Hatutan.com, (25 Maiu 2025), Díli– Ministru Negósiu Estranjeiru sira ASEAN nian hasoru malu iha Kuala Lumpur, Domingu  (25/05/2025), hodi ko’alia kona-bá asuntu xave rejionál no internasionál sira ne’ebé tuir tema hosi Malázia nia Prezidénsia ASEAN nian, “ASEAN 2025: Eskluzividade no Sustentabilidade”.

Lee Mós: Bá Dahuluk, Aero Dili Transporta PM Xanana ho Delegasaun Halo Viajen Ofisiál Bá Malázia Partisipa Simeira ASEAN

Vise-Primeiru Ministru, Ministru Koordenadór ba Assuntu Ekonómiku, Ministru Turizmu no Ambiente, Francisco Kalbuadi Lay partisipa reuniaun konsellu komunidade Ekonomika ASEAN (AEC) ba dala-25 iha ámbitu simeira ASEAN ba dala-46 iha Malázia. Foto/Espesiál

Enkontru ne’ebé lidera hosi Ministru Negósiu Estranjeiru Malázia, Mohamad Hasan, foka liubá esforsu sira hodi hametin dezenvolvimentu komunidade ASEAN nian, inklui briefing hosi Sekretariadu ASEAN nian kona-bá dezenvolvimentu sira relasiona ho Tratadu Amizade no Kooperasaun iha Sudeste Aziátiku (TAC).

Sita husi antaranews.com katak Ministériu Negósiu Estranjeiru Malázia nian, Mohamad Hasan ho  ministru sira pertense ba nasaun sira membru ASEAN nian sei ko’alia mós kona-bá akompañamentu ba Revizaun Líder sira ASEAN nian kona-bá Konsensu Pontu Lima kona-bá Myanmar, ne’ebé lidera mós hosi Malázia.

Enkontru Ministru Negósiu Estranjeiru ASEAN antes Simeira ASEAN ba dala-46 ko’alia mós kona-bá envolvimentu ASEAN nian ho parseiru esternu sira bazeia ba ajenda Relasaun Esterna ASEAN nian, nune’e mós diskusaun kona-bá adezaun tomak Timor-Leste nian iha ASEAN, inklui implementasaun matadalan kumprimentu Timor-Leste nian kona-bá instrumentu ASEAN nian iha enkuadramentu legál ASEAN nian Ministru Negósiu Estranjeiru sira.

Rezultadu hosi enkontru ne’e sei sai baze ba diskusaun sira iha Simeira ASEAN ba dala-46, Simeira ASEAN-GCC ba dala 2, no

Vise-Primeiru Ministru, Ministru Koordenadór ba Assuntu Ekonómiku, Ministru Turizmu no Ambiente, Francisco Kalbuadi Lay partisipa reuniaun konsellu komunidade Ekonomika ASEAN (AEC) ba dala-25 iha ámbitu simeira ASEAN ba dala-46 iha Malázia. Foto/Espesiál

Simeira ASEAN-GCC-Xina, ne’ebé marka ona atu hala’o hosi loron 26 to’o loron  27 fulan-Maiu tinan 2025 iha Sentru Konvensaun Kuala Lumpur (KLCC).

Ministru Negósiu Estranjeiru sira ASEAN nian, inklui  Primeiru-Ministru Timor-Leste nian, Kay Rala Xanana Gusmão ne’ebé kompostu hosi Vise-Primeiru-Ministru no Ministru Koordenadór bá Asuntu Ekonómiku, Francisco Kalbuadi Lay, Ministru Negósiu Estranjeiru no Kooperasaun (MNEK), Bendito dos Santos Freitas, Vise-Ministru bá Asuntu Parlamentár, Adérito Hugo da Costa, Vise-Ministra bá Asuntu ASEAN nian, Milena Rangel, Vise-Ministru bá Komérsiu, Augusto Júnior Trindade no Sekretáriu Estadu Komunikasaun Sosiál, Expedito Dias Ximenes, to’o ona iha Malázia.

Durante partisipasaun iha simeira ne’e, PM Xanana sei hamutuk ho líder sira hosi Estadu-membru ASEAN, nasaun sira Golfu nian no Xina hodi partisipa ativa iha diskusaun altu nível sira kona-bá asuntu xave rejionál no globál.

Primeiru-Ministru Xanana Gusmão sei hala’o mós enkontru bilaterál ho omólogu hosi Estadu-membru sira inklui partisipa iha eventu sekundáriu sira ho objetivu atu aprofunda kooperasaun no hametin lasu rejionál.

Enkontru lubuk ida mós akontese iha Sentru Konvensaun Kuala Lumpur (KLCC) iha Domingu ne’e, inklui Konsellu Komunidade Ekonómika ASEAN ba dala-25, Konsellu Komunidade Polítika no Seguransa ASEAN ba dala-29, Konsellu Koordenasaun ASEAN ba dala-36, ​​no taka ho enkontru Ministeriál Konsellu Kooperasaun ASEAN-Gulfu (GCC).

Jornalista: Lazaro Pereira Quefi