Hatutaun.com, (06 Setembru 2025), Díli— Eis Sekretáriu Estadu Juventude no Desportu (SEJD), Abrão Nokosiku Saldanha, hateten projetu reabilitasaun  Estádiu Munisipál Díli ne’e tuir loos Ministériu Juvendute,  Desportu Arte no Kultura, (MJDAK) kolabora fasilita Federasaun Futeból Timor-Leste nia proposta reabilitasuna ne’e tanba Konsellu Ministru aprova tiha ona.

Lee Mós: Komisaun G Sei Bolu MJDAK Klarifika Dezentendimentu ho FFTL

Eis Sekretáriu Estadu Juventude no Desportu (SEJD), Abrão Saldanha. Foto/Dok

Abrão Nokosiku Saldanha fó hanoin katak reabilitasaun Estádiu Munisipál Díli no konstrusaun estádiu foun no kampu fustal indoor iha padraun internasionál ne’ebé FIFA apoiu ho FIFa nia orsamentu rasik atu halo iha Tasi-Tolu ne’e oportunidade di’ak. Nune’e, Governu liuliu Ministériu Juventude, Desportu, Arte no Kultura kolabora no faislita hodi hatuur interse nasionál ne’e ba oin.

“Kona-bá atribuisaun kampu Munsípál Díli,  la devia Ministériu Juventudunte Desportu Arte no kultura,   FFTL bele avansa de’it, tanba  prosesu ne’e la’ós foin hahú, hahú kedas dezde Governu  sira liubá   liu-liu VIII Governu, falta de’it  kondisoins, ha’u  rona dehan Konsellu Ministru  aprova  tiha ona no atribui tiha ona  falta de’it MJDAK atu halo atibuisaun bá FTTL,” Abrão Nokosiku Saldanha hateten hodi responde Hatutan.com iha resintu Komite Sentrál FRETILIN (CCF),  Sesta (05/09/2025).

Nia hatutan,  sé  iha diferensia ruma entre MJDAK  Nelio Issac Fernadnes  ho Prezidente  FFTL, Nilton Telmo Gusmão do Santos, bele tau ketak  bá kotuk, hodi ko’alia bá malu,  buka menkanizmu oinsá  atu  iha intendimentu.

“Servisu sira preparasaun infraestruutra ba futeból nian ne’ebé FIFA apoiu ne’e tenke kontinua la’o, tanba  FIFA tau osan ne’e kleur loos tiha ona,  kuaze besik ona tinan-sia (9), falta de’it atu rezolve atribuisaun  rai ne’e hodi mobiliza apoiu  FIFA  ninian maka   halo reabilitasaun bá estádiu Munisípál Díli,” Abrão Nokosiku Saldanha hateten.

Lee Mós: Reabilitasaun Estádiu Munisipál Díli, PM Xanana: Konsellu Ministru Aprova Tiha Ona Proposta FFTL

Nia haktuir, atribuisaun ne’e uluk halo tiha ona iha mandatu VIII Governu, Ministériu Justisa  atribui tiha ona  bá Sekretáriu Estadu  Juventude no Deposrtu,  agora Ministériu Juventude  Desportu Arte no Kultura,  tanba ne’e atu muda akordu ka mantein  akordu ne’ebé maka  iha ona  hodi bele FFTL  asina akordu ho FIFA atu kontinua projetu ne’e la’o.

Nia husu bá MJDAK ho FFTL La bele  lori interese privadu hodi kahur fali bá interese komun,  hodi sakrifika ema hotu  nia hakarak.

“Sá diferensa ne’e normál  entre ema ne’e normál, maibé la bele sakrifika  bem  komun, diferensa entre ema, Ministériu  ho Federasaun, ho Direjente Ministériu, ne’e entre sira, maibé la bele sakrifika atividade  liu-liu la bele sakrfika servisu públiku, tanba konstrusaun estádiu ne’ebé FIFA apoiu, ne’e iterese komun, ita hotu nian, FFTL mós presiza, Governu no estadu mós presiza  liu juven no puplasaun sira hadomi futeból  presiza liu,” nia afirma.

Nia haktuir,   se osan apoiu FIFA ho montante US$3,000,00.00 maka FIFA dada fila  fali, Timor-Leste lakon tomak,  liu-liu bá komunidade sira ne’ebé hadomi Fubeból, tanba ne’e suzere bá Ministru Nelio Issac ho Prezidente FFTL,  Nilton Gusmão  atu rezolve sira nia dezentendimentu no   buka dala tuur hamutuk hodi fó  idea hodi realiza projetu ne’e.

“Ha’u sente konfuzaun uiotan, bainhira Konsellu Ministru deside buat ida,  iha ona desizaun, maibé ikus mai Ministru  la kria fali burokrasia  atu trava, ne’e duvida boot, maibé aktu  ne’e maka kontunia hanesan ne’e ita maka lakon osan $3,000,00.00 ne’ebé FIFA apoiu,”  Abrão Nokosiku Saldanha hateten.

Lee Mós: FFTL-MJDAK Hahú Tama Kapítulu Foun iha Konflitu

Jornalista: Marcelino Tomae