Hatutan.com, (28 Marsu 2025) Covalima– Prezidente Repúblika (PR), José Ramos-Horta, Sesta (28/03/202), hala’o vizita ba Aeroportu  Komandante Em-Xefe FALINTIL Kay Rala Xanana Gusmão, hodi observa direita kondisaun iha aeroportu nian.

Lee Mós: Ramos-Horta Husu Governu Dezenvolve Setór Agrikultura iha Zona Fronteira

Prezidente Repúblika (PR), José Ramos-Horta, hala’o vizita ba Aeroportu Komandante Em-Xefe FALINTIL Kay Rala Xanana Gusmão, Sesta (28/03/202). Foto/Tome da Silvs

“Mai vizita aeroportu hodi haree direita kondisaun. Aeroportu di’ak, kualidade nivél subrejional ita-nian,”  Prezidente Repúblika (PR), José Ramos-Horta hateten ba jornalista sira.

Ramos-Horta hateten  foin  ba dahuluk vizita aeroportu no uluk mai dala ida antes funsionamentu,  haree foer iha pista laran barak loos, buat sira ne’e hotu, maibé agora organiza di’ak, manutensaun di’ak hodi fó apoiu ba operasaun iha tasi Timor Suai sai hanesan supply base ba operasaun petrolifeiru gas.

Xefe Estadu dehan, elikoptru labele ba husi Darwin ba riks sira do’ok demais bele tama husi Aeroporto Suai. Entau aviaun mai iha ne’e lori ema tuir sira nia hakarak husi ne’e ba riks sira.

Foin-Sa’e Tenke  Estuda

Prezidenti Repúblika (PR), José Ramos-Horta, husu ba estudante sira tenke estuda makas tanba futuru nasaun prezeija ema intelektuál.

“Imi nia moris agora daudaun, tinan ruma liubá kotuk, tinan ruma ba oin, imi nia moris responsabilidade todan ne’ebè imi simu hosi papa ho mama, hosi Governu, hosi Estadu no hosi Nasaun mak saida?, ha’u hanoin ida de’it mak estuda. Estuda didi’ak, estuda loron-loron, dader, loraik no kalan,”  Xefe Estado hato’o kestaun ne’e hafoin vizita Eskola Sekundaria Jerál Publika (ESGP), Suai.

Estudante sira ho entuziasmu simu Pr Ramos-Horta iha Suai-Covalima. Foto/Tome da Silva

Xefe Estadu informa, iha grupu rua iha ne’e, ida profesór sira, ida seluk estudante sira, maibé mós iha uma ambiente tenke di’ak para labarik sira bele iha kbi’it para bele estuda.

Ramos-Horta husu mós ba aman-inan sira atu labele kria violensia iha uma laran, nune’e labele hamate vontade oan sira nian iha futuru mai.

Arjunta Diretóra Eskola Sekundaria Jeraá Publika (ESGP) Suai, Ana Doutel Sarmentu hato’o agradese ba Prezidente Repúblika (PR), tanba pela primeira vez hala’o vizita ba sira nia escola.

“Prevelijiu boot ba ami profesór no estudante nivél sekundária iha Munisípiu Covalima tanba iha loron kmanek ida ne’e ami hetan vizita husi sua exelensia nai prezidente Repúblika José Ramos-Horta,” dehan Ana Doutel

Adjunta Direitóra ne’e husu ba Governu liuhosi Ministeriu educasaun atu aumenta tan sala de aulea iha escola refere, Escola presija tan sala dei aula hamutuk 18, escola presija mós escritorio ba Profesora tanba laiha fatin proprio ba professór sira inklui laboratoriu pratika ba estudante sira.

Totál Estudante Eskola Sekundaria Jerál publika (ESGP) Saui, 1965 no profesór funsiunariu publiku na’in-59, profersór kontratadu hamutuk 16 no totál na’in-75.

Jornalista: Tome da Silva