Hatutan.com, (25 Jullu 2025), Díli— Órgaun Komunikasaun Sosiál sira ka média sira ne’ebé hala’o kobertura durante eventu jogu desportivu Komunidade Lian Portugés (CPLP, sigla portugés) sei simu subsídiu husi Governu.

Lee Mós: Eventu Jogu Desportivu CPLP, Kartaun Asesu Bá Jornalista Sira Laiha Kualidade

Koordenador Jerál Jogu Desportivu CPLP 2025 atuál Sekretariu Estadu Arte no Kultura (SEAK), Jorge Soares Cristovão. Foto/Marcelino Tomae

Bá eventu jogu desportivu CPLP  ba dala-XII ne’ebé hala’o durante loron-10, husi loron 17 to’o loron 27 fulan-Fevereiru,  tinan ne’e, iha Díli,  Konsellu Ministru, aprova  orsamentu ho valór millaun $3.6 bá Ministériu Juventude, Desportu, Arte no Kultura (MJDAK) hodi bele finansia atividade tomak eventu multi-desportiva ne’e.

Hosi total orsamentu refere,  aloka $50,000.00 ba finansia fasilidade kobertura jornalista sira-nian. nune’e, Komisaun Nasionál  Organizadora MJDAK  provite $20,000.00 hodi prodús kartaun asesu ba bainaka sira, atleta sira  nasionál ho internasionál no seluk-seluk tan,  no $30,000.00 aloka ba Sekretaria Estadu Komunikasaun Sosiál (SEKOMS) atu  finansia nesesidade hotu media  centre jogu desportivu CPLP ne’ebé estabelese iha  Sentru Konvensaun Dili  (CCD, sigla portugés), inklui fornesimentu liña internet no alimentasaun ba jornalista sira ne’ebé kobre iha Mídia Centre.

Koordenador Jerál Jogu Desportivu CPLP 2025 atuál Sekretariu Estadu Arte no Kultura (SEAK), Jorge Soares Cristovão,  hateten kona-bá orsamentu $30,000.00, husi komisaun organizadora  hodi haree bá osan bá subsídiu  bá institsaun média  ne’ebé hala’o kobertura iha eventu desportivu internasionál  CPLP.

“Ha’u hanoin ida-ne’e ho komisaun organizadora oinsá maka atu haree, la’ós atu selu imi (jornalista-red) maibé ne’e agtu hanesan  subsidiu ida, maibé iha hela prosesu ida-ne’e nia laran  oinsá maka atu haree ita-nia média sira tantu, online,  imprme no eletróniku,”  Koordenador Jerál Jogu Desportivu CPLP 2025, Jorge Soares Cristovão hateten hodi hatán Hatutan.com iha konferénsia imprensa ne’ebé hala’o iha média center iha CCD, Kinta (24/07/2025).

Jorge Soares Cristovão  esklarese katak prosesu subsídiu ne’e la direta ba jornalista hotu-hotu ne’ebé destakadu halo kobertura ba eventu jogu desportivu CPLP maibé subsídiu ba kada  institusaun média sira hotu.

Kona-bá  kada institusaun mída hetan subsídiu  ho montante hira no   oinsá,   Jorge Soares Cristovão,  informa sei iha hela faze prosesu  no hein atividade  CPLP ensera maka halo diskusaun bá subsídiu sira ne’e. Tanba ne’e,   nia  parte agradese bá servisu no  vontade tomak   jornalista sira nian ne’ebé maka  partilla informasaun bá komunidade hotu, tantu iha nasionál no internasionál.

Jornalista: Marcelino Tomae