Hatutan.com, (01 Outubru 2025), Díli–. IX Governu  liuhosi reuniaun Konsellu Ministru, Kuarta (01/10/2025), deside taka  jogu aposta iha online  ne’ebé  rejistu iha Timor-Leste no  kontinua halo investigasaun kle’an ba kazu Otél-Oé-Upu Rejiaun Administrativu Espesiál Oé-cusse Ambeno (RAEOA).

Lee Mós: FRETILIN Konsidera Jogu Online Eskandalu Boot no Grave, Sosiedade Sivíl Ezije PCIC Halo Investigasaun

Ministru Prezidénsia Konsellu Ministru (MPKM), Hermenegildo “Agio” Pereira. Foto/dok

Ministru Prezidénsia Konsellu Ministru Hermenegildo Parreira hateten, Konsellu Ministru haree mós  presiza  halo desizaun rezolusaun importante tebes, ne’ebé deside kansela lisénsa hotu-hotu halo esplorasaun aposta online.

“Ne’e taka hotu kedas proevidu emite tan lisénsa foun, ida-ne’e hanesan desizaun ida atu fó  protesaun ho seguransa estabelese sososiál integridade ekonómika no proteze mós protesaun nasionál Repúblika Demokrátika Timor-Leste,”  Ministru Prezidensiál Konsellu Ministru Agio Pereira hateten bá Jornslista sira iha Palásiu Governu.

Reuniaun Konsellu Ministru aprova ona projetu Rezolusaun Governu, ne’ebé aprezenta hosi Ministru Prezidénsia Konsellu Ministrus, Agio Pereira, ne’ebé determina kanselamentu lisénsa sira ne’ebé fó ba operasaun jogu sira no aposta online.

Rezolusaun Governu ida-ne’e mós determina kanselamentu prosedimentu lisensiamentu sira ne’ebé la’o hela no bandu lisénsa foun sira bá tipu atividade ida-ne’e, haree ba risku sira ne’ebé identifika ona bá nasaun nia seguransa, estabilidade sosiál, integridade ekonómika no reputasaun internasionál.

Ministériu tutela, hamutuk ho forsa seguransa sira, sei tau matan bá implementasaun medida sira ne’ebé aprova ona hosi Rezolusaun Governu ida-ne’e.

Diploma ne’e mós estabelese revizaun bá lejizlasaun aplikavel, liuliu dekretu-Lei n. 6/2016, loron 20 fulan-abríl, ne’ebé regula setór ne’e.

Husi sorin seluk, Ministru Justisa Sérgio da Costa Hornai, informa investigasaun ba   kazu  Jogu online  Scam Center iha Otél Oe-Upu, RAEOA.

“Ha’u la’ós Prokuradór, maibé ha’u mós akompañia tanba ne’e  servisu órgaun soberania ida nian sira halo  hela investigasaun, ita-boot sira akompañia katak ikus prosesu investigasaun  órgaun Polísia Sientífiku Investigasaun Kriminál (PCIC) kontinua halo hela servisu, ho koordenasaun ida metin,” Ministru Sérgio Hornai hateten.

Prosesu kazu Otél Oé-Upu ne’e, la’o tuir kóidigu prosesu penál ninian,  sei halo sira nia tempu  atu la bele hamosu priskrisaun bá iha  prosesu Investigasaun ne’e.

Kona-bá  ho Kazu Oé-cusse Ambeno maka Governu deside taka jogu online,   Ministru Justisa Sérgio haktuir  katak, buat hotu tenke halo   razaun  ho fundamentasaun, atu haree no labele fó fatin bá atividade ilísitude sira ne’e.

MESCC  Husu Estudante Labele  Envolve Jogu Online

Ministru Ensinu Superior  Siénsia no Kultura (MESCC, sigla portugés), José Onorio,   sente preokupa  bainhira rona katak Estudante Universitáriu  feto-mane maka  maioria sai traballadór iha jogu online.

“Hanesan Ministru Ensinu banhira ha’u rona informasaun ne’e husi ita-boot (red-Jornalista)  preokupante tebes tanba ne’e husu bá estudante sira  di’ak liu loke internet  haree teoria sira hodi aprende  barak liu duké  envolve  iha jogu   online,”  nia hateten.

Konsellu Ministru  halo ona rezolusaun  ida hodi  taka jogu online sira, tanba  ne’e nia garantia katak sei evita ona involvimentu estudante sira iha atividade jogu online.

Jornslista: Marcelino Tomae