Hatutan.com, (25 Abríl 2024), Díli- Sekretáriu Jerál Partidu FRETILIN, Mari Alkatiri hateten evokasaun ne’ebé mak Sekretáriu Estadu Asuntu Toponímia  no Organizasaun Urbana (SEATOU), Germano Santa Brites Dias, halo bá abitante sira ne’ebé okupa espasu públiku no rai Estadu tanba hetan orden.

Lee Mós: Uma-Kain 40 iha Bidau Santa-Ana Ne’ebé Hetan Evikasaun Seidauk Simu Indenizasaun

Sekretária jerál Partidu FRETILIN, Mari Alkatiri. Foto/Dok,Elio dos Santos da Costa

“Ha’u ko’alia Governu, ha’u lakohi ko’alia SEATOU ne’ebé halo buat ne’e, porké ha’u hatene nian simu orden mak nia halo buat ne’e. Sé nia la simu orden nia la halo, nia la’ós bulak la bele buka kambing hitam iha ita-nia leet,”  Sekretáriu Jerál Partidu FRETILIN, Mari Alkatiri hateten lia-hirak ne’e hafoin sai oradór  iha atividade reflesaun tinan 50 Monumentu Istóriku 25 Abríl “Deskolonizasaun iha Timor-Leste 1974-1975”  ne’ebé organiza hodi   Centro Nacional CHEGA, I.P, Kinta (25/04/2024).

Mari Alkatiri afirma povu sira ne’ebé mak daudaun ne’e SEATOU hasai  tenke iha ona fatin bá sira hodi kontinua hala’o moris no agora Governu halo ona nune’e ho esperansa atu Governu la’o lalais uituan hodi rezolve problema ema sira nian.

Fundadór Estadu ne’e dehan ko’alia kona-bá eviksaun sidade ne’e labele sai hanesan ho vida ruralizada ka rurál, ne’e la’ós kontra ida-ne’e, Governu tenke iha kapasidade atu halo dezenvolvimentu ne’e mais simpetriku tenke iha kapasidade lori vida sidade nian bá kampu atu evita kampu invade sidade

“Ne’e tenke hatene katak ema sira ita hasai husi Díli ne’e atu lori bá ne’ebé tenke iha ona fatin. Sai husi Díli sira nia vida atu bá ne’e tenke di’ak liu duké iha Díli. Ne’e mak ita bolu ordenamentu,” Mari Alkatiri hateten.  

Jornalista Estajiária: Zita Menezes