Hatutan.com (19 Jullu 2026) Díli-Polísia Nasionál Timor-Leste (PNTL) liuhusi Diresaun Servisu Investigasaun Kriminál (DSIK), Polísia Forensik no Servisu Intelejénsia Polísia, Domingu (19/07/2026), sobu tan atividade scam call centre iha Sola Otél iha área Auhun, Becora, Díli.

Polísia sobu atividade scam call centre iha Sola Hotel iha área Auhun, Becora, Díli, Domingu (19/07/2026). Foto/Juvinal Cabral dos Santos

Iha operasaun ne’e PNTL ho nia ekipa serivisu sekreta sira  detein  sidadaun estránjeiru na’in-rua, kompostu husi n’in ida ho nasionalidade Xina no ida seluk ho nasionalidade Japaun.

Polísia Nasionál Timor-Leste liuhusi Diresaun Servisu Investigasaun Kriminál  rejistu  kazu ne’e  ho NUK: 0257/26-PNCIC.

Observasun Hatutan.com iha iha operasaun buska no detensaun ba fatin instalasaun atividade  scam call centre  iha Sola Otél iha área Auhun   hale’u tuku 15:00 Otl  hodi asegura suspeitu sira no halo mós apreensaun ba sasán ka aparelu sira ne’ebé instala hodi faislita atividade scam call centre ne’e.

Polísia  mós foti pasaporte Jepaun nian rua no  Xina nia rua, nune’e polísia deskonfia suspeitu ba kazu scal call centre ne’e iha na’in-haat.

PNTL tama otél  laran identifika kuartu ida sidadaun estranjeiru sira utiliza hanesan edifisiu administrasaun polísia Jepan nian, iha kuartu laran taka baner Polîsia Jepan 2×1 no tau armáriu boot  vidru hodi tau file mamuk ho kuantidade barak,  inklui instala rádiu rua iha kuartu seluk ne’ebé besik.

PNTL frekolla evidénsia mak aparelu SRTARLINK  ne’ebé instala iha fatin tolu iha otél refere, baner Polísia Jepan nian ida, rádiu komunikasaun rua, telefone, komputadór ida, karreta Nissan ida, meza no kadeira utiliza ba atividade ilísitu ne’e inklui sasán seluk ne’ebé iha ligasaun ba atividade scam call centre ne’e.

Hafoin buska no apreensaun, Polísia sira transporta  kedas sidadaun estranjeiru na’in-rua ne’e inklui uma-na’in Xinés ida ho sidadaun Timoroan feto ida hanesan pesoál apoiu limpaza

Scam Call Centre iha Bedois Registu ho NUK:0256/26-PNCIC

Husi sorin seluk, Autoridade Seguransa kompostu hosi Servisu Migrasaun (SM), Servisu Informasaun Polísia no Diresaun Servisu Investigasaun Kriminal (DSIK) sobu mós atividade scamming online no asegura sidadaun estranjeiru nain-hitu iha área Bedois, Suku Becusse, Becora, Díli. Kazu atividade ilísitu ne’e rejistu ona iha DSIK ho NUK: 0256/26-PNCIC

Polísia identifika no sobu atividade scam call centre. Foto/Juvinal Cabral dos Santos

Operasaun ne’e realiza hafoin ekipa Servisu Sekreta Servisu Migrasaun rekolla informasaun hosi fontes akreditadu sira iha Sábadu (18/07/2026), no  konsege identifika atividade rede Scam Call Centre ida iha Area Bedois.

Iha operasaun ne’e ekipa servisu konsege prende objetu krime iha uma arendamentu ida ne’ebe konsidera hanesan evidénsia teknolojia dijitál inklui sidadaun Indonézia na’in-neen (feto 3 mane 3) no Xinez mane ida ne’ebe aluga uma refere.

Tuir deklarasaun uma nain, David Menezes katak, Uma ne’e sidadaun estranjeiru kazal ida maka mai aluga. Sira maka sosa kadeira meza, kama no istala internet starlink besik fulan ida ona maibe selu uluk fulan tolu nian no kada fulan sira selu osan ho montante $2500.00.

Hafoin halo aprensaun ba sidadaun estranjeiru hirak ne’e, ekipa servisu kontatu kedas ba DSIK, hodi mai lori sira na’in-hitu no objetu sira ne’e ba asegura iha edifisiu PNTL hodi submete ba prosesu investigasaun.

Jornalista: Juvinal Cabral dos Santos