Hatutan.com, (28 Jullu 2025), Díli– Manajer Aviaun Citilink iha Timor-Leste, Fernando da Silva, Segunda (28/07/2025), konfirma katak aviaun Citilink QG500 ho destinu voo Denpasar-Díli  ne’ebé tun fali iha Aeroportu El Tari, Kupang-Indonézia  la’ós tun emerjénsia.

Lee Mós: Citilink ho Voo Denpasar-Dili Tun Emerjénsia iha Kupang, AACTL Seidauk Hatene Aviaun Nia Problema

Manajer Aviaun Citilink iha Timor-Leste, Fernando da Silva

“Ha’u hanoin atu ko’alia kona-bá akontesimentu, Domingu (27/07/2025), tanba aviaun  pilotu hetan indikasaun iha sistema katak iha mesin parte liman karuk  nian iha problema uituan, la’ós dehan saida maibé problema uituan, tanba ne’e maka pilotu deside multiplika aterrizajen bá fali iha Kupang,” Manajer Aviaun Citilink, Fernando da Silva bá Hatutan.com iha nia rezidénsia Fomentu,  Díli.

“Ne’e la’ós  tun emerjénsia, ema kalkula emerjénsia landing ne’e signifiká iha buat balu  iha problema boot uituan ona maka presiza iha emerjénsia landing. mas horisehik ne’e laiha, ne’e hanesan baibain,” Fernando da Silva klarifika.

Nia esplika tanba saida maka aviaun Citilink  tenke bá iha Kupang, tanba Aeroportu Internasioná Nicolau Lobato ne’e fatin sei ki’ik karik nia tuun mai para iha ne’e depois enjiñeiru sira mai detekta katak aviaun ne’e la bele semo entaun tenke troka.

“Entaun konserteza nia taka fatin entaun prejudika  fali ho operasional Aero Díli , Cantas no Aviaun sira seluk, nune’e parte seluk sira iha Kupang besik liu lalais tanba voo loro-loron husi Jakarta Surabaya iha hela, karik ita iha ne’e sei hein tempu, ”nia tenik.

Nia mós hatutan tán katak  pista iha Aeroportu Internasioná Prezidente Nicolau Lobato ne’e badak hela entaun bá iha Kupang karik hanesan ohin ko’alia iha sistema aplika ona maka keta aumenta tan fali problema ruma, bele prepara, hanesan emerjénsia landing ne’e, presiza pista ne’ebé maka naruk no presiza ekipamentu ne’ebé maka kompletu.

Nia informa pasajeiru sira ne’ebé tun iha Kupang no aviaun Citilink seluk  mak mai substitui hodi lori fali pasajeiru sira ne’e husi Kupang mai Dili ho kondisaun di’ak hotu no sira ne’ebé hein hela atrazu ida-ne’e mas to’o fali iha Denpasar-Bali ho di’ak hotu.

Nia afirma pasajeiru sira iha Domingu ne’e  husi Depansar mai Díli hamutuk  na’in-155 no  husi Díli bá fali Depansar  na’in-152.

Aviaun Citilink tuir sistema handle kuandu akontesimentu hanesan ne’e iha standart tiha ona bolu SOP tuir hotu standar prontu buat hotu la’o di’ak.

Jornalista : Zita Menezes