Hatutan.com, (30 Janeiru 2024), Díli—Arsebispu Arkedioseze Metropolitana Díli, Dom Virgílio Kardeál do Carmo da Silva, SDB hanesan Magna Sanselér fó posse bá ema na’in 20-resin hodi kompleta Estrutura no mós halo kompromisu bá onra hodi serbí bá Universidade Católica Timorense (UCT), São João Paulo II.

Arsebispu Arkedioseze Metropolitana Díli, Dom Virgílio Kardeál do Carmo da Silva, SDB hanesan magna Sanselér fó posse bá ema na’in 20-resin hodi kompleta Estrutura no mós halo kompromisu bá onra hodi serbí bá Universidade Católica Timorense (UCT), São João Paulo II, Tersa (30/01/2024). Foto: Tomé da Silva.

Ema na’in 20-resin ne’ebé simu posse mak hanesan, Padre Graciano Santos Barros hanesan Vise-Reitór bá Assuntu Dezenvolvimentu Institusionál no Pastorál Universitária. João Câncio Freitas Ph.D hanesan Vise-Reitór bá Pós-Graduasaun, Peskiza no Kooperasaun.

Lee Mós: UCT Apósta Kualidade Hodi Prodús Foin-sa’e Util Ba Nasaun

Dr. Agapito da Costa Jerónimo hanesan Vise-Reitór bá Ensinu no Assuntu Akadémiku, Padre Guilhermino da Silva, MBA hanesan Administradór Jerál.

Dr. Natalino de Jesus Dias hanesan Pró-Reitór bá apoiu Estudantíl, Padre Gonçalo Filipe da Cunha hanesan Diretór bá ICR.

Dr. João Paulo A. Carrilho hanesan Diretór bá Edukasaun nian, Dra Ana Isabel Silva hanesan Diretora bá Eskola Língua nian.

Mestra Marta dos Santos hanesan Koordenadora bá Kursu Agropekuária no Dekana Interina bá FEA, Virginia Cafasso Pinto hanesan Koordenadora bá Kursu Agroteknolojia.

Teresa da Cunha Mascarenhas hanesan Koordenadora Kursu Direitu, Rose Lim Ph.D hanesan Koordenadora bá Kursu Língua no Literatura Ingleza, Fr. Silvino Belo hanesan Administradór Adjuntu, Letizia Pinto hanesan Xefe Servisu Finansas.

Alende ne’e, Doutora Rosiete Sousa iha Unidade Orgánika FELA, Dr Yonnier Torres Perez iha FCM, Atanasio da Costa Flores iha FCM, Messias Ribeiro Gonçalves iha FCM, Lorença Fátima Silva iha FELA, David Mesquita iha FELA, Alberita Moniz Belo iha FELA, Agostinho A de Jesus iha FELA, Lizatoria Joanico Fernandes iha FELA, Nice de Deus da Cruz iha FELA, Clobelia de Jesus Gama iha Arministrasaun Jerál no Liverito de Jesus iha Administrasaun Jerál.

Dom Virgílio Kardeál do Carmo da Silva  hateten, hanesan baibain  bainhira hahú anu akadémiku foun nia estrutura sira mós foun tanba ne’e mak UCT halo re-estrutura bá kargu sira hahú hosi Pró Reitór, Vise-Reitór no seluk tán, fó pose mós bá Koordenadór sira kursu no dosente kontratadu foun sira ne’ebé atu hanorin iha UCT.

“Ema hotu-hotu ne’ebé servisu iha UCT ne’e sempre halo sira nia kompromisu bá onra atu ezije sira nia seriedade no dedikasaun hodi serbí ho loloos tuir kontratu ne’ebé mak iha,” Bibi atan ne’e hateten.

Iha tinan ida ne’e, UCT sei hahú prossesu bá akreditasaun institusionál nune’e, nia dehan, ekipa preparadu ona hahú ohin tanba ne’e maka husu bá estrutura tomak atu servisu makás tuir oportunidade ne’ebé mak iha.

Iha fatin hanesan, Reitór UCT, Frei Prof. Dr. Joel Casimiro Pinto, OFM  dehan, ohin akontese tán eventu ida ne’ebé fundamentál teb-tebes no importante loos bá UCT maka tomada de posse bá Vise-Reitór sira, Admistradór Jerál, Diretór sira, Dirijente Eskolár no mós Koordenadór kursu sira.

UCT kontinua apresia nia an no manifesta nia prossesu tomak, hodi hasa’e kualidade, signifika progressu UCT ne’e la’ós reitór la’o mesak, maibé tenki iha kolaborasaun atu servisu hamutuk entre parte hotu-hotu, nune’e reitór henesan komandu de’it iha nível altu ho nia kolaboladór sira ajuda hodi realiza polítika universidade nian no bele mós atinje mehi ema Timoroan hotu  ninian.

Daudaun ne’e UCT iha ona Fakuldade 4 mak hanesan Siénsia médika, Língua Edukasaun Literatura no Arte, Sénsia Umana no Sosiais ikus liu maka Enjeñaria Agrikola.

Bainhira UCT hahú iha tinan tolu liu bá, rekursu umanu menus loos maibé ho tomada de pose ohin, Reitór ne’e afirma katak, professór sira komesa halo kompletu liu tán no kamada forte liu tán bá servisu sira iha futuru.

Jornalista Estajiáriu:  Lazaro Pereira Quefi