Hatutan.com, (20 Marsu 2026), Díli-Komunidade Musulmanu iha Timor-Leste, Sesta (20/03/2026), konsentra iha Meskita An-Nur, Kampu alor, Díli, hodi  komemora loron Idul Fitri 1447H.

Lee Mós: Selebrasaun Loron Idul Fitri Hanesan Vitória Bá Komunidade Muslumana

Mulsumanu sira iha Timor-Leste hala’o ritu hasa’e orasaun Eid iha Meskita An-Nur, Díli, hodi selebra loron Indul Fitri 1447H, Sesta (20/03/2026). Foto/Juvinal Cabral dos Santos

Selebrasaun loron importante tuir ritu Musulmanu iha mundu tomak ne’e hetan partisipa másimu husi labarik, inan no aman no ferik-katuas musulmanu sira ne’ebé hahú sira-nia orasaun Eid  hale’u tuku 07:30 dader Otl iha Maskita An-Nur.

“Ohin, hanesan loron Idul Fitri ne’ebé komunidade musulmanu selebra depois sira halo jejun durante fulan-ida h onia objetivu atu hamos sala sira iha mundu ne’e atu hetan grasa no salavasaun ba klamar, ” Prezidente Konsellu Kurador Fundasaun Anur,  Timor-Leste, Abdula Bim Said  Sagran, informa ba jornalista  sira.

Abdula Bim Said  Sagran, hateten, iha tempu loron Idul Fitri ne’e di’ak, felisidade di’ak no husu espesialmente ba komunidade musulmanu iha Timor laran tomak atu mantein nafatin ho (Taqwa fé ramadhan) fiar di’ak, ne’e hanesan modalidade ida, atua bele kontribui di’ak liu ba família, no nasaun doben Timor-Leste.

Nia dehan, ba komunidade sira seluk sira mós hato’o respeitu durante fulan ramadhan ne’e servisu hamutuk ho di’ak, la iha intimidasaun.

“Ita nafatin tulun-malu, ami husu obrigadu barak no ba oin ita bele kaer-liman hamutuk hodi lori ita -ia nasaun ne’e bá oin no futuru prosperidade la’ós de’it iha mundu ne’e, maibé prosperidade mós ba moris iha mundu seluk,” Abdula Bim Said  Sagran hateten.

Objetivu ida-ne’e hanesan komunidade relijiozu iha Timor-Leste ne’e mak haree iha dadus estatistiku kuaze 100% iha  relijiaun fiar na’in.

“Katólika sim maioria 97% resin, ami musulmanu oituan de’it maibé bele konta hamutuk hotu katak nasaun Timor-Leste ne’e nia iha sidadaun kuaze 100% mak ema fiar na’in,” Abdula Bim Said  Sagran haktuir.

Prezidente Konsellu, ne’e rekomenda hotu-hotu tenke prepara an didi’ak hanesan fiar na’in prosperidade ba moris iha mundu seluk.

Kona-bá loron toleránsia sira iha Timor-Leste ne’e desde uluk tempu Portugés nunka iha konflitu tanba relijiaun.

“Ne’e katak husi uluk kedas ita moris hamutuk loron toleransia ne’e di’ak hotu, ohin iha ambiente di’ak, dezenvolvimentu ne’e ita nian iha independensia nia laran ita haree katak iha tinan 2022 adopta fraternidade umana ne’e sei hanesan modalidade ida ita atu fortalese tan ita nia armonia iha rai laran hodi atudu ba mundu tomak”, dehan Prezidente Konsellu Kurador Fundasaun An-Nur.

Jornalista: Juvinal Cabral dos Santos