Hatutan.com, (30 Outubru 2025), Díli–Sekretáriu Estadu Komunikasaun Sosiál (SEKOMS), Expedito Dias Ximenes,  “hakfodak” outuan ho pergunta husi jornalista sira bá Primeiru-Ministru Kay Rala Xanana Gusmão  kona-bá avaliasaun ba dezempeñu servisu membru Governu sira-nian,  liu-liu Sekretáriadu Estadu Komunikasaun Sosiál (SEKOMS) nian.

Lee Mós: Konstrusaun Edifísiu Sentrál RTTL,E.P Paradu, PM Xanana Husu Expedito Ximenes Hemu Maran Tiha Bee

Sekretáriu Estadu Komunikasaun Sosiál (SECOMS), Expedito “Loro” Dias Ximenes. Foto/Dok

Iha Palásiu Prezidente Nicolau Lobáto, Díli,  Kinta (30/10/2029), Jornalista husi órgaun komunikasaun nasionál balun, lansa pergunta ba Xefe Governu kona-bá Timor-Leste  tama ona  ASEAN hanesan membru bad ala-11 no Prezidnete Repúblika José Ramos-Horta rasik husu Primeiru-Ministru Xanana Gusmão atu hasai membru Governu ne’ebé laiha kapasidade no la hatene servisu no saída mak PM Xanana nota iha dezempeñu serviau membru governu sira nian, liu-liu SEKOMS, Ministra Saúde ho Ministra Edukasaun.

PM Xanana hateten, Timor-Leste tama ASEAN, hanesan Xefe Governu iha responsabilidade boot  hodi kontrolla  membru Governu sira, liu-liu  Sekretáriu Estadu Komunikasaun Sosiál, Expedito Dias Ximenes,  maka laiha dezempeñu di’ak liu ka kapás, agora  haree  took.

“Timor-Leste tama ona ASEAN ita-nia responsabilidade boot, iha hanoin haree aá membru Governu sira ne’ebé laiha dezempeñu servisu, iha hanoin atu halo remodelasaun bá Ministériu Saúde, Ministériu Edukasaun, SEKOMS, Ministru Edukasaun laiha dezempeñu di’ak liu ka kapás, agora ita haree ita took,” PM Xanana hateten hafoin hodi responde jornalistta nia pergunta hafoin enkontru semanal ho Xefe Estadu.

Liuhosi konférensia imprensa,  iha W Otél iha Kuala Lumpur, Malázia, Tersa 28 fulan-Outubru 2025, Prezidente Repúblika, José Ramos-Horta,husu Primeiru-Ministru (PM), Kay Rala Xanana Gusmão, atu labele halimar no demite membru governu sira ne’ebé laiha kapasidade, atu halo servisu sira ne’ebé iha ligasaun ho ASEAN.

Ramos-Horta hateten, Timor-Leste adere ba ASEAN ne’e hanesan estadu ida nian, maibé Timor-Leste labele kria pozisaun ida ne’ebé unilateral. Tanba iha planu domestiku kada nasaun halo nia planu domestika iha área oin-oin.

Horta hateten Timor-Leste sei partisipa iha reuniaun lubuk ida, tanba ne’e presiza hatudu disiplina, respeitu, se membru governu no embaixadór sira mak la mosu iha reuniaun ruma tenke presiza tau atensaun.

“Iha reuniaun membru ASEAN, membru governu sira tenke follow Up idak-idak nia servisu, no halo relatoriu ba mai, se hau rona Timor seidauk resposta hau ko’alia kedas ba Primeiru-Ministru, se buat nee la rezolve, ha’u publikamente ezije, hau hakarak ministru ne’e aprezenta karta demisaun, ita labele halimar, ita labele halo foer ita nia estadu nia naran,” Ramos-Horta afirma.

Nia hatutan, Primeiru Ministru presiza tau atensaun ba membru governu idak-idak, tanba Timor-Leste nia adezaun ne’e tama ho responsabilidade ho rigoruzu tebe-tebes, tanba liu husi dezafius oin-oin.

Hafoin Primeiru-Ministru Kay Rala  Xanana Gusmão responde tiha jornalista sira, nia  hakaat sai hosi odamatan boot Palasíu Prezidensiál nian,  Sekretáriu Estadu Expedito Dias Ximenes  husu tuir Jornalista ne’ebé kolega pergunta avaliasaun dezempeñu servisu membru Govenru nian ne’e la’ós la’ós GMN ka?  Nune’e, jornalista, sira ne’ebé halo kobertura no destaka iha Palásiu Prezidensiál responde katak jornalista ne’e muda tiha ona bá média seluk katak la’ós ona GMN.

Jornalista: Marcelino Tomae