Hatutan.com, (11 Jullu 2026) – Díli– Kazu burla informátika no jogu  online ka scam call centre  iha armazén ida iha Bebonuk, Díli, Sábadu (11/07/2026),  Polísia Sientífiku Ivestigasaun Kriminál (PCIC-sigla portugés)  aprezenta arguidu na’in-96 bá Tribunál Judisiál Primeira Insntánsia hodi submete bá interogasaun dahuluk.

Lee Mós: Pratika Atvidade Ilísitu, PCIC ho SNI Detein Sidadaun Estranjeiru Na’in-99 iha Bebonuk

Arguidu sira kazu scam call centre iha Bebonuk aprezenta ba TJPID, Sábadu (11/07/2026). Foto/Marcelino Tomae

Observasaun Hatutan.com iha resintu Tribunál Judisiál Primeira Instánsia Díli, Caicoli,  hale’u tuku 17:35 Otl,  Polísia Sientífika bá Investigasaun Kriminál (PCIC-sigla portugés) tau alzema bá arguidu hamutuk na’in-96, na’in rua kesi hamutuk iha alzdma ida (1),  ne’ebé desfkofia prátika atividade ilísita jogu  online scam call centre iha área Bebonuk.

Arguidu na’in-96 ne’ebé  PCIC  lori bá Tribunál hodi prosede  bá Julgamentu utiliza karreta bus hodi lalain dala-tolu ba tribunal.

Molok  atu tama iha julgamentu interogasaun dahuluk, ekipa PCIC kaer lista hodi bolu  no identifika didi’ak arguidu sira  nia identidade.

Arguidu sira ne’e hetan detensaun husi PCIC  servisu  hamutuk ho SNI,  iha Kuarta-kalan, 09 Jullu 2026 hale’u tuku 21:00, OTL,  tanba suspeita ba atividade ilísitu sira hanesan burla informátika no jogu  online ka scam call centre .

Iha operasaun surpreza ne’e konsege prende  objetu sira hanesan komputadór  hamutuk unidade 88, laptop 13, telemóvel  27, no mós iha osan.

Jornalista:  Marcelino Tomae