Hatutan.com, (05 Marsu 2025), Maubisse– Konsellu Imprensa  (CI-sigla portugés) ho ABC International Development  (ABCID) fasilita formasaun  kona-bá “Kuidadu Ita Aan iha Espasu Online (Taking Care of Yourself Online)”.

Lee Mós: Survey ABCID: Mídia Timor Balun Depende bá Subsídiu Governu no Jornalista Barak Servisu iha Partidu Polítiku

Jornalista na’in-16 simu sertifikadu hafoin tuir ofrmasuan kona-bá Kuidadu Ita Aan iha Espasu Online (Taking Care of Yourself Online)” iha Maubisse, Kuarta (05/03/2025). Foto/Espesiál

Formasaun ne’ebé hala’o iha Postu Administrativu Maubisse, Munisípiu Ainaro, Kuarta  (05/03/2025), ho nia alvu atu eleva koñesimentu jornalista sira-nian kona-bá oinsá Jornalista ida jere nia aan rasik iha utilizasaun Mídia Sosiál, liu-liu asesu informasaun no públika informasaun sira liuhosi mídia sosiál.

Jornalista na’in-16 ne’e mai hosi Mídia Estatál Rádiu Televizaun Timor-Leste, Empreza Públiku  (RTTL, E.P) Grupu Mídia Nasionál (GMN TV), Rádiu Komunidade Rai Husar Aileu, Timor Post, Rádiu Komunidade Tokodede, Rádiu Komunidade Maubisse Mauloko, Mídia online  OneTimor, Neon Metin, Luluwari, SapNews, Labeh, jornál Indenpendente, Lafaek News, Rádiu Difisiente, Rádiu Liberdade ho Hatutan.com.

Parte seluk hosi formasaun ida-ne’e atu  jornalista bele hatene oinsá asegura nia aan no evita livre públika nia númeru  telefónika, konta WhatsApp ho konta Facebook.

“Amesa Mídia Sosiál ba Jornalista sira komesa mosu ona, ema ameasa Jornalista sira liuhosi eskrita ka liuhosi audio iha Facebook ka WhatsApp, nia objetivu ida atu limete Jornalista atu halo kobertura, ida nia halo sensor Jornalista labele atu halo públikasaun, ida seluk mós amesa ba vida. Tanba ne’e mak Jornalista sire tenke hatene oinsá atu prevene aan husi amesa sira ne’e, ida seluk prevene aan husi publika informasaun falsu,” Prezidente CI, Otelio Ote hateten.

CI espera katak jornalista na’in-16 ne’ebé hola parte iha formasaun ne’e bele sai mata-dalan ba jornalista sira seluk hodi enkoraja malu oinsá mak próteze ka kuida sira-nia aan hosi influénsia no ameasa sira liuhosi meiu sira plataforma online nian.

“Ita bo’ot sira fahe matenek ne’ebé ita-bo’ot sira hetan ba kolega jornalista sira seluk para sira mós bele intendende máteria ne’ebé ita-bo’ot sira hetan. Agora ita servisu hamutuk ona ho ABC, depois ita ho UNDP ida seluk agora ita prepara ona ita haruka tiha ona nota konseitu ba iha UNESCO, espera katak UNESCO aprova depois ita sei iha tan formasaun ida ne’ebé UNESCO mak sei prepara ba ita ,” Otelio Ote informa.

Senior Project Manger ABCID, Fiona Churchman hateten formasaun ida-ne’e haree liu kona-bá oinsa jornaista sira bele sente seguru iha espasu Online no formasuna ne’e konsentra iha Maubisse tanba ABCID hakarak jornalista Timroan sira iha  área rejionál sira bele proteje sira nia aan iha espasu Online.

Tinan-rua ona  ABCID servisu hamutuk ho CI Timor-Leste hodi fasilita  formasaun barak  ho tápiku diferente. Ezemplu formsaun sira mak halo iha Oé-Cuse, Díli, Baucau, Balibo no Maubisse.

“Ami nia servisu hamutuk durante tinan rua ho CI ami halo ona formasaun In-depth Reporting ka reportajen kle’an  nian, reportajen investigativu, ami halo ona formsaun oinsa atu halo reportajen kona-áa eleisaun no reportajen inlkuzivu,” Fiona Churchman hateten.

“Ami sei iha kopersaun ho CI Timor-Leste, maibé ami nia formsaun sira sei haree liubá saida mak mídia no jornalista Timoroan sira presiza, ezemplu ami halo ona peskiza oinsá mídia sira bele hetan osan, no ami mós sei halo formasaun barak kona-bá plataforma digitál,” nia haktuir.

Jornalista: Tome da Silva