Hatutan.com, (28 Outubru 2025), Díli– Prezidente Repúblika, José Ramos-Horta hateten  loron 26 fulan-Outubru 2025 marka tán istória ida bá Timor-Leste sai membru plenu  ASEAN bá dala-11, nune’e husu povu no Governu hametin nafatin dame no tenke servisu makaas ho ónestidade. 

Lee Mós: Timor-Leste Ofisiál Sai Membru ASEAN Ba Dala-11

Aprezentasaun kultura husi nasaun sira membru ASEAN iha simeira ASEAN ba dala-47 iha Kuala Lumpur, Malázia. Foto/Media G-PM

“Ita foku bá dezemovolvimentu nasionál hadi’a povu nian moris, primeiru ita foku bá dame estabilidade iha rai-laran, ita foku bá ita nia kompromisu seluk internasionál ne’ebé ita la’ós ASEAN de’it iha sistema ONU kompletu g7+ no ita foku bá problema boot mundu infrenta mudansa klimatiku,” Prezidente Repúblika José Ramos-Horta hateten liuhosi konferénsia Imprensa iha Kuala Lumpur, Malázia, Tersa (28/10/2025).

Xefe Estadu José Ramos-Horta husu bá oin  buka nafatin hametin dame iha rai-laran, dame la’ós de’it, laiha funu, laiha konflitu, dame mós hateten laiha violénsia domestika labele halo violasaun oin-oin bá feto sira iha uma laran, laen kontra feto ne’e violénsia.  Timor-Leste moris iha dame di’ak loos, Timor tenke sai modelu ida di’ak liután laiha violénsia domestikú no laiha violénsia bá kosokoan sira.

Prezidente Repúblika ne’e husu mós  Governu sira ne’ebé kontenti orgullu iha IX Governu Timor-Leste  tama ASEAN povu haree haree no akompañia hela governu  nian servisu perfomense attitude.

“Labele halo foer maun Xanana nian naran, sé imi la performa, imi la servisu di’ak la kumpre imi nian obrigasaun sé maka hetan konsekuénsia liu maun Xanana tanba nia maka xefe Governu, unidade sevisu makaas ho onestidade respeitu povu halo dialogu rona joven sira rona ama sira iha merkadu keixa ruma karik simu populasaun ne’e para rai ida-me’e hanesan modelu ida,”dehan Prezidente Repúblika José Ramos-Horta.

Jornalista : Zita Menezes