Defeza & Seguransa

Konsellu Ministru Aprova Projetu Dekretu-Lei Kona-bá Estatutu Foun PNTL

Published

2 years ago

29/05/2024

Hatutan.com, (29 Maiu 2024), Díli– Sorumutuk Konsellu Ministru sira-nian, Kuarta (29/05/2024), iha Palásiu Governu, aprova projetu dekretu-lei ida kona-bá estabelesimentu estatutu foun Polísia Nasionál Timor-Leste (PNTL).

Lee Mós: KM Aprova Projetu Dekretu-Lei Estabelesimentu Gabinete Fronteira Terrestre-Marítima

Serimónia aniversáriu PNTL iha Bairru-Pité Díli, Kuarta (27/03/2024). Foto/dok. Elio dos Santos da Costa.

Iha komunikadu imprénsa ne’ebé Hatutan.com asesu relata projetu Dekretu-Lei ne’e aprezenta husi Ministru Interiór, Francisco da Costa Guterres, ho objetivu atu estabelese Estatutu foun Polísiál nian husi Polísia Nasionál Timor-Leste (PNTL).

Polísia sira-nia estatutu foun ida-ne’e ho objetivu atu hadi’a regulamentu atuál ho introdusaun mudansa signifikativa sira, maka hanesan introdús fila-fali juramentu fidelidade, define inkompatibilidade no kritériu objetivu sira ba promosaun. Estabelese mós postu foun lideransa nian iha PNTL atu hatán ba nesesidade organizasionál.

“Diploma ida-ne’e reflete importánsia atu garante polísia nasionál ida ne’ebé profisionál, bein treinada no estruturada, ho objetivu atu hametin Estadu Direitu no promove demokrasia iha territóriu nasionál,” sita iha komunikadu ne’e.

Konsellu Ministru sira-nia aprova mós projetu Dekretu-Lei ida ne’ebé aprezenta mós hosi Ministru Interiór, Francisco da Costa Guterres ho intensaun atu estabelese Orgánika Foun PNTL nian, ho objetivu atu reestrutura no moderniza instituisaun ne’e, atu nune’e, hasa’e ninia kapasidade resposta ba dezafiu nasionál ohin loron nian, ne’ebé aliña ho planu estratéjiku dezenvolvimentu no seguransa nasionál.

Iha sorumutu Konsellu Ministrus ne’e hala’o ona dezignasaun membrus Konsellu Administrasaun Sentru Nasionál Chega! I. P., husi Memória ba Esperansa, hodi ezerse mandatu ba tinan tolu, tanba fatin hirak-ne’e sei mamuk hela.

Konsellu Ministrus, liuhusi proposta Vise-Ministru Asuntu Parlamentár ne’ebé substitui Ministru Prezidénsia Konsellu Ministru sira-nian delibera hodi dezigna Aniceto Guro-Bertini nu’udár membru no Manuel Mesquita, nu’udar Prezidente Konsellu Administrasaun.

Jornalista: Rogério Pereira Cárceres

Related Topics:Konsellu Ministru Aprova Projetu Dekretu-Lei Kona-bá Estatutu Foun PNTL

Up Next

Tenente Jenerál Falur Apoiu Taka Totál GAM-GAR

Don't Miss

UPM Nu’udár Unidade Integrante Ida bá Hametin RDTL

Click to comment

Defeza & Seguransa

Hato’o Keixa Bainhira Pesoál SM Envolve Rede Scam Call Centre

Published

13 hours ago

16/07/2026

hatutan

Hatutan.com, (16 Jullu 2026) Díli– Diretór Ezekutivu Servisu Migrasaun (SM) Komisáriu Asistente Polísia Jorge Monteiro, husu ba sidadaun hotu-hotu, inklui jornalista sira kuandu iha evidénsia no indisiu dirijente ka pesoál Servisu Migrasau fasilita ka envolve iha rede scam call centre bele ba hato’o keixa iha Diresaun Servisu Investigasaun Kriminál (DSIK), Polísia Sientífika Investigasaun Kriminál (PCIC -sigla Portugés) no bele ba iha Ministériu Públiku (MP).

(more…)

Defeza & Seguransa

PCIC Detein Tan Suspeitu Jogu Online Na’in-27 husi Xina iha Fomento II

Published

3 days ago

14/07/2026

hatutan

Hatutan.com, (14 Jullu 2026), Díli– Polísia Sientífika Investigasaun Kriminál (PCIC), Tersa (14/07/2026), kontinua halo operasuan no identifikasaun hodi detein tan siuspeitu na’in-27, maioria sidadaun estranjeiru iha área Femento-II, Díli.

(more…)

Defeza & Seguransa

PNTL Dezmantela Tan Atividade Scam Call Centre iha Comoro ho Ulmera, Detein Xinés ho Indonéziu Na’in-90

Published

4 days ago

13/07/2026

hatutan

Hatutan.com, (13 Jullu 2026) Díli– Polísia Nasionál Timor-Leste (PNTL) liuhusi Diresaun Servisu Investigasaun Kriminál (DSIK), Segunda (13/07/2026), halo operasaun no buska hodi dezmantela tan atividade ilísitu scam call centre iha área Comoro-Díli ho Ulmera-Liquiça.

(more…)