Reportajen: Maria Angelita Sandi Belo

 Hatutan.com,  (24 Setembru 2026), Díli— Ministru Pétroleu no Rekursu Minerál (MPRM sigla portuguas), Francisco da Costa Monteiro, Kinta (24/9/2026),  asina akordu ho PT. Taka Hydrocore husi Indonézia  hodi halo survey ba dalan kadoras husi Bayu Undang no Greater Sunrise mai Timor-Leste ho kustu millaun US$10.

Ministru Francisco da Costa Monteiro, asina akordu ho PT. Taka Hydrocore husi Indonézia hodi halo survey ba dalan kadoras husi Bayu Undang no Greater Sunrise mai Timor-Leste, Kinta (24/09/2026). Foto/Maria Angelita Sandi Belo

Ministru  Francisco da Costa Monteiro, hatete, akordu ne’e permite kompañia nia  ró sira atu halo survey  durante fulan-neen  hodi foti amostra kona-bá dalan kadoras atu mai Timor-Leste

“Iha semana ida ne’e ita asina kontratu tolu, atu kontinua estudu detallu ba ivestigasaun mariña, ne’ebé involve ró ahi sira ba foti  amosta iha tasi Timor tuir dalan kadoras husi Greater  Sunrise ho Bayu Undang atu mai Natarbora Timor-Leste, ne’ebé ho kontratu ida ne’e permite kompañia ida ne’e atu halo servisu durante fulan-neen nia laran depois nia rezultadu sira ne’e sei inkorpora fila fali ho dezeñu ba finalizasaun, ikus bele avansa ba konstrusaun no implementasaun ba projetu sira ne’e,” Monteiro informa ba jornalista sira iha Farol,  Díli.

 Survey ne’ebé halo husi kompañia ne’e atu bele fo konfiansa aban bain rua investiventu kadoras mai Timor-Leste

“Sira sei ba halo survey ida iha tasi laran ne’eba hare’e ba dalan kadoras Bayu Undang nian no kadoras Greater Sunrise nian,  foti sample bar-barak  hodi halo analiza atu bele hatene didiak dalan kadoras atu liu ne’e keta iha risku ruma karik, keta halo  rai ruma potensia atu monu, husi sira nia investigasaun foti dadus ne’e  analiza fila fali ho didiak  hodi fatin ne’e keta rai nakdoko bele halo rai  monu karik, maibé ho sira nia survey ne’e ita dehan rai ne’e la monu, ne’e espesializadu tebe-tebes, bele fó konfiansa makas liu tan ba investimentu aban bain rua kadoras  mai Timor-Leste,” Ministru Francisco da Costa Monteiro esplika.

Biban hanesan Diretór PT. Taka Hydrocore-Indonézia, Kumayantri Adikara, hatete, projetu ne’ebé atu halo servisu ba, ho naran light Geotechnical Survey, projetu ne’e importante ba Timor-Leste no iha komitmentu finaliza projetu ne’e ho profesionál, no husu suporta husi parte hotu atu projetu ne’e bele la’o ho di’ak. (*)