonomista Warwick nian mak forum internasionál boot liu hotu ne’ebé hala’o iha Europa, ne’ebé estudante universidade sira ne’ebé iha talentu sei bá partisipa no rona oradór sira ne’ebé iha interese no inspirasaun barak liu iha mundu.

Advertisement

Iha tinan rua nia laran, Simeira Ekonomia Warwick nian kontente tebes hodi organiza oradór sira ne’ebé la hanesan iha mundu tomak hodi fó forum ida-ne’ebé enkoraja troka ideia sira ne’ebé estimula no dezafiu husi ema sira ne’ebé iha background oioin.

Vizita iha Reinu Unidu remata, Prezidente Repúblika José Ramos-Horta ho delegasaun kontinua ba Uniaun Emiradu Arabe (UEA) iha sidade Abu Dhabi iha loron 03 Fulan-Fevereiru 2024, hodi partisipa iha serimónia prémiu “Zayed Award for Human Fraternity”.

Prezidente Repúblika, José Ramos-Horta ho Delegasaun sei to’o hikas Timor-Leste iha loron 07 fulan-Fevereiru 2024.

Jornalista: Vito Salvadór

Advertisement
Kontinua Le'e
Advertisement
Hakarak Hato'o Komentariu?

Husik Hela Komentariu

Your email address will not be published. Required fields are marked *

Internasionál

Ramos-Horta bá Portugál-EUA, Partisipa Aniversáriu Revolução dos Cravos

Published

on

Hatutan.com, (22 Abríl 2024), DíliPrezidente Repúblika (PR), José Ramos-Horta hamutuk ho delegasaun semo bá Portugál hodi partisipa aniversáriu Revolução dos Cravos bá dala-L (50).

(more…)

Kontinua Le'e

Internasionál

Xanana Konvida Sylvia Earle Atu Fahe Esperiénsia bá TL Kona-bá Kuidadu Tasi

Published

on

Hatutan.com, (20 Abríl 2024), Díli— Primeiru-Ministru (PM), Kay Rala Xanana Gusmão konvida Péritu American Marine Biologist and Oceanographer, Sylvia Earle atu hala’o vizita mai Timor-Leste (TL) hodi fahe esperiénsia kona-bá diviorsidade tasi nian.

(more…)

Kontinua Le'e

Internasionál

PM Xanana ho PM Dominica Roosevelt Skerrit Diskute Kooperasaun Rai-Rua

Published

on

Hatutan.com, (20 Abríl 2024), Díli—Primeiru-Ministru (PM), Kay Rala Xanana Gusmão akompaña hosi Embaixadór Timor-Leste iha Brusselas, Jorge Trindade de Camões no ekipa Gabinete Fronteira Marrítima no Terrestre hala’o enkontru ho Primeiru-Ministru (PM) Commonwealth of Dominica, Roosevelt Skerrit hodi deskute kooperasaun bilaterál entre rai rua nian ne’ebé sei estabelese iha tempu besik.

(more…)

Kontinua Le'e

Trending