Connect with us
Pakote Ahi

Defeza & Seguransa

PNTL Detein Supeitu Na’in-Tolu Ameasa SEATOU Durante Halo Intervensaun bá Jogu Bola Guling

Published

on

Hatutan.com, (18 Marsu 2024), Díli-Polisia Nasionál Timor-Leste Munisípui Díli detein suspeitu na’in-tolu ha sela detensaun tanba halo ameasa ka hasai liafuan aat hasoru Sekretáriu Estadu Toponímia no Orbanizasaun Urnaba (SEATOU), Germano Santa Brites Dias, durante halo intervensaun bá atividade  jogu bola guling (BG) iha área Kampung Alor,  Díli.

Jogu Bola guling. Foto/Foti husi Facebook

Komandante PNTL Munisípiu Diíi, Superintendente Xefe Polísia Orlando Gomes, Segunda (18/03/2024),  informa, kapturasaun bá suspeitu  sira ne’e akontese Sesta kalan (15/03/2024), bainhira ninia membru sira iha Eskuadra Dom Aleixo akompaña hodi fó segurasa bá Sekretáriu Estadu Toponímia ho ekipa halo operasaun bá atividade jogu bola guling ha área kapitál Díli, liu-liu iha Suku Kampung Alor nian, Postu Administrativu Dom Aleixo.

Bainhira to’o iha fatin jogu bola guling nian, sekretáriu estadu, bolu kedas jerente bola guling  hodi husu dokumentu sira ne’ebé mak relasiona ho atividade jogu nian, karik hetan lisensa ruma hosi diresaun jerál bá inspesaun jogu nian ka lae.

“Iha sidadaun na’in-tolu ho inisial AX, ADB no ASP, tenta perturba hodi kontra ekipa refere no hasai liafuan ameasa bá sekretáriu estadu, maka polísia halo kedas kapturasaun emediata, no lori kedas bá iha Eskuadra Dom Aleixo, hodi halo prosesu no detensaun durante oras 72 tanba suspeitu na’in-tolu ne’e viola ona iha kódigu penál, hanesan ameasa, obstrusaun bá autoridade públiku, nomós jogus ilísitu,” Superintendente Xefe Polísia Orlando Gomes, hateten.

Advertisement

Dadaun ne’e, suspeitu na’in-tolu ne’e, ekipa investigadór sira konklui ona prosesu identifikasaun no investigasaun, no detein hela iha sela detensaun Caicoli, durante oras 72, molok aprezenta bá iha Ministériu Públiku (MP) atu bele kontinua prosesu kazu ne’e bá Tribunál Judisial Primeira Instánsia Dili (TJPID).

Kaptura Tán Suspeitu Na’in-3 Iha Kampung Baru

Superintendente Xefe Polísia Orlando Gomes, informa mós katak, iha Sábadu kalan (16/03/2024), mosu mós kazu konfrontu ka tuda-malu ida iha área Kampung Baru, Suku Comoro. Kazu ne’e, envolve hosi grupu rua asalta malu, no rezulta kareta balu hetan estragu, no rezulta mós vítima balu hetan kanek.

“Polísia Eskuadra Dom Aleixo, halo kedas intervensaun imediata, hodi kaptura suspeitu na’in-tolu, ho insial JM, MC, no DS. Suspeitu sira ne’e komete iha krime ofensas ka integridade fíziku simples, dano agravado no  agora polísia nafatin buka tuir autór sira seluk ne’ebé envolve direta iha konfrontu refere,”  Orlando Gomes informa.

Komandante Dili ne’e haktuir kronolójia katak, iha sábadu kalan ne’e, fofoun mosu suspeitu ida mak ho motor, kondisaun lanu, depois atu soke sala vítima ne’ebé la’o hela iha estrada ibun área Kampung Baru nian Nune’e, vítima hasee, tanba saida mak soke nia.

Advertisement

“Depois ida ne’e, suspeitu mós ho motorizada bá tiha, depois nia bá, nia bolu fali ho nia kolega sira mai ho kondisaun lanu halo asaltu bá vítima. Suspeitu agora, Polísia kaer tiha ona ho evidénsia sira,” nia informa.

Jornalista: Rogério Pereira Cárceres

 

Advertisement
Kontinua Le'e
Advertisement
Hakarak Hato'o Komentariu?

Husik Hela Komentariu

Your email address will not be published. Required fields are marked *

Defeza & Seguransa

Membru PNTL ho F-FDTL Ne’ebé Viola Lei Kódigu Estrada Sei Simu Konsekuénsia

Published

on

Hatutan.com, (22 Abríl 2024), Díli-Polísia Nasionál Timor-Leste (PNTL) liuhosi Departamentu Tránzitu Nasionál (DTN) sei aplika sansaun administrativa bá membru PNTL ho membru FALINTIL-Forsa Defeza Timor-Leste (F-FDTL)  ne’ebé viola Lei Númeru 03/2006, kona-bá Kódigu Estrada durante halo sirkulasaun iha territóriu nasionál.

(more…)

Kontinua Le'e

Defeza & Seguransa

Forsa Konjunta Preende Tabaku Pohon Sagu Kaixa 320 iha Tasi-Tolu

Published

on

Hatutan.com, (19 Abríl 2024), Díli—Forsa konjunta kompostu hosi Polisia Nasionál Timor-Leste (PNTL) liuhosi Departamentu Investigasaun Kriminál (DIK), Servisu Informasaun Polisia (SIP), FALINTIL Forsa Defeza Timor-Leste (F-FDTL) liuhosi Unidade FALINTIL (UF) no Servisu Nasionál Intelijénsia (SNI), halo apreensaun bá evidénsia tabaku ho marka Pohon Sagu hamutuk kaixa 320 iha área Tasi-tolu, Díli.

(more…)

Kontinua Le'e

Defeza & Seguransa

Komandu PNTL Distribui Karreta 47 bá Munisípiu no Unidade Sira

Published

on

Hatutan.com, (18 Abríl 2024), Díli—Komandu Polísia Nasionál Timor-Leste (PNTL) iha Kinta 18 Abríl distribui tán karreta unidade hamutuk 47 bá komandu munisípiu 12, Rejiaun Administrativa Espesiál Oecusse Ambeno (RAEOA), Unidade Espesiál Polísia (UEP), Unidade Polísia Marítima (UPM) ho Unidade Patrullamentu Fronteira (UPF).

(more…)

Kontinua Le'e

Trending