Hatutan.com, (30 Setembru 2025), Díli— Ministru Jusitsia (MJ),  Sérgio da Costa Hornai husu Inspensaun Jerál   ba Jogu, (IGJ-sigla portugés)  tenke halo supervizaun  masímu bá jogu  online sira ne’ebé rejistu hodi hetan legalidade maibé hala’o fali atividade seluk.

Lee Mós: FRETILIN Konsidera Jogu Online Eskandalu Boot no Grave, Sosiedade Sivíl Ezije PCIC Halo Investigasaun

Operadór  jogu online ida ne’ebé rejistu iha IGJ. Foto/dok

Ministru  Sérgio da Costa Hornai  hato’o asuntu ne’e, hodi responde bá Hatutan.com kona-bá jogu online sira ne’ebé rejistadu ho atividade oin seluk, maibé hala’o fali atividade ketak.

“Sé kompañia  jogu online, rejistu naran oin seluk, maibé halo fali atividade seluk,  ha’u hanoin, IGJ  tenke hakbesik bá jogu ne’ebé rejista ona hodi deteta aktu sira ne’e,” Ministru Sergio heteten bá  jornalsita sira hafoin  partisipa reuniaun estraorinariu Konsellu Ministru iha  Palasíu Governu, Díli, Tersa (30/09/2025).

Nia hateten, sé  jogu online sira ne’e iha lisénsa no autórizasaun laiha problema, tanba  la kontra lei, maibé ida-ne’ebé halo atividade ilísitu no halo esplorasaun halo engaiñu atu  bele bá interese sira nian la selu  taxa no laiha lisénsa tenke halo médida.

Ministru Justisa, Sérgio Hornai sujere katak Hatutan.com tenke fó prioridade bá jornalizmu investigativu atu bele hetan dadus importante. Hanesan ezemplu, iha Ángola, asosiasaun jornalizmu investigativu ne’ebé funda husi oan-feto eis Prezidente Repúblika Ángola konsege deskobre modus operandi krime barak.

“Tuir esperiénsia ida-ne’e, Hatutan.com mos presiza halo traballu hanesan, maibé tenke halo ho matenek investigativu atu bele deskobre prátika ilegál sira iha rai laran,” Ministru Sérgio Hornai hateten.

Nia afirma, sé ema halo fraude atu buka osan, hanesan promesa katak sei hetan sasán, maibé ikus-ikus la to’o, depois kontaktu mós lakon, mak ne’e  maka engañu  buka hodi apresa ema seluk nia osan.

Kona-bá  lei ne’ebé maka fó dalan bá IGJ autóriza jogu online sira ne’e, tuir Ministru Sérgio Hornai katak,  iha lei kona-bá jogu hanesan bá iha atividade jogu hanesan kasino  no slot machine sira ne’ebé iha ralasionamentu bá iha  atividade jogu.

Nia dehan, Governu kualifika jogu ida-ne’ebé regular,  ida-ne’ebé maka laiha ilsítude ka la kontra lei, ida-ne’e maka sei iha admisaun,  bá jogu sira ne’ebé maka  la priénse rekizitu legálidade, konsidera kontra lei.

Nia informa, sei la kumpri  atividade  dekreitu lei sira ne’e bele   iha sansiniotóriu, entaun primeiru maka, autóridade ne’ebé maka halo admisaun,  bele halo avaliasaun  katak ema ne’e la kumpri rekejitus sira entaun Inspensaun jerál  bá jogu bele halo avaliasaun hodi hateten dehan  katak ida-ne’e la bele admite.

Kompañia ne’e halo ataividade maibé  la halo impostu no la hato’o relatóriu ida-katak  loron ida hetan rendientu hira,  nia tenta atu hetan $100,00,  maibé hetan de’it $20,00 kada loron, entaun ne’e bosok atu  bele sees aan tiha atu halo kontribuisaun bá taxa.

Membru IX Governu konstitusionál ne’e  haktuir, sempre halo reuniaun semanál ho Poslísia Siéntifiku Investigasaun Krimininál (PCIC-sigla portugés) hodi halo kontrollu no vijilánsia, no medidas prevensaun  represivu uanhira presiza.

Antes ne’e Inspektór Jerál Jogu, Anibal Carvalho Martins, haktuir Jogu online hitu mak registu ona, maibe haat  mak halao ona atividade iha Dili laran ne’ebé nia operador mak kompaña ARL Kapstaad Unip.Lda, Frandes Doutel Unip.Lda, Amizade Sentru Online Lda, ho MJX Monjuxacar Lda.

ARL Kapstaad Unip.Lda, nia fatin iha Delta besik ponte foun no nia ramu ida iha Bebonuk ne’ebé hetan lisensa operasau ndurante tinan-15.

Empreza Frandes Doutel Unip.Lda, nia fatin jogu online iha Kulu Hun, loza  Jacinto group nia oina hetan lisensa tinan-rua no  daudaun estende nia ba tinan ida de’it.

Amizade Sentru Online Lda, nia atividade jogu online iha  Sede Suku bemori nia oin no nia ramu ida rua; ida iha Fatuhada ho Metiaut, Kuluhun no mós iha Delta nia fó ona servisu ba joven 600 no  empreza MJX Monjuxacar Lda, nia fatin atividade jogu online iha Timor Plaza CBD4 ho nia ramu ida iha Delta.

Jornalista:Marcelino Tomae