Hatutan.com, (29 Agostu 2025), Oé-Cusse— Prezidente Autoridade Sesante  Rejiaun Administrasaun Espesiál Oé-cusse Ambeno  (PA-RAEOA),  Rogério Tiago de Fátima Lobato,  husu bá foun lideransa foun ka PA-RAEOA foun atu hakuak ema hotu la bele  haree kór polítika.

Lee Mós: Konsellu Ministru Ezonera Rogério Lobato ho Nia Membru Sira Autoridade RAEOA

Prezidente Autoridade Rejiaun Administrativa Espesiál Oé-Cusse Ambeno (PA-RAEAO) sesante, Rogério Lobato. Foto/Dok

Duratente iha ekonktru ofisiál ho  PA-RAEOA foun Régio da Crus Salu ho Koordenadór bá Implementasaun Zona Dezenvolvimentu Ekonómiku Oé-Cusse Ambeno (ZEEDOA),  Herculando Sousa iha edifísiu Autoridade RAEOA, Sesta (29/08/2025),    Rogério Tiago de Fátima Lobato, hateten sorumutuk  ne’e  hanesan enkontru normál  ho   profisionalizmu públiku nian,  oinsá atu bele halo tranzisaun ida  di’ak,  profisionalizmu  ho  responsabilidade bá   Prezidente Autóridade foun, tanba  sira  la’ós  ema seluk,  maibé   sira  servisu  kleur ona.

“Ha’u hakaraka fó parabéns  Prezidente Autoridade foun ho nia  diretór komisaun ezekutiva  ka koodenadór ZEEODA  ho estrutura tomak, ho  responsalibidade  ne’ebé sira simu, maibé ha’u  sei asume hanesan prezidente Autoridade to’o 31 fulan-Agotu 2025,  molok ha’u husik hela, husu bá sira tenke servisu  bá ema hotu, la bele haree  kór, ” Rogério Tiago de Fátima Lobato   hatete bá jornalista  hafoin sorumutuk ne’e.

Rogério  husik hela  lia-menon balun  bá  estrutura foun PA-RAEOA ho ZEEDOA, oinsá  halo servisu di’ak, hakuak ema hotu, la bele haree bá kór, haree bá ema sira hotu hanesan Timoroan. Tanba ne’e, nia espera katak lideransa foun sira sei rona nia lia  menon importante  la’o nafatin bá iha oin tanba Rogério Lobato afirma nia  sai husik hela  autoridade  hanesan  orgullu.tanba  tempu badak  konsege servisu hamutuk no  hala’o buat di’ak barak iha Oé-Cusse.

Rogério Lobato ho nia estrutura sesante PA-RAEOA sei prepara relatóriu hotu-hotu hodi entrga lideransa foun sira, tanba  desizaun husi Primeiru-Ministru, liuhosi reuniaun Konsellu Ministru simu ho di’ak.

“Ami  sira  ne’e  hahú prosesu ida-ne’e  bá ukun rasik aan, ami sei moris,  joven sira komesa simu ona knaar,  ne’ebé ami haree katak buat ruma  la loos,  ami bele fó  hanoin bá sira hodi bele korije atu hadia, importante maka ne’e ita tenke servisu hamutuk,” Rogério Lobato hateten.

“Labele   dehan  ami sira dehan ne’ebé kaer kargu ne’e ami halai de’it,  la’e, ami tenke hato’o bá sira  saída maka ami halo no saída maka  sira bele halo bá iha oin, ne’ebé ami sei prepara relatóriu atu aprezenta hodi sira bele la’o bá iha oin. Labele hanesan,  ami simu iha  tinan 2024,  la simu buat ida halo ami tenke lamas bá mai  hodi buka solusaun iha situsaun ne’ebé oin seluk,” nia hateten.

Iha fatin hanesan  prezidente Autoridade RAEOA foun,  Régio da Cruz Salu haktuir sorumutuk ho PA-RAEOA sesante, Rogério Tiago de Fátima Lobato atu simu nafatin presesaun  di’ak no  hahú pajina foun  ho persepsaun komun  bá futuru.

“Ami hanesan Oé-Cusse oan, ami na’in-rua mesak jerasaun foun, ita konsidera ita-nia aman sira husi maun-boot Kay Rala Xanana Gusmaão,  Avo Rogéiro Lobato ne’ebé hanesan   bee-matan tenke naksulin bá ita, tempu oportunu di’ak bá ita  bee-matan ne’ebé mak naksulin bá ita  hodi  aproveita ai-hun ne’ebé maka sira kuda hela,”  ,  Régio da Cruz Salu haktuir.

Nia afirma, prosesu administrativa iha país ne’e normál,  maibé iha situasaun ida-ne’e  hakarak esklakerese bá  populasaun tomak iha Oé-cusse katak iha dalan  atu halo RAEOA nu’udár orgullu Timor-Leste,  orgullu bá povu no estadu Timor-Leste.

Nia  konsiderak Prezidente Autoridade  sesante nu’udár fundadór nasaun, hamutuk ho sira seluk ne’ebé  nia la temi ida-idak,  sira ne’e maka  Timor-Oan tomak nia  orgullu,  nu’udar Oé-cusse oan hakarak apela mós bá povu Oé-Cusse   tenke orgullu bainhira lideransa nasionál  mai hamutuk  kalan ida ka loron ida hodi  knaar ruma, ne’e haforsa tan  orgullu, haforsa tan  luta bá liberta nasionál ne’ebé ohin bá oin  halo uma boot Oé-Cusse hanesan  uma bá ema hotu.

“Ami nia tempu mós badak, la signifika tempu ne’e maka ita preokupa, maibé sei bele karik tempu ne’e ita halo buat ruma  hodi kontinua espiritu, buat  di’ak ne’ebé maka la’o hela, tanba ne’e ha’u hakarak, esklarese iha ne’e katak,  ami uluk ho  prezidente estrutura tomak, ami nain 10,  hetan tomada pose iha loron 31  fulan-Janeiru 2024, ami niaeEspiritu sei nafatin, objetivu sei nafatin,” nia tenik.

Koordenadór bá Implementasaun Zona Dezenvolvimentu Ekonómiku Oé-Cusse Ambeno (ZEEDOA), Herculando Sousa subliña  tranzisaun ida-ne’e   atu foka uitoan de’it liga bá  implementasaun bá zona  ekonomia dezemvolimentu, iha Oé-cusse Ambeno  durante tinan ida ho balun,   la’o henesan komisaun ezekutivu ida.

“Agardese bá prezidente Autoridade,  maka durante tinan ida ho balu apoiu ami ho di’ak,  to’o ohin loron, tanba ne’e maka  servisu maioria husi saída maka ami  hetan husi desizaun konsellu ministru  ami kompleta tiha ona agora hein de’it desizaun bá oin ne’e atu halo oinsá,” nia hateten.

Bá oin  ZEEDOA nia obrigasaun atu la’o tuir de’it politiku Governu nian,  liga  bá Zona Espesiál Ekonómia  Dezemvolvimentu  Oé-cusse Ambeno  bá oin, sei parte, husi autoridade,  nia responsablidade.

Jornalista: Marcelino Tomae