Hatutan.com, (11 Semtembru 2025), Díli–Funsionáriu  balu ne’ebé servisu iha Diresaun Nasionál Servisu Rejistu Nitariadu (DNSRN) aproveita espasu iha Edifisiu  DNSRN  hodi loke rental halo  tradusaun bá dokumentu bá abitante sira ne’ebé  presiza urjente.

Lee Mós: Broker Kontinua Eziste iha DNSRN

Rentál sira fotokopia nian ne’ebé ezizte iha espasu edifisiu DNSRN, Bebora, Dili. Foto/Marcelino Tomae

Rentál  sira ne’ebé eziste espasu dalan ninin DNSRN nia sorin antente foto kopia  hamutuk uallu (8)  ho laptop  haat (4)  ne’ebé deskonfia na’in sira husi Funsionáriu balun ne’ebé servisu  iha DNSRN.

Trata dokumentu Rejistu Kriminál  liu-husi prosesu normál ho tradusaun gratuita, maibé halo tradusaun  iha rentál sira ne’ebé eziste iha li’ur selu $5,000.

Tuir informasaun ne’ebé  Hatutan.com   husi fontes oioin  iha  resintu DNSRN katak bainhira halo tradusaun  husi li’ur,  rental na’in maka  lori bá  Diresaun Jerál Nasionál Servisu Rejistu Nitariadu hodi  tau karimbu.

“Ita halo tiha tradúsaun  sira sei lori tama fali bá laran  hodi  tau  karimbu, rental sira ne’e parse na’in  funsionáriu iha laran karik,”  fontes balun hateten bainhira forma hodi halo tradusaun bá dokumentu  Rejistu Kriminál (Bom Comportamento) iha resintu  edifisiu DNSRN, Kinta (11/09/2025).

Hatutan.com tenta halo komfirmasaun bá    rentál  tolu ne’ebé eziste iha área DJNSRN nia sorin,  maibé lakohi fó komentáriu  tanba atu atende abitante sira.

Iha sorin seluk, Diretór  Jerál Diresaun Nasionál Servisu Rejistu Nitoriadu (DNSRN), Agustinho Gonsalves Veirra,  hateten, kona-bá rental sira iha Diresaun Jerál  Nasionál Servisu Rejistu Nitariadu nia sorin   la  hatan lisensa husi parte Nitariadu.

“Ha’u nein atu hatene,  sira halo saída iha li’ur ne’ebá,  tanba  ita nunka atu fó fali servisu iha rai li’ur ne’ebá,   tanba servisu hothotu iha laran, tradusaun bá   bom comportamento  ho ingles  bele halo iha li’ur mós bele, maibé normálmente  iha laran ne’e ami  halo pakote ida, katak iha tradusaun mós iha ne’e gratuita,” Diretór Jerál  DNSRN,  Agustinho Gonsalves Veira hateten.

Nia dehan, se abitante sira maka hakarak halo tradusaun iha li’ur, ne’e direitu ema ida-idak ninia, tanba lei mós la bandu, maibé iha Nitariadu ne’e mós iha tradusaun, gratuita, sei iha li’ur parese  sira selu ona.

Diretór ne’e afirma, maibé sei halo tradusaun  iha li’ur mós tenke  bá fali Nitariadu hodi hetan karimbu,  no tradutór maka asina hodi hatudu katak nia (tradutor _red) maka jura,  katak tradúsaun  bá dokumentu hanesan bom comportamento  tuir orijinál.

Diretór  Jerál Diresaun Nasionál Servisu Rejistu Nitoriadu (DNSRN), Agustinho Gonsalves Veirra

Kona-bá broker sira ne’ebé eziste iha DNSRN hodi kobra ema ida $20.00 ba trata Billete Identidade, bom komportamentu $30.00, sertudaun RDTL halo foun  $10.00 renova $5.00 no pasaporte $150.00, tuir Diretór Jerál Agustinho katak,  informasaun sira ne’e la loos hotu kedas, tanba dala ruma abitante  mai trata dokumentu  tanba ejizensia urjensia  sira mesak maka hakarak halo iha li’ur ne’ebá de’it.

“Sé maka dehan broker ne’e lori mai para ita heree modelu broker maka ida-ne’ebé, agora iha rona ne’e  hoax atu halo saída  ita fiar lia anin  ne’e atu halo saída, ne’ebé ema ida ne’ebé  ema ka’er ho liman lori mai hodi dehan nia  maka husu ha’u nia osan hanesan ne’e para ita fiar, ” nia dehan.

Nia dehan, ko’alia kona-bá  broker tenke iha faktu, hatudu evidénsia. Tanba ne’e, nia  husu bá interesadu sira hotu, atu mai trata dokumentu direita bá  Diresaun Nasionál Servisu Rejistu Nitariadu.

“Pur favór  imi mai direitamente  atu hasoru direita ho  funsionáriu sira iha Diresaun Nasionál Servisu Rejistu Nitoriadu,  labele foti osan  fó iha ema li’ur bosok imi, fó imi nonok imi nia osan iha li’ur, depois imi kestiona bá broker,” nia tenik.

“Imi maka  kontaktu malu bolu malu iha li’ur ne’ebá,  sé iha problema no difikuldade  pur favór  mai hasoru ho funsionáriu sira  iha Diresaun Nasionál Servisu Rejistu Nitariadu  atu rezolve imi nia problema sira ne’e.”

Kona-bá funsionáriu sira iha Diresaun Nasionál Servisu Rejistu Nitariadu,  maka halo koneksaun ho broker  husi li’ur, tuir nia katak  provas laiha.

“Buat ida deskonfia ne’e normál, ema hotu-hotu bele deskonfia, maibé provas tenke iha hodi hatudu katak nia (Broker-Red), maka ida-ne’e, sé funsionáriu maka  iha ligasaun ho Broker sira iha laran tenke hatudu provas mai,  ita la bele hatudu liman tun sa’e bá ema de’it, ita hatudu liman tenke mós hatudu provas,”  nia dehan.

Kona-bá abitante barak maka forma  barak  iha área notatriadu, tuir nia katak,   abitante  sira ne’e mai forma hodi  foti pasaporte  tanba sira selu ona $75.00 ho $100.00, hanesan horsehik tuku haat ema la iha hotu ona.

Nia dehan, iha ne’e só Rejistu kriminál maka sé iha, tanba trata dokumentu Rejistu kriminál ne’e urjenti.

Jornslista: Marcelino Tomae