Hatutan.com (12 Fevereiru 2025), Díli-Ministru  Agrikkultura, Pekuaria, Peskas no Florestas (MAPPF), Marcos da Cruz, hateten iha tinan ne’e MAPPF  sei reabilita kafé ektare  12,000 iha Munisípiu Ermera ho Liquiça hodi hasa’e produsaun kafé iha rai-laran.

Lee Mós: Ramos-Horta Motiva Populasaun Ermera Kuda Kafé Barak

Kafé Ermera. Foto/Espesiál

“Husi agrikultura atu reabilitasaun bá kafé liuliu bá kafé plantasaun estadu nian ne’e, iha Ermera no Liquiça, ita sura hamutuk ektare 12,000” Ministru Agrikultura, Pekuaria, Peska no Floresta (MAPPF), Marcos da Cruz, bá jornalista sira iha Palasiu Governu, Kuarta (12/02/2025).

Nia hateten plantasaun kafé ho ektare 12,000 ne’e iha Munisípiu Ermera no Liquiça pertense bá estadu Timor-Leste, tan ne’e, presiza halo reabilitasaun nune’e bele iha produsaun ne’ebé di’ak liután bá futuru.

Tuir nia plantasaun kafé ho ektare 12,000 ne’e maioria iha Munisípiu Ermera iha área Fatubesi, Hatulia A no Hatulia B no Munisípiu Liquiça  plantasaun ne’e maioria populasaun hela iha laran.

Ministériu Agrikkultura Pekuaria Peskas no Florestas (MAPPF) sei koordena ho Ministériu Justisa liuliu Sekretáriu Estadu Terras Propriedade (SETP) hodi haree kona-bá rai estadu iha Munisípiu Ermera.

Jornalista Estajiária: Zita Menezes