Hatutan.com, (01 Outubru 2025), Díli– Komisáriu Komisaun Anti-Korrupsaun  (CAC siglá portugés), Rui Perreira dos Santos, informa CAC aplika koima bá kargu xefia no bá ema sira ne’ebé maka la presta  deklarasaun rikusoin no husi koima ne’e kontribui on aba reseita Estadu hamutuk $400,000.00.

Lee Mós: CAC Seidauk Simu Keixa Kona-bá Vise-Ministru Saúde José dos Reis Magno Nia Oan Feto Hetán Bolsu Estudu iha Ministériu Saúde

Komisáriu Komisaun Anti-Korrupsaun (CAC, sigla portugés), Rui Pereira dos Santos, hamutuk ho Komisáriu Adjuntu CAC na’in-rua, Miguel Acacio Faria no Rosário de Araújo. Foto/Zita Menezes

“Kona-bá servisu deklarasaun rikusoin nian ne’ebé CAC aplika koima bá ita nian kargu xefia sira, bá maluk sira ne’ebé maka la presta deklarasaun rikusoin,” Komisáriu Rui Perreira dos Santos bá jornalista iha Parlamentu Nasionál, Kuarta (01/10/2025).

Komisáriu CAC ne’e hateten tán katak lei obriga sira tenke mai halo deklarasaun iha CAC, tinan kotuk hamutuk ho tinan ida-ne’e, SERVE,I.P hetan koima  $2000-resin no reseita ne’ebé simu husi koima ne’e $400,000.00.

Komisáriu Rui Perreira esplika,  ida-ne’e la’ós objetivu CAC nian atu rekolla osan, objetivu CAC nian ema hotu tenke kumpre, atu nune’e, sé ema ruma halo krime korrupsaun liuliu funsionáriu públiku sira ne’e fasil atu deteta.

Jornalista : Zita Menezes