Hatutan.com, (23 Juñu 2026) Díli-Eis Primeiru-Ministru (PM) no mós eis-Prezidente Repúblika,  Taur Matan Ruak, ho laran triste hateten Timor-Leste lakon nia ema di’ak ida, maktoban Franicsco Guterres Lú-Olo.

Taur Matan Ruak.

Taur hateten Lú-Olo nia falesimentu rai hela fitar disiplinadu no aten brani ba lider sira ne’ebé sei moris, hodi hamutuk kombate povu nia ki’ak no mukit.

Taur Matan Ruak hateten, Timor lakon nia ema di’ak ida Saudozu Francisco Guterres Lú-Olo ema ida ne’ebé impaktu disiplinadu.

“Dalan mak ida ne’e duni. Distinu sempre hafahe ita, maibé ami fó obrigadu ba Saudozu Francisco Guterres Lú-Olo tanba nia kontribuisaun ba rai no povu ida ne’e liu-liu ba jerasaun foun sira,”  Taur Matan Ruak haktuir ba jornalista iha Maktoban Francisco Guterres Lú-Olo nia rezidénsia iha Farol, Díli, Tersa (23/06/2026).

Taur Matan Ruak hateten, ida ne’ebé sei moris banati tuir Saudozu nia ain fatin lori Timor ba oin, lider sira tenke hamutuk atu kombate povu nia moris kiak no mukit.

“Ita nia povu para sei mizereia iha ita nia rain, ita hetan ukun an ona maibé ita nia povu seidauk moris di’ak sei mizereia hela tanba ne’e mak ami ne’ebé mai husi Ai-laran, ami espresa ami nia sentimentu bo’ot ba no profunda ba nia feto faluk no oan kiak sira sira la mesak ami hotu iha sira nia sorin,” Taur Matan Ruak hatutan.

Saudozu Francisco Guterres Lú-Olo rai hela fitar ida ba lider sira seluk ne’ebé sei moris ho nia aten brani no disiplina sai exemplar ba lider sira hotu-hotu, atu bele hare povu ida ne’e ho diak ida ne’ebé ladiak halakon no halo buat ne’ebé diak ba jerasaun foun sira.

“Ami nain rua ba hotu iha ospitál. Nia hela, ha’u fila no antes ha’u fila ha’u hamenu lia-fuan ida katak ami hotu la haluha nia, ami hamutuk ho nia nafatin, saida deit mak mai ami simu nafatin iha momentu ami hakuak ikus antes nia desloka ba Malázia ami hanoin nia atu fila, maibé nia ba ona distinu siak foti nia, ami ne’ebé sei moris forsa nafatin hodi haree ba ita nia povu ida ne’e,” Taur Matan Ruak hatetne ho triste.

Ohin povu tomak mai konsentra iha ne’e atu fo homenajen no halo orasaun ba nia atu nune’e nia klamara bele hetan fatin di’ak iha moris rohan laek.

“Ita sira ne’ebé sei moris lori ita nia moris ba oin, ba nia hotu ona maibé ba ita sei todan tanba buat hotu ninian nia lori lisuk no tutur ba ona hela rai hela kanek ne’e mai ita liu-liu ba imi jerasaun foun sira”, Eis-Primeiru Ministru Taur Matan Ruak espresa.

Joranlista: Juvinal Cabral dos Santos