Hatutan.com, (23 Fevereiru 2024), Díli– Vise-Sekretária Meza Parlamentu Nasionál (PN), Deputada Bendita Moniz Magno informa, Governu liuhosi Konsellu Ministru (KM) submete ona lista  kandidatu Rui Pereira dos Santos bá komisáriu foun Komisaun Anti-Korrupsaun (CAC siglá portugés) iha loron hira liubá mai Parlamentu Nasionál hodi halo votasaun.

Lee Mós:  Posibilidade Mosu Kandidatu Foun bá Komisáriu CAC

Kandidatu Komisáriu CAC, Rui Pereira. Foto/dok.PDHJ

“Governu haruka ona lista kandidatura Komisaru CAKCema na’in ida mai PN, antes ne’e lista iha ema na’in rua, maibé la konsegé halo elisaun entaun Governu liuhosi Konsellu Ministru (KM), deside ona ema ida de’it no haruka ona mai Parlamentu, maibé ami nia enkontru lidér Bankada, horsehik, ami seidauk deside tau lai bá ajenda, tanba Deputadu sira agora sei aujenti bá hotu rai li’ur hanesan, PPN no deputadu sira husi kada Bankada, nune’e ami seidauk bele tau ba ajenda,” Segundu Vise-Sekretária Meza PN, Deputada Bendita Moniz Magno bá jornalista sira iha PN, Sesta (23/02/2024)

“Ita hotu hatene katak, ema ne’ebé governu haruka mai PN maka señor Rui Pereira maka kandidatu bá Komisariu CAc, maibé atu hakat bá eleisaun tenke votu maiória absoluta. Kandidatura ne’ebé Governu submete mai Parlamentu Nasionál (PN) dentru semana ida ne’e, no horsehik maka lori bá iha lidér bankada hodi rona opiniaun husi lidér bankada sira hotu nian,” Nia haktuir.

Advertisement

Iha parte seluk membru Bankada FRETILIN, Joaquim dos Santos “Borululi” haktuir kualkér Timoroan ne’ebé maka dignu bá kargu ida-ne’e fó respeitu bainhira nia prienxerekizitu  ne’ebé maka lei husu, maibé kandidatu refére tenke halo opsaun bá kargu ne’ebé

“Sé Rui Pereira maka mai karik, nia tenke halo opsaun bá ninian pozisaun tanba mesak kargu estadu hotu. Ida agora daudauk nia kaer ne’e tanba Parlamentu Nasionál uluk hili nia hala’o hela servisu ida preprativu lei prosesu organizasaun judisiáriu fó kompeténsia bá sira atu halo rekrutamentu juíz atu bá haree tribunál supremu no tribunál rekursu no primeiru instánsia. Sé Rui dezisti hosi kargu ida-ne’e nia fó prezuizu bá orgaun ida sé nia iha estadista nia labele dezisti nia knaar ida agora la’o hela ne’e husik bá ema seluk no sidadaun Timoroan barak atu asumi bá kargu CAC,” Deputadu Joaquim dos Santos Borululi hateten.

Nia haktuir knaar ne’ebé Rui Pereira asumi hela agora daudaun ne’e hahú ona ho nia ekipa lei fó kompeténsia husik la’o to’o rohan

“Sé nia dezisti hosi nia kargu ne’e orsida fó fali problema bá Parlamentu Nasionál tenki hili foun troka nia ne’e bainhira. Mai maka ita haree ha’u nia preokupasaun maka ne’e kualkér aktu ne’ebé ita halo labele prejuizu bá orgaun estadu ne’e ita hanoin hanesan ema ne’ebé estadista la’ós ita halo opsaun tanba buka han buka moris tanba ne’e instituisaun estadu,” nia espliká.

Tuir artigu 8 (2) Lei nú.8/2009 hatuur ona rekizitu elejibilidade mak ida importante no sentrál liu mak figura kandidatu komisáriu CAC ne’e ninia nivel independénsia (ema independente) no imparsialidade ida aas.

Advertisement

Rui Pereira, antigu adjuntu PDHJ bá área Direitu Umanu ne’e hasai Lisensiatura iha área Direitu iha Universidade Kristen Satya Wacana, Salatiga, Java Tengah-Indonesia iha tinan 1996. Durante tinan tolu (3) hahu husi 1997-2000 servisu iha Fundasaun HAK  ho pozisaun nu’udár Advogadu bá área direitu.

Sita hosi pájina ofisial pdhj.tl katak iha tinan 2000-2005,  Rui Pereira nu’udár juiz iha Tribunal Distrital Dili. Hatutan kareira ne’ebé iha tinan 2005-2008, sai komisariu alternativa ba Comissão Verdade no Amizade (CVA). Ho kareira ne’ebé iha sai hanesan Dosente iha Universidade da Paz-Dili-Timor-Leste. Iha tinan 2008 to’o fulan-Abríl 2010 asumi knar hanesan asesór iha Ministerio Economia e Dezenvolvimento.

Jornalista Estajiária : Zita Menezes

Advertisement