Connect with us
Pakote Ahi

Figura

Maestro bá Múzika Litúrjika, Padre Ildefonso Xavier Remata Peregrinasaun iha Mundu

Published

on

Hatutan.com, (25 Janeiru 2024), Díli—Maestro bá múzika litúrjika iha Kreda Timor nian, Padre Ildefonso Xavier remata peregninasaun iha mundu (mate).

Maestro bá múzika litúrjika iha Kreda Timor nian, Padre Ildefonso Xavier. Foto: Isco Bosy.

Padre Ildefonso hakotu-iis iha Hospital Nasionál Guido Valadares (HNGV)  Díli iha Kinta (25/01/2024), iha dader, hafoin hala’o tratamentu durante fulan ida nia laran, tanba sofre moras ran midar.

Lee Mós: Mgr. José António da Costa Remata Peregrinasaun iha Mundu

Molok halo’ot iha semitériu Padre sira nian iha Maloa Ailok-laran, parte Arkedioseze Díli nian liu hosi Padre Tadeu da Silva, prepara ona oráriu misa no velada bá mate-isin iha Igreja Katedrál Vila-Verde durante kalan tomak, hosi komunidade relijioza sira, parokianu sira mai hosi Parókia sira iha Díli laran no mós Seminarista sira.

Advertisement

Tuir oráriu velada ne’e, sei taka ho misa funerál prezidida hosi Arsebispu Arkedioseze Metropolitana Dili, Dom Virgílio Cardeal do Carmo da Silva, SDB iha loron 26 fulan Janeiru, tuku 14:00.

Padre Ildefonso moris iha Maulau, Ainaro iha loron 17 fulan Maiu tinan 1952 no simu ordenasaun saserdotál iha Arledioseze Braga, Portugál iha tinan 1977.

Padre Ildefonso hanesan espesialista iha múzika Litúrjika Kreda nian, ne’ebé durante tinan barak nia laran kontribui kompoen múzika Litúrjika sira hanesan rikusoin Kreda Timor nian hodi hahi no hanai Maromak.

Obra boot ne’ebé Padre Ildefonso Xavier husik hela maka kompoen livru Salmo tolu hosi Ano A, B no C ne’ebé sarani sira hananu iha misa Domingu-Domingu, inklui hanorin múzika iha Seminário sira.

Sarani Katólika, liuliu komunidade Relijioza iha Timor-Leste sente lakon no espressa sira nia sentimentu triste iha mundu virtuál.

Advertisement

Jornalista Estajiária: Zita Menezes

Kontinua Le'e
Advertisement
Hakarak Hato'o Komentariu?

Husik Hela Komentariu

Your email address will not be published. Required fields are marked *

Figura

PN Husu Ministru Justisa Foun Sergio Hornai Hala’o Knaar ho Responsabilidade

Published

on

Hatutan.com, (13 Fevereiru 2024), Díli-Reprezentante povu iha Parlamentu Nasional (PN) husu Ministra Justisa foun Sergio de Jesus Fernandes da Costa Hornai, atu hala’o knaar ho responsabilidade no garante justisa bá ema hotu.

(more…)

Kontinua Le'e

Figura

Bispu Eméritu Dioseze Atambua Mgr Antonius Pain Ratu, SVD Remata Peregrinasaun iha Mundu ho Idade 95

Published

on

Hatutan.com, (07 Janeiru 2024), Díli— Novidade tristeza hafalun sarani Katólika iha Provínsia Nusa Tenggara Timur (NTT, Indonézia tanba bibi-atan domin na’in, Bispu Eméritu Dioseze Atambua, Mgr. Antonius Pain Ratu, SVD husik iis iha tuku 10.45, Sábadu 6 Janeiru 2024 ho idade 95.

(more…)

Kontinua Le'e

Figura

Ramos-Horta Kondekora Embaixadór Philip Hewitt ho Medalla Orden Timor-Leste

Published

on

Hatutan.com, (29 Novembru 2023), Díli- Prezidente Repúblika (PR), José Ramos-Horta, kondekora Embaixadór Nova Zelándia mai Timor-Leste, Philip Hewitt ho medalla Orden Timor-Leste nu’udár rekoñesimentu bá nia dedikasaun no servisu durante hala’o misaun iha Timor-Leste.

(more…)

Kontinua Le'e
Advertisement

Trending