Connect with us
Pakote Ahi

Nasionál

Igreja Katólika Nia Preparasaun Simu Papa Francisco Atinje 80%

Published

on

Hatutan.com,  (09 Jullu 2024), Díli- Arsebispu Arkidioseze Metropolitana Díli, Dom Virgílio Kardeál do Carmo da Silva, SDB hateten igreja Katólika Timor-Leste nia preparasaun ba simu Papa Francisco atinje ona 80% no hetan ona aprovasaun finál husi Vatikanu.

Lee Mós: OPS Tenke Rejísta Komunidade Ne’ebé Partisipa Misa Vizita Papa Francisco iha Tasi-tolu

Arsebispu Arkidioseze Metropolitana Díli, Dom Virgílio Kardeál do Carmo da Silva, SDB ho Reprezentante Vatikanu mai Timor-Leste Mgr. Marco Sprizzi halo konférensia imprensa, Tersa (09/07/2024). Foto/Vito Salvadór

“Ultima vizita delegasaun Vatikanu mai Timor-Leste hetan ona aprovasaun husi Papa Francisco rasik no ida-ne’e hatudu pasu boot ida bá Timor-Leste  katak ida-ne’e mak sei la’o tuir durante Papa Francisco nia vizita. Haree husi progresu tomak Igreja nian, ita bele dehan prosesu tomak la’o di’ak, no ha’u bele dehan katak 80% haree husi preparasaun iha parte liturjia, prepara ministru Estraordináriu, sibóriu, múzika no formasaun ne’ebé kada Dioseze halo iha Parókia sira nu’udár forma ida husi preparasaun bá simu vizita Papa Francisco nian,” Arsebispu Arkidioseze Metropolitana Díli, Dom Virgílio Kardeál do Carmo da Silva, SDB  informa bá jornalista sira liu husi konferénsia imprensa ne’ebé halo iha Camara Ekleziástika, Lecidere,  Díli, Tersa (09/07/2024).

Iha fulan-Juñu liubá, igreja distribui ona livriñu orasaun hamutuk ezemplár 15.000 ba iha Parókia hotu iha Timor laran tomak, tun to’o instituisaun edukatif sira, eskola no grupu kategorial sira parókia nian atu hotu-hotu iha formasaun.

Advertisement

Arsebispu Arkidioseze Metropolitana Díli subliña kona-ba 20% ne’ebé atu kompleta ne’e parte Igreja hein deit ona atu kontrola sasan sira ne’e too mai hodi kompleta no iha vizita pastoral sira ne’ebé halo ba Parokia ne’e hatidu katak sarani sira mos iha animu no hatudu sira nia vontade atu hein Papa Francisco nia vizita.

Altar ho Forma Bero

Arsebispu Arkidioseze Metropolitana Díli, Dom Virgílio Kardeál do Carmo da Silva, SDB hateten kona-bá Altar misa nian iha Tasi Tolu Konferénsia Episkopál Timorense (CET) mak husu atu halo ho forma Bero.

“Ho forma ida Bero atu fó hanoin fila fali kona-ba misionáriu dahuluk sira ne’ebé tama iha Timor uza Bero hodi lori evanjelizasaun tama mai. Iha altar nia lolon sei iha Evanjellu no Krús, no sorin sei iha Kaebauk, atu hateten katak evanjellu ne’e lori mai hari iha rai Timor,” Dom Virgílio Kardeál do Carmo da Silva, SDB informa.

Iha altar mós iha Sakristia katak fatin ba Papa Francisco, Kardeál, Bispu no na’i-lulik sira troka. Iha sakristia haat ida ba Papa Francisco, ida ba Kardeál sira ne’ebé akompaña Papa nia vizita, ida seluk ha Bispu sira no ikus liu ba Nai Lulik sira.

Advertisement

Reprezentante Vatikanu mai Timor-Leste Mgr. Marco Sprizzi esplika liután katak iha Altar ne’e mos sei hakerek “Sal da Terra, Luz do Mundo”, ne’ebé nu’udár liafuan Papa João Paulo II nian no ida ne’e atu hatudu kontinuidade husi vizita Papa Francisco nian.

Papa João Paulo II fó tarefa ba Timor-Leste ho liafuan “Sal da Terra, Luz do Mundo”, ho fiar ne’ebé povu ne’e iha, ida ne’e kontinua hanesan mós lema ka títulu ba vizita Papa Francisco nian ne’ebé hateten “Que a vossa fe seja a vossa Cultura”.

Governu Tau $40.000 bá kada Munisípiu

Arsebispu Arkidioseze Metropolitana Díli, Dom Virgílio Kardeál do Carmo da Silva, SDB hateten kona-ba  acolhimento ka atu halibur sarani sira ne’ebé mai husi munisípiu no kada Parókia hodi simu vizita Papa Francisco no misa iha Tasi Tolu, Governu no igreja iha preparasaun másimu.

Nia afirma iha Vizita Papa Francisco nian ne’e iha ekipa rua ne’ebé servisu hamutuk, iha Igreja nia kotuk, ekipa Governu nian fó apoiu tomak ba iha servisu hotu, liu-liu iha lojístika, atu oinsá bele tulun sarani no povu sira partisipa iha serimónia misa Papa Francisco nian iha Tasi Tolu.

Advertisement

“Tuir buat ne’ebé ami nia enkontru iha tiha ona ne’e, ita nia governu pelumenus sei iha apoiu ho verba ida ba kada Munisípiu ho montante $40.000, sei la kobre buat hotu maibé bele mos ajuda transporte, no mos tulun buat seluk ruma, liu-liu ai-han oan ruma,” Dom Virgílio Kardeál do Carmo da Silva, SDB tenik.

Ho apoiu sira ne’e, igreja hare katak governu iha inisiativa naton ati hakman ituan peregrinu sira.

Igreja no Governu servisu hamutuk ho autoridade Munisipál, Postu-Administrativu no autoridade lokal sira liu-liu iha Munisípiu Dili hodi identifika fatin tolu ne’ebé sei sai konsentrasaun sarani sira nian hanesan Sarani sira husi munisípiu Manatuto, Lautem no Baucau sei konsentra ka hela iha Parte Hera ninian.

Sarani sira husi parte rai klaran hanesan Munisípiu Ainaro,  Aileu,  Manufahi no Covalima sei konsentra iha Kasnafar.

Bá sarani sira husi parte Loro monu hanesan Munisípiu Ermera, Liquiça no Bobonaro sei konsentra iha Tibar.

Advertisement

Igreja La Autoriza Halo Kobransa bá Sarani sira

“Tuir orientasaun ha’u hatene katak laiha orientasaun ida atu halo kobransa $10, husi parte uma kreda hamutuk ho komisaun nasionál laiha orientasaun ida atu halo kobransa tanba mak tau osan ba lojístika no buat hotu-hotu,” Arsebispu Arkidioseze Metropolitana Díli, Dom Virgílio Kardeál do Carmo da Silva, SDB hateten.

Nia subliña liután katak laiha orientasaun ida husi iierarkia igreja nian atu halo kobransa ba sarani sira.

Asesu media importante atu divulga informasaun ba públiku

Reprezentante Vatikanu mai Timor-Leste Mgr. Marco Sprizzi hateten media sai hanesan sentru preokupasaun ida husi Vatikanu, Igreja Timor-Leste no governu tamba hola papél ida importante atu halo transmisi no divulgasaun informasaun kona-ba vizita Papa Francisco nian ba públiku.

Advertisement

“Ita iha espasu di’ak no natoon ba media nasionál no internasionál, no enkarregadu Vatikanu nian ba media mai iha Timor dala rua atu trata Asuntu ne’e ho Igreja no Governu atu bele iha espasu rezerva ba media iha kada eventu durante vizita Papa Francisco nian iha Timor-Leste,” Mgr. Marco Sprizzi esplika.

Kona-ba detallu no servisu sira tékniku liu ba media nia asesibilidade sei iha sistema kadastru no rejistrasaun ne’ebé sei organiza husi parte komisaun hamutuk ho departamentu komunikasaun sosiál igreja nian.

Jornalista: Vito Salvadór

Advertisement
Kontinua Le'e
Advertisement
Hakarak Hato'o Komentariu?

Husik Hela Komentariu

Your email address will not be published. Required fields are marked *

Nasionál

Sei Foti Medida Própriu Hasoru Funsionáriu Tama Servisu Tarde

Published

on

Hatutan.com, (19 Jullu 2024), Díli – Ekipa konjunta; Komisaun Funsaun Públiku (CFP), Komisaun Anti-Korrupsaun (CAC),  Inspetór Jerál Estadu (IGE) no Diresaun Nasionál Patrimóniu Estadu  (DNPE) iha hela faze diskusaun atu foti medida própriu hasoru funsionáriu sira ne’ebe mak tama servisu tarde no sai servisu sedu.

(more…)

Kontinua Le'e

Nasionál

Ema Balun Lori Veteranu Nia Naran Impede Projetu Reabilitasaun Estrada Alas Vila Bá Wedauberek

Published

on

Hatutan.com, (19 Jullu 2024), Díli-Projetu reabilitasaun estrada husi Alas Vila bá Wedauberek, Suku Mahakidan, Munisípiu Manufahi, paradu besik fulan ona, tanba iha ema ka grupu balun lori veteranu nia naran bá halo impedimentu.

(more…)

Kontinua Le'e

Nasionál

Ramos-Horta husu Komisaun Organizadora Vizita Papa Francisco Servisu ho Másimu

Published

on

Hatutan.com, (18 Jullu 2024), Díli- Prezidente Repúblika (PR), José Ramos-Horta husu atu komisaun organizadora vizita Papa Francisco mai Timor-Leste atu halo servisu ho másimu atu lori susesu ba vizita pastorál ne’e.

(more…)

Kontinua Le'e
Advertisement

Trending