Hatutan.com, (21 Outubru 2024), Díli-Polisia Nasional Timor-Leste (PNTL) Munisípiu Díli, Segunda meiudia (21/10/2024), kaptura  suspeitu na’in-rua tanba envolve direta iha kazu konfrontu ne’ebé akontese besik área Kampus Universidade da Paz (UNPAZ), Díli.

Lee Mós: Autoridade Detein Timoroan Ida ho Nasionalidade Portugés iha Batugadé

Polísia kaptura suspeitu sira iha konfrontu ne’ebé akontese besik área UNPAZ, Segunda (21/10/2024). Foto/Espesiál

Informasaun ne’ebé Hatutan.com asesu katak insidente ne’e akontese iha haleu tuku 10:30 dadeer Otl. Nune’e,  ekipa Polísia Eskuadra Dom Aleixo halo patrulla no kaptura kedas suspeitu na’in-rua  no vítima ho testamuinha  lori ba asegura iha Eskuadra Polísia Dom Aleixo, Comoro, Díli.

Kronolójia akontesimentu ne’e, kontinuasaun hosi konfrontu semana kotuk nian iha Sesta,  18 fulan-Outubru 2024, iha ne’ebé Estudante eskola sekundáriu ida ne’ebé ikus mai identifika husi Eskola FINANTIL na’in-tolu uza motor halai liuhosi Kampus UNPAZ hodi hakilar lori arte-marsiál ida nia naran.

Hosi provokasaun  ne’e mak, Estudante sira iha UNPAZ  halo ‘reasaun’ tuda-malu ho Estudante FINANTIL sira ne’e. Kazu ne’e rasik, parte autoridade Polísi nota katak, estudante sira nee dada too tán ona bá Grupu Arte-Marsiál.

Jornalista: Rogério Pereira Cárceres