Hatutan.com, (26 Fevereiru 2026), Díli- Tuir  dadus husi Banku Sentrál Timor-Leste (BCTL, sigla portugés) katak  iha tinan 2025  total exportasaun bens sasan Timor-Leste nian hamutuk millaun US$126 de’it,  sasan ne’ebé importasaun mai Timor-Leste hamutuk millaun US$841. 

Governadór BCTL, Helder Lopes. Foto/dok

Governadór  BCTL, Hélder Lopes hateten Timor-Leste importa sasan mós osan hamutuk millaun US$841 ne’ebé osan sai ba rai li’ur mak barak liu  ba de’it sasan de’it.

Ba jornalista sira iha Parlamentu Nasionál, Kinta (25/02/2026), Governadór BCTL Hélder Lopes, afirma tan katak ba fali servisu ninian ne’ebé  Timor-Leste exporta ne’e hamutuk millaun US$140 ,  servisu ema nian ne’ebé Timor-Leste sosa ezemplu hanesan ema mai presta servisu iha ne’e depois Governu selu depois sira lori sai fali osan ba li’ur ne’e hakutuk millaun US$464.

BCTL nia observasaun katak husi bens exportasaun no bens servisu husi Timor-Leste nian ne’e kiik liu kompara ho bens importasaun no bens servisu ne’ebé ma husi rai li’ur tanba ne’e Governu  presiza servisu maka’as hodi bele rezolve defize komérsiu externu ida-ne’e.

Nia fó ezemplu totál  exportasaun ba ZDP iha tinan 2025 8.4%  de’it, maibé importasaun ZPD ba li’ur ne’e hamutuk 53.9% ne’e signifiká ne’e boot tebes katak Timor-Leste importa sasan barak liu duké exporta sasan.

Jornalista: Zita Menezes