Hatutan.com, (15 Abríl 2024), Díli—Primeiru-Ministru (PM), Kay Rala Xanana Gusmão apela bá Timor-oan sira ne’ebé hala’o atividade no manán espriénsia servisu oioin iha Reinu Unidu, atu servisu ho disiplina no profisonál hodi hetan osan hadi’a ekonomia família, no kontribui bá dezenvolvimentu Timor-Leste.

Xanana hasoru-malu ho komunidade timor-oan no embaixadór Timor-Leste iha Reinu Unidu, João Paulo iha serimónia lansamentu bá programa Podcast “The Citizen’s Connection” iha Otél Sanderson London, Sesta (12/04/24). Foto: Media PM.

“Ba Timor-oan sira tomak ne’ebé mai buka oportunidade para mai hadi’a sira-nia moris iha Reinu Unidu, hakuak bo’ot no domin tomak ba imi. Imi-nia família tomak hatene imi bá buka esforsu an iha ne’e. Primeiru tanba ita-nia rain seidauk bele oferese servisu bá ema hotu. Segundu, aproveita oportunidade ida-ne’e imi hadi’a família-nia vida iha Timor,” Hatutan.com sita mensajen Xanana iha komunikadu bainhira hamutuk ho embaixadór Timor-Leste iha Reinu Unidu, João Paulo halo lansamentu bá programa Podcast “The Citizen’s Connection” iha Otél Sanderson London, Sesta (12/04/24).

Lee Mós: Reinu Unidu Sei Loke Embaixada iha Timor-Leste

Xefe Governu husu ba Timor-oan hotu- hotu hatudu a’an hanesan  embaixadór foinsa’e atu presta servisu ho disiplina, badinas hodi manán espriénsia servisu no hetan konfiansa hosi povu no Estadu Reinu-Unidu.

“𝐈𝐦𝐢 𝐚𝐣𝐮𝐝𝐚 𝐟𝐚𝐦𝐢́𝐥𝐢𝐚 𝐢𝐡𝐚 𝐓𝐢𝐦𝐨𝐫- 𝐥𝐚𝐫𝐚𝐧, 𝐢𝐦𝐢 𝐬𝐢𝐫𝐚 𝐡𝐨𝐭𝐮 𝐧𝐞’𝐞𝐛𝐞́ 𝐡𝐞𝐥𝐚 𝐢𝐡𝐚 𝐫𝐚𝐢 𝐬𝐞𝐥𝐮𝐤, 𝐢𝐭𝐚 𝐤𝐮𝐬𝐭𝐮𝐦𝐞 𝐝𝐞𝐡𝐚𝐧 𝐤𝐚𝐭𝐚𝐤, 𝐢𝐦𝐢 𝐢𝐝𝐚-𝐢𝐝𝐚𝐤, 𝐬𝐚𝐢 𝐦𝐨́𝐬 𝐡𝐚𝐧𝐞𝐬𝐚𝐧 𝐞𝐦𝐛𝐚𝐢𝐱𝐚𝐝𝐨́𝐫 𝐢𝐭𝐚-𝐧𝐢𝐚 𝐫𝐚𝐢𝐧 𝐧𝐢𝐚𝐧 𝐛𝐚 𝐢𝐡𝐚 𝐤𝐨𝐦𝐮𝐧𝐢𝐝𝐚𝐝𝐞 𝐧𝐞’𝐞𝐛𝐞́ 𝐢𝐦𝐢 𝐬𝐞𝐫𝐯𝐢𝐬𝐮 𝐛𝐚. 𝐍𝐞’𝐞 𝐝𝐮𝐧𝐢, 𝐟𝐚𝐯𝐨́𝐫 𝐡𝐚𝐭𝐮𝐝𝐮 𝐢𝐦𝐢-𝐧𝐢𝐚 𝐤𝐨𝐦𝐩𝐨𝐫𝐭𝐚𝐦𝐞𝐧𝐭𝐮 𝐧𝐞’𝐞𝐛𝐞́ 𝐝𝐢’𝐚𝐤, 𝐢𝐦𝐢-𝐧𝐢𝐚 𝐝𝐢𝐬𝐢𝐩𝐥𝐢𝐧𝐚 𝐧𝐞’𝐞𝐛𝐞́ 𝐚’𝐚𝐬, 𝐧𝐨 𝐞𝐧𝐭𝐫𝐞𝐠𝐚 𝐭𝐨𝐦𝐚𝐤 𝐛𝐚 𝐬𝐞𝐫𝐯𝐢𝐬𝐮 𝐡𝐨𝐝𝐢 𝐡𝐞𝐭𝐚𝐧 𝐤𝐨𝐧𝐟𝐢𝐚𝐧𝐬𝐚 𝐡𝐨𝐬𝐢 𝐬𝐢𝐫𝐚 𝐧𝐞’𝐞𝐛𝐞́ 𝐟𝐨́ 𝐡𝐞𝐥𝐚 𝐬𝐞𝐫𝐯𝐢𝐬𝐮 𝐛𝐚 𝐢𝐦𝐢 𝐧𝐨 𝐆𝐨𝐯𝐞𝐫𝐧𝐮 𝐑𝐞𝐢𝐧𝐮 𝐔𝐧𝐢𝐝𝐮𝐬 𝐋𝐨𝐫𝐢 𝐠𝐨𝐯𝐞𝐫𝐧𝐮 𝐧𝐢𝐚 𝐧𝐚𝐫𝐚𝐧, 𝐡𝐚’𝐮 𝐭𝐞𝐧𝐤𝐢 𝐚𝐠𝐫𝐚𝐝𝐞𝐬𝐞 𝐛𝐚 𝐢𝐦𝐢-𝐧𝐢𝐚 𝐩𝐚𝐫𝐭𝐢𝐬𝐢𝐩𝐚𝐬𝐚𝐮𝐧 𝐧𝐞’𝐞𝐛𝐞́ 𝐢𝐦𝐢 𝐡𝐚𝐭𝐮𝐝𝐮 𝐡𝐨𝐝𝐢 𝐡𝐚𝐫𝐮𝐤𝐚 𝐧𝐞𝐭𝐢𝐤 𝐛𝐮𝐚𝐭 𝐫𝐮𝐦𝐚 𝐛𝐚 𝐟𝐚𝐦𝐢́𝐥𝐢𝐚 𝐡𝐨𝐝𝐢 𝐡𝐚𝐝𝐢’𝐚 𝐟𝐚𝐦𝐢́𝐥𝐢𝐚 𝐧𝐢𝐚 𝐦𝐨𝐫𝐢𝐬, 𝐧𝐨 𝐢𝐦𝐢 𝐤𝐨𝐧𝐭𝐢𝐧𝐮𝐚 𝐬𝐞𝐫𝐯𝐢𝐬𝐮 𝐧𝐨 𝐡𝐚𝐭𝐮𝐝𝐮 𝐤𝐚𝐭𝐚𝐤, 𝐢𝐦𝐢 𝐓𝐢𝐦𝐨𝐫𝐨-𝐨𝐚𝐧 𝐟𝐨𝐭𝐢 𝐚’𝐚𝐬 𝐢𝐭𝐚-𝐧𝐢𝐚 𝐫𝐚𝐢𝐧, 𝐡𝐨𝐬𝐢 𝐢𝐦𝐢-𝐧𝐢𝐚 𝐤𝐨𝐦𝐩𝐨𝐫𝐭𝐚𝐦𝐞𝐧𝐭𝐮,” Xanana apela.

Governu liu hosi Emabixada Timor-Leste iha Reinu Unidu kontinua nafatin habelar ninia programa diplomatika nian no tau matan ba Timor-oan sira hotu ninia kondisaun.

Xefe Governu hatutan, foin lalais selebrasaun loron Natal, tinan foun to’o misa Pasku sarani rihun ba partisipa misa la’o avontade, tanba problema komesa redús hodi kontribui harii pás no garante estabilidade.

“𝐈𝐭𝐚 𝐡𝐨𝐭𝐮 𝐭𝐞𝐧𝐤𝐢 𝐡𝐚𝐦𝐮𝐭𝐮𝐤 𝐡𝐨 𝐞𝐬𝐩i𝐫𝐢𝐭𝐮 𝐛𝐚 𝐝𝐚𝐦𝐞, 𝐞𝐬𝐩i𝐫𝐢𝐭𝐮 𝐛𝐚 𝐡𝐚𝐝𝐨𝐦𝐢 𝐦𝐚𝐥𝐮, 𝐡𝐨𝐝𝐢 𝐢𝐭𝐚 𝐧𝐢𝐚 𝐫𝐚𝐢𝐧 𝐛𝐞𝐥𝐞 𝐝𝐞𝐳𝐞𝐧𝐯𝐨𝐥𝐯𝐞 𝐚’𝐚𝐧,” Xanana apela tan.

Primeiru-Ministru ne’e informa katak, Governu kontinua suspende atividade Grupu Arte Marsiál (GAM) no Grupu Arte Rituál (GAR) hodi hein atu loke programa kompetisaun desportu nivel nasionál.

Iha fatin hanesan, Prezidente Asosiasaun Timor iha sidade Peterborough-Reinu Unidu, Celso Oliveira konsidera mensajen Xefe Governu importante hodi motiva Timor-oan sira kontinua servisu disiplina no promove kultura no unidade nasionál entre Timoroan.

“𝐇𝐨 𝐫𝐞𝐬𝐩𝐞𝐢𝐭𝐚 𝐧𝐨 𝐡𝐚𝐝𝐨𝐦𝐢 𝐭𝐨𝐦𝐚𝐤 𝐡𝐨𝐝𝐢 𝐫𝐨𝐧𝐚 𝐦𝐞𝐧𝐬𝐚𝐣𝐞𝐧 𝐡𝐨𝐬𝐢 𝐢𝐭𝐚-𝐧𝐢𝐚 𝐚𝐦𝐚𝐧, 𝐌𝐚𝐮𝐧 𝐁𝐨𝐨𝐭 𝐏𝐫𝐢𝐦𝐞𝐢𝐫𝐮-𝐌𝐢𝐧𝐢𝐬𝐭𝐫𝐮, 𝐊𝐚𝐲 𝐑𝐚𝐥𝐚 𝐗𝐚𝐧𝐚𝐧𝐚 𝐆𝐮𝐬𝐦𝐚̃𝐨 𝐡𝐨𝐝𝐢 𝐡𝐚𝐭𝐨’𝐨 𝐦𝐞𝐧𝐬𝐚𝐣𝐞𝐧 𝐢𝐝𝐚 𝐡𝐚𝐧𝐞𝐬𝐚𝐧 𝐚𝐦𝐚𝐧 𝐛𝐚 𝐨𝐚𝐧 𝐬𝐢𝐫𝐚 𝐧𝐨 𝐡𝐮𝐬𝐮 𝐚𝐭𝐮 𝐤𝐨𝐧𝐭𝐢𝐧𝐮𝐚 𝐧𝐮’𝐮𝐝𝐚𝐫 𝐓𝐢𝐦𝐨𝐫-𝐨𝐚𝐧 𝐬𝐞𝐫𝐯𝐢𝐬𝐮 𝐧𝐚𝐟𝐚𝐭𝐢𝐧 𝐤𝐨𝐧𝐭𝐫𝐢𝐛𝐮𝐢 𝐛𝐚 𝐞𝐤𝐨𝐧𝐨𝐦𝐢𝐚 𝐟𝐚𝐦𝐢́𝐥𝐢𝐚 𝐧𝐨 𝐛𝐚 𝐝𝐞𝐳𝐞𝐧𝐯𝐨𝐥𝐯𝐢𝐦𝐞𝐧𝐭𝐮 𝐛𝐚 𝐢𝐭𝐚 𝐓𝐢𝐦𝐨𝐫-𝐨𝐚𝐧 𝐬𝐢𝐫𝐚,” nia orgullu.

Celso Oliveira agradese ba Governu Timor-Leste ne’ebé halo esforsu makas atu kontinua sosa rai hodi harii embaixada Timor-Leste nian iha Reinu Unidu hosi fasilita servisu governu no atende Timor-oan sira.

Nia hatutan, durante ne’e Asosiasaun Timor iha sidade Peterborough-Reinu Unidus mós sempre selebra eventu desportu no selebrasaun kultura hodi promove identidade Timor-Leste nian no kontinua bolu atensaun ba ema hotu mantein paz no dame iha ida-idak nia hela hela fatin no fatin servisu sira.

Bazeia dadus tinan 2017 Timor-oan iha Reinu Unidu hamutuk 16.000, Embaixada seidauk rejista hikas Timor-oan sira, iha parte seluk Timor-oan sira barak mós seidauk ba halo rejista iha Embaixada Timor-Leste iha Londres.

Hafoin hato’o mensajen, iha parte lokraik, Xefe Governu hamutuk ho Embaixadór Timor-Leste ba Reinu Unidu, João Paulo oferese mós jantar kalan no hanamu muzika Timór hamutuk ho Timor-oan sira hodi kontinua tatoli mensajen domin no fraternidade nian.

Jornalista: Rogério Pereira Cárceres