Hatutan.com, (05 Setembru 2025), Díli— Sekretáriu Jerál Partidu FRETLIN, Mari Alkatiri,   kontente  ho novidade pozitivu kona-bá Timor-Leste bele sai membru plena  ASEAN-sigla ingles) iha loron 26 fulan-Outubru ne’e, maibé laran taridu mós tanba Timor-Leste seidauk iha  kondisaun  hanesan infrasturutra no  kapasidade administrasaun.

Lee Mós: Timor-Leste Nia Adezaun Formal Ba ASEAN Marka Ona Ba Loron 26 fulan-Outubru 2025

Eis Peimeiru-Ministru  Mari Bin Amude Alkatiri hateten,  akordu  hamuk 41  atu tama ASEAN seidauk ratifika iha Parlamentu Nasionál,  tanba ne’e nia husu  Primeiru-Ministru  Kay Rala Xanana Gusmão ho Prezidente Repúblika, José Ramos-Horta atu prepara hodi hatan  iha reuniaun sira.

Sekretáriu Jerál Partidu FRETILIN, Mari Alkatiri. Foto/Juvinal Cabral

“Bá ha’u  kontente tanba  ita tama ASEAN, maibé ha’u nia laran taridu tanba  tinan -20 resin ita prepara aan  atu tama ASEAN   ita seidauk iha kondisaun  atu tama, ne’e sé maka sala, sira ukun rai ne’e to’o tempu naruk  gasta osan atu mohu tiha ona no sira rasik   mós dehan osan sei mohu,” Mari Alkatiri hateten bá jornalista sira hafoin  remata atividade sertame iha Komite Sentrál FRETILIN (CCF), Díli, Sesta (05/09/2025).

Mari Alkatiri hatutan, tinan 20 resin ona seidauk prapra konsidaun, inklui institusionál, administrasaun laiha kapasidade, agora atu tama ona  to’o iha ne’e bá atu partisipa iha reuniaun sira, di’ak liu la bele ko’alia.

“Tanba ita ko’alia  mós sala de’it, tanba akordu 41 seidauk ratifika, tempu la sufisiente ona  tanba buat ne’e la’ós hakerek de’it ,maibé tenke hataudu estátistiku  saída, atu hakerek  de’it selu ema espesialista mai  hakerek fulan de’it halo romansa ida,” Mari Alkatiri tenik.

Nia dehan,  Timor-Leste bele tama,  maibé seidauk iha kondisaun atu tama, tanba país  balun hakarak sai kampiaun  maka lori  Timor-Leste tama ASEAN.

“Di’ak liu imi prepara aan lai atu sai kampiaun, dehan katak ami sai prezidente  ami maka atu lori Timor-Leste atu tama, ” Alkatiri hateten.

Nia fundamenta katak seidauk iha kondisaun tama ASEAN ho razaun Governu da-sia la funsiona,  ezemplu hanesan RAEOA la’o didi’ak sira bá sobu  rahun hotu. Hatene de’it  sobu maibé harii la hatene

“Agora halo Estrada boboot ha’u la hatene  atu halo saída ninian,  halo saída de’it gasta osan  de’it, osan 30% tama bolsu,  ida-ne’e maka problema,” Alkatiri dehan tan.

Iha sorin seluk  Preimeiru Ministru Kay Rala Xanana Gusmão  hatete, sei iha  akordu 41 ne’ebé  tenke konkorda, ratifika antes loron 26 fulan-Outubru  tama ASEAN.

“Ha’u informa bá  Prezidente Repúblika, ha’u koordena tiha ona ho Ministériu Negosiu Estranjeiru no Kooperasaun (MNEK) atu ko’alia ho ita nia Sekretariadu nune’e Sekretariadu ko’alia iha ASEAN katak loron 01 fulan-Outubru bá  oin, ita nia Parlamentu Nasionál sei okupadu tebe-tebes ho orsamentu,”  PM Xanana bá Jornalista hafoin remata  ekontru semanál ho Prezidente Repúblika José Ramos Horta,  iha palásíu Prezidensiál,  Kinta foin lalais ne’e.

PM Xanana  haktuir , to’o agora, Governu  submete ona  dokumentu hitu ba Parlamentu Nasionál no sei kontinua submete to’o dokumentu 14 ne’ebé obrigatóriu. Dokumentu sira ne’e tenke haree no aprova iha Parlamentu Nasionál antes submete bá ASEAN.

Nia haktuir,  deputadu sira hotu iha PN konkorda atu aprova dokumentu sira ne’e , maibé agora  sei resesu,  sei tama fali iha loron  15 to’o loron 30 fulan-Setembru. Restu dokumentu ne’ebé sei hato’o tan, Governu sei kontinua análize , maibé prosesu ida ne’e fasil.

“Ha’u informa bá Prezidente Repúblika kona-bá prosesu preparasaun ida ne’e, atu ita hotu-hotu sente klaru katak Timor-Leste sei prontu ba ASEAN,” Xanana tenik

Jornalista: Marcelino Tomae