Hatutan.com, (09 Abríl 2025), Díli– Komunidade iha área remota sira iha terotoriu nasionál to’o agora seidauk asesu rede telekomunikasaun no la asesu mós rede internet. Ho nune’e, defikulta tebes sira halo komunikasaun ho família ka oan sira iha sidade.

Foto/Foti hosi Google

Liuhosi sesaun plenária Parlamentu Nasionál, Tersa (08/04/2025),  Deputada Veronica Fernandes, haktuir preokupasaun komunidade sira hela iha área remota ne’e hodi husu Governu haree ba sira-nia situasaun tanba ohin loron iha mundu teknolojia ne’e internet ho telekomunikasaun sai ona nesesidade importante.

“Kona-bá liña telekomunisaun ha’u hanoin iha areá  remota barak mak to’o ohin loron seidauk asesu bá rede telekomunikasaun no rede internet,” Deputada Veronica Fernandes  hateten.

Nia dehan Governu presiza tau atensaun instala liña telekomunikasaun no liña internet sira ne’e, liuliu iha área remota sira ne’e para komunidade sira bele asesu rede telefónika   no mós  asesu bá internet.

Iha sorin seluk reprezentante  teknikú Vise-Ministru Asuntu Parlamentár Adérito Hugo nian iha Parlamentu Nasionál haktuir sei envia asuntu ne’e bá Ministériu Telekomunikasaun no  Transporte (MTK) hodi bele haree asuntu referé.

Ministru Transportes no Telekomunikasaun, Miguel Marques Gonçalves Manetelu,  ne’ebé Hatutan.com konfirma, Kuarta (09/04/2025), hateten Governu labele tama bá merkadu ne’e, lae hamate operador sira.

“Ha’u hateten beibeik Governu la bele tama bá merkadu ne’e. Ita hamate operador sira, agora bá ita-nia populasaun sira ne’e internet ne’e fornese hosi operador sira ho ISP sira, operadores mak Timor Telecom, Telemor no Telkomcel, agora ISP ida fornese deit internet ne’e iha sanulu resin neen (16) sira ne’e mak sei fornese internet ba ita nia populasaun sira,” Ministru Miguel Manetelu hateten partisipa Reuniaun Konsellu Ministru iha Palásiu Governu, Díli.

“Buat ne’ebe jere hosi ministeiru ne’e bá Governu ho ajensia estadu nian, agora se hanesan ne’e pupliku bele husu entau se hanesan internet aban bain-rua karun, lakarun ona tamba ita nia kabu ne’e mai kompañia ida ohin ha’u temi ne’e ita estabelese ohin aprova, ne’e nia mak sei jere sasan ne’e. Nia mak sei faan ba operadores no ISP sira ne’e ho folin ne’ebé baratu. Signifika katak sira mós sei faan fali bá populasaun sira ne’e tenke baratu no ho velosidade ne’ebé aas.”

Ministru Miguel Manetelu hateten medida ne’e mak halo investimentu kabu fibra, nune’e ajuda aban bainrua rede internet ne’e nia velosidade bele lalais no baratu.

Jornalista Estajiária: Zita Menezes