Internasionál
Sekretáriu Jerál ONU Sei Ko’alia ho Nasaun G20 Apoia TL Adere bá ASEAN
Hatutan.com, (27 Setembru 2022), Díli—Sekretáriu Jerál Organizasaun Nasaun Unidas (ONU), António Guterres promete atu ko’alia ho líder mundiál sira, liu-liu líder nasaun membru G20 hodi apoia adezaun Timor-Leste (TL) bá Association of Southeast Asian Nations (ASEAN).
Prezidente Repúblika (PR), José Ramos-Horta hasai foto hamutuk hafoin enkontru ho Sekretáriu Jerál ONU, António Guterres iha Nova Iorka, Tersa (27/09/2022). Foto/Média PR.
Prezidente Repúblika (PR), José Ramos-Horta agradese ba apoiu hotu hosi ONU no nasaun membru ASEAN nian ne’ebé eforsu hodi simu Timor-Leste sai membru ASEAN ba dala XI.
Lee Mós: Enkontru Komisaun Konstrusaun Pás ONU, Dedika Espesiál bá TL
Xefe Estadu afirma, Sekretáriu Jerál ONU, António Guterres iha relasaun metin ho atuál Prezidente Indonézia, Jokowi, nune’e nia bele negosia hodi Timor-Leste adere lalais ba ASEAN.
“Sekretáriu Jerál ONU, António Guterres sempre prontu atu haree saida mak Timor-Leste presiza nia apoiu, bele dala ruma apoiu diretamentu hosi ONU maibé mós bele liu hosi ko’alia ho líder sira iha mundu, favór tau matan ba Timor-Leste. António Guterres iha relasaun metin ho Prezidente Repúblika Indonézia, Joko Widodo, nu’udár mós Prezidente ba ASEAN no G20 iha tinan 2023. Ne’e duni, ita presiza buat ruma hosi Sekretáriu Jerál ko’alia ho líder Europeiu sira no G20, nia prontu atu halo loby ba Timor-Leste, Timor-Leste sempre iha nia hanoin no fuan,” Hatutan.com sita deklarasaun Ramos-Horta hafoin enkontru ho Sekjer ONU, António Guterres, iha komunikadu, Tersa (27/09/2022).
Ramos-Horta konsidera atuál Sekretáriu Jerál ONU, hanesan ema ida di’ak tebes, líder ne’ebé iha kualidade no koñesidu hanesan ema reliziozu, nu’udár Katóliku dezde hanesan Primeiru Ministru Portugál, iha fuan di’ak tanba ne’e mak eleitu hanesan lideransa másimu ONU ho unanimidade tutuir-malu.
Uluk iha tempu difísil 1999, hanesan Primeiru Ministru Portugál, António Guterres halo presaun makas bá Prezidente Amerikanu, Bill Clinton no líder Europeiu sira atu buka konsensu iha Konsellu Seguransa ONU, nune’e Misaun Forsa Manutensaun ba Dame INTERFET tama iha Timor-Leste.
Iha enkontru ne’e, Sekeretariu Jerál ONU apresia mós Xefe Estadu foun Timor-Leste ba períudu 2022-2027, José Ramos-Horta.
Durante estadia iha Amérika, Prezidente Repúblika hasoru-malu ona ho Primeiru-Ministru Kambodia, Hun Sen, no líder mundiál sira seluk hodi ko’alia mós kona-bá prossesu Timor-Leste adere ba ASEAN.
Jornalista: Vito Salvadór
Internasionál
Timor-Leste Marká Tán Istória Ida Tama ASEAN, Ramos-Horta Husu Hametin Dame, Servisu Maka’as ho Onestidade
Reitór UNTL Halakon Diresaun Inspesaun Auditória no Kontrolu Kualidade Tanba Sei iha Fiskál Úniku
Deskonfia Falsifika Dokumentu Veteranu, HABADA Husu Komandu Jerál PNTL ho Ministru Interiór Fó Sansaun Todan Ba Superintendente Asistente Polísia AQ
Ministériu Públika Deklara Droga 2.094 Tama Timor-Leste Liuhosi DHL Atraves Citilink
Ministériu Públiku Sei Halo Destroisaun Ba Droga Kilograma 2,094 ho Tipu Kokaína
OJE 2026 Aloka Bá MCAE ho Montante Millaun $8 Resin Aprovadu
DIT Hahú Introdús ba Estudante Sira Kona bá Seguransa ba Dadus Importante
IGJ Legaliza Corais Timor bá Atividade Futu-Manu
STOP PRESS: Ministru Nino Pereira Konsumu Dose Kontamina ho Frasku Halo Nanál Kanek no Ran
Indonesia dan Timor-Leste Perkuat Kerjasama Ekonomi, Sosial Budaya, dan Pariwisata
Governu Indika BTK Hadi’a Trotoár Naksobu iha Área Bebora
Asesu Gratuita HATUTAN.com
Hafoin Ferias Judisiáriu PGR Sei Ko’alia Kazu Set-top Box RTTL,E.P
Xefe Estadu TL Kondekora Militár Korea Súl Ne’ebé Mate iha Oé-Cusse
PCIC Detein MG Lori Osan Falsu Hosi Inglaterra
PR Simu Karta Kredensial Husi Embaixadór Brunei Darussalam ho Reinu España
-
Liquiça1 week agoDirijente SNI Na’in-rua ho Karreta Estadu Transporta Sasán Kontra Bandu
-
Edukasaun3 days agoDirijente Sira Husi Diresaun Inspesaun Auditoria Kontrolu Kualidade UNTL Halo Keixa ba Polísia Hasoru Reitór João Soares Martins
-
Dili7 days agoRSF: Nomeasaun Afiliadu Governu Nian Ba Pozisaun Diresaun Superiór iha RTTL.E.P ho Tatoli,I.P Bele Estraga Independénsia Editoriál
-
Justisa & Krime4 days agoMI Hatun Ona Despaixu Ba Komandu Jerál PNTL Halo Investigasaun Ba Superintendente Asistente Polísia AQ
-
Justisa & Krime17 hours agoMinistériu Públika Deklara Droga 2.094 Tama Timor-Leste Liuhosi DHL Atraves Citilink
-
Defeza & Seguransa6 days agoXanana Harohan Ba Maromak ho Rai-Lulik Akompaña Forsa Tarefa Kontijente TL Apoiu Umanitária iha Filipina
-
Defeza & Seguransa4 days agoPNTL Baucau Detein Suspeitu Na’in-lima Tenta Lori Mina Tonelada 13 Hatama Ilegál Ba Indonézia
-
Defeza & Seguransa1 week agoKomisaun B Husu Fó Sansaun Bá Dirijente SNI Ne’ebé Hatama Sasán Kontra Bandu