Connect with us
Pakote Ahi

Ekonomia

Delegasaun TL “Nadodon” ba Dubai Viola Dekretu Governu kona-bá Viajen Estranjeiru

Published

on

Hatutan.com, (15 Outubru 2021), Balibo—Delegasaun boot hosi Timor Leste ba Expo Dubai 2020, kompostu hosi membru Governu na’in hitu (7) no pesoál apoiu sira seluk na’in 120  iha tendénsia viola Decreto do governo No. 1/2021 de 8 de janeiro. Execução do orçamento geral do estado para 2021.

Notísia iha Relasaun : Membru Governu Na’in-Hitu Lori Ema Na’in-120 ‘Nadodon tán’ ba Dubai

Timoroan balun ne’ebé tama iha delegasaun Expo Dubai abandona hela iha Aeroportu Malazia. Foto/Espsiál

Iha artigu 34 Kona-bá Rega Espesiál Relativa ho Viajen Ofisiál ba Estranjeiru  iha númeru 4 hateten, delegasaun ofisial sira labele liu ema na’in-lima ho esepsaun delegasaun sira ne’ebé akompaña Primeiru-Ministru ka delegasaun-sira ne’ebé ba ho ministériu rua no membru Govenru nian rua (As delegações oficiais não podem ter mais de cinco elementos, com exceção das delegações que acompanham o Primeiro Ministro ou no caso de delegações que incluam mais do que um membru do Governo).

Tuir dadus DSA Circular Report Reference:ICSC/CIRC/DSA/525 1/Feb/2019 mensiona katak kada pesoál ne’ebé halo vizita husi Timor Leste ba Saudi Arabia (Dubai) presiza gastu diária ho osan $392.00. Nune’e, bainhira halo soma ba membru Governu na’in hitu estadia iha Dubai hodi asiste no akompaña Expo Dubai tenke gasta $2,744.00 kada ema no total sira na’in hitu sei gasta $19,208.00.

Advertisement

Hosi sorin seluk  Estadu tenke gasta osan perdiam ba ekipa delegasaun na’in 120 kada ema simu $2,744.00 no total ema 120, maka Estadu tenke gasta total osan ba sira ida-idak durante semana ida purvolta $329,280.00.   

Informasaun seluk ne’ebé Hatutan.com asesu hosi fontes balun ne’ebé tama iha delegasaun ba Expo Dubai ne’e katak ba jornalista sira (la hatene loos sira seluk) simu perdiam ba semana ida-nian durante estadia iha Dubai hamutuk $1000.00 kada ema ka kada jornalista.

Relasiona ho delegasaun ida boot hosi TL ba Expo Dubai  ne’e ho sakrifika Dekretu Governu no Gastu orsamentu boot ne’e, Hatutan.com tenta halo konfirmasaun no  klarifikasaun hosi  Ministru Prezidensia Konsellu Ministru (MPCM),  Fidelis Manuel Leite Magalhães iha Balibo, Bobonaro, Sesta (15/10/2021). Infelizmente, Ministru Fidelis rejeita atu fó komentáriu no husu atu se bele halo konfirmasaun direita ho ministru sira ne’ebé lidera delegasaun sira ba partisipa iha Expo Dubai 2020.

“Se lei ne’e hateten nune’e, ita-boot hein ministru sira mai mak imi husu direita ba sira de’it,” Ministru Fidelis Leite Magalhães lia-tuun dehan hafoin partisipa iha audiénsia publika ho sobrevivente Balibo  hodi komemora trajédia  Balibo ba dala-46 (16 Outubru 1975-16 Outubru 2021). 

Membru Governu na’in-hitu (7) ne’ebé dezloka ho ekipa mak hanesan, Ministru Koordenadór Asuntu Ekonómiku (MKAE), Joaquim Amaral, Ministru Petróleu no Minerais (MPM), Víctor da Conceição Soares,  Ministru Transportes no Komunikasaun (MTK), José Agostinho da Silva, Ministru Agrikultura no Peska (MAP), Pedro dos Reis, Ministru Turízmu Komérsiu no Indústria (MTKI), José Lucas do Carmo da Silva, Vise Ministru Negósiu Estranjeiru no Kooperasaun (MNEK), Juliăo da Silva no Vise Ministru Turizmu Komérsiu no Indústria (MTKI), Domingos Lopes Antunes.

Advertisement

Delegasaun Balun Abandona iha Malázia

Hosi sorin seluk, informasaun ne’ebé Hatutan.com simu hosi membru delegasaun ne’ebé ba partisipa Expo Dubai informa katak bainhira delegasaun, kompostu hosi membru Governu na’in-hitu no pesoál seluk na’in-120 ne’e   abandona hela iha Aeroportu Malázia nian. Nune’e, membru Governu sira ho emprezáriu balun ba tiha deskansa iha otél no sira seluk abandonadu iha Aeroportu laran de’it hodi hein.

Fontes informasaun ne’ebé rejeita publika nia identidade ne’e informa mós katak posivel boot Timoroan na’in hitu hosi delegasaun ne’e hetan deporta fali-mai Timor Leste.

TVE lakontente

Diretór Ezekutivu  Televizaun Edukasaun Timor (TVET), Armindo Crisna Caetano, espresa nia lakontente ho Koordenadór Jerál  Expo Dubai 2020, Manuel Vong, ne’ebé teki-teki de’it kansela Jornalista TVET nian iha Aeroportu Prezidente Nicolau Lobato ne’ebé hein de’it atu arranka ba ho delegasaun sira ba Dubai.

Advertisement

Liuhosi nia kronolojia Facebook Acrisna Sacramento, na’in ba TVET ne’e sita nia espresaun triste no lamenta tebes  ba desizaun Manuel Vong nia desizaun no kestiona profisionalizmu serbisu hodi lidera no reprezenta   Timor-Leste partisipa iha Expo Dubai.

“Dr. Manuel Vong…Itaboot  tenke esplika ba  públiku razaun kanselamentu Viajen Jornalista TVE, Ezequiel das Neves,  minutu ikus iha Aeroportu Internasionál Nicolau Lobato molok atu sa’e  Aviaun, iha loron 14 Outubru 2021,” Armindo Crisna riska iha nia konta Facebook.

Nia klarifika katak Jornalista TVET, Ezequiel das Neves nia partisipasaun iha Expo Dubai liuhusi prosesu naruk no nia kontribuisaun ba kobertura servisu ANED nian no atividade Pre -Expo Dubai Iha Timor Leste dala-barak no Manuel Vong rasik hatene no akompaña beibeik  tanba Manuel Vong nia oin no serbisu mak loron-loron sai husi media televizaun.

“Ha’u triste tebes Ita-Boot nia hahalok no desizaun ne’e, nu’udar Koordenadór Jerál ba Expo Dubai la merese aplika atitude ne’e, ha’u konsidera hahalok ne’e prátika diskriminasaun hasouru  Jornalista liu-liu  media sira ne’ebé eziste iha TL  inklui TVET, Ha’u konsidera desizaun  Komisaun Expo Dubai hasoru Jornalista Ezequiel das Neves laiha responsabilidade tanba kanselamentu   Partisipasaun Jornalista TVET iha Aeroportu Nicolau Lobato iha minutu ikus atu sa’e  aviaun,” Armindo Crisna afirma.

Nia afirma tan, jornalist TVET, Ezequiel das Neves, prienxe rekizitu nia hatudu ona ba ANED durante atividade Pre Expo Dubai iha TL no rezultadu teste Covid-19 husi Ministériu Saúde hatudu negativu,  valete viajen Díli-Dubai, Dubai-Díli komisaun prepara ona antes.

Advertisement

Jornalista Ezequiel Das Neves, naran sai iha lista nu’udar Media Ofisial Reprezenta Timor-Leste  iha Media Center Expo Dubai nian antes no simu ona osan Perdiam  durante halo kobertura iha Dubai husi komisaun ho montante $1000.00 ba semana ida iha Dubai.

Jornalista : Vito Salvador

Kontinua Le'e
Advertisement
Hakarak Hato'o Komentariu?

Husik Hela Komentariu

Your email address will not be published. Required fields are marked *

Ekonomia

Rezultadu Survey Orsamentu Nakloke 2023: Progresu Sei Posivel Bainhira Hadi’ak Transparénsia no Partisipasaun Públiku iha Prosesu Orsamentál

Published

on

Hatutan.com, (14 Juñu 2024), Díli–Dezde 2020 ba 2022, Timor-Leste la konsege hatudu mudansa signifikativu iha valór transparénsia – hirak ne’e hotu relasiona ho desizaun Governu nian kona ba orsamentál – Taxa ne’ebé presiza rekolla, servisu saida mak tenke fornese, empréstimu hirak mak sai hanesan obrigasaun atu selu. Preokupasaun hirak ne’e iha konsekuénsia importante ba ema hotu iha sosiedade. Bainhira governu fornese informasaun no fó sai liu husi kanál ne’ebé hakerek iha lian ne’ebé ema hotu bele komprende no asesu hodi atualiza ba polítika sira ne’ebé governu estabelese hodi asegura katak osan povu nian gasta duni ba interese povu nian.

(more…)

Kontinua Le'e

Ekonomia

Nova Zelándia Kontinua Apoia TL iha Área Edukasaun-Turizmu

Published

on

Hatutan.com, (12 Juñu 2024), Díli—Vise Primeiru Ministru Nova Zelándia, Winstons Peters komprometidu atu kontinua fó apoiu Timor-Leste (TL), iha seitór edukasaun no turizmu.

(more…)

Kontinua Le'e

Ekonomia

MTK Suspende Operasaun Berlin Nakroma no Substitui husi Ró Success

Published

on

Hatutan.com( 11 Juñu 2024), DíliMinistériu Transporte no Komunikasaun (MTK) liuhusi Diresaun Nasionál Transporte Maritima (DNTM) haruka ona karta bá  Autoridade Portuáriu  Timor-Leste, Institutu Públiku  (APORTIL,I.P)  suspende operasaun ró Berlin Nakroma bá konektividade Díli-Ataúro tanba iha problema tékniku no presiza halo manutensaun ka docking.

(more…)

Kontinua Le'e
Advertisement

Trending