Connect with us
Pakote Ahi

Baucau

Lú-Olo Orgullu TL La Rejista Ona Timoroan Mate Ho COVID-19

Published

on

Hatutan.com, (28 Novembru 2021), Baucau-Prezidente Repúblika (PR), Francisco Guterres “Lú-Olo” orgullu  tanba tuir dadus hosi Ministériu Saúde (MS) katak, to’o oras ne’e Timor-Leste la rejista tán ona Timoroan moras no mate ho Covid-19.

Notísia iha Relasaun: Lú-Olo Husu Taur Kontinua Aselera Kampaña Vasinasaun

PR “Lú Olo” dehan, liuhosi dadus ne’ebé iha, hatudu katak TL konsege hamenus númeru infetadu ka mate tanba governu implementa lalais vasina hasoru virus Covid-19 iha rai doben TL. 

Advertisement

PR Lú-Olo tau máskara ba veteranu ida iha serimónia kondekorasaun ba Timoroan sira ne’ebé kontribui ba Luta Independénsia iha ámbitu komemorasaun loron proklamasaun independénsia ba dala-46 iha Aldeia Darasula, Suku Gariuai, Postu Administrativu Baucau Vila, Munisípiu Baucau, 28 Novembru 2021. Foto/Mídia PR

“Ho kontente mak ita simu informasaun husi Ministériu Saúde  katak husi loron 1 fulan-Novembru 2021 to’o loron 25 fulan-Novembru, la iha rejistu ofisial ema ruma mate ho Covid-19. Ofisiálmente, la iha ona ema simu tratamentu espesializadu tanba Covid-19,” Prezidente Repúblika (PR), Francisco Guterres “Lú-Olo”, hateten liuhosi diskursu iha serimónia loron Proklamasaun Independénsia ba dala-46 (28 Novembru 1975-2021) ne’ebé konsentra iha Aldeia Darasula, Suku Gariuai, Postu Administrativu Baucau Vila, Domingu (28/11).

Tuir dadus, oras ne’e populasaun TL, ne’ebé ho otas liu 18 to’o  56 % (ema  liu 425 mil) mak simu ona doze kompleta vasina, no liu 80% (ema liu 600 mil)  mak simu doze dahuluk.  Populasaun Baucau liu 50%  simu ona doze kompleta no maioria boot  81 % mak simu ona doze dahuluk.

Tuir Lú-Olo vasina sai hanesan meiu prevensaun ida di’ak liu atu ema hotu hasees aan husi moras todan ka mate ho Covid-19. Maske populasaun sira simu ona vasina, maibé medida sira kona-bá prevensaun nian, tenke fase -iman beibeik, uza máskara no hadook-an husi ema metru ida tanba virus Covid-19 fila an tiha ona no mosu ona variante oioin.

Dadus hosi Organizasaun Mundiál Saúde mós fó sai katak, iha país barak iha Europa moras Covid-19 hahú fali ona, inklui iha Portugal, ne’ebé kada loron rejista kazu to’o rihun tolu. Tanba moras ne’e mosu ho variante oioin, maka país balun foti ona medida obrigatória sira hanesan uza máskara, aprezenta kartaun vasina ka teste negativu PCR bainhira viajen ho aviaun ka tama iha fatin públiku sira.

Atu haforsa imunidade hasoru virus Covid-19 no ninia variante sira ne’e, iha país balun, inklui Portugal,  oras ne’e hahú ona fó vasina doze datolu no bele deklara tán estadu kalamidade.

“Haree ba situasaun alerta iha País sira seluk, Prezidente Repúblika apela ba populasaun tomak atu simu vasina lalais, uza máskara beibeik, fase-lima no hadook-an malu nafatin,” Lú-Olo, fó hanoin.

Advertisement

Prezidente Repúblika promulga ona mós proposta alterasaun dahuluk ba Lei Sistema Saúde 2004, ne’ebé hato’o husi Parlamentu Nasional, atu entidade relevante sira iha kbiit atu hatán di’ak liu ba ezijénsia no nesesidade atu proteje saúde públika.

Lei ne’e adota mós medida exesionál no temporáriu atu hasees moras Covid-19 da’et bá-mai, ne’ebé sei aplika   iha   prazu  fulan  haat, loron 120  nia laran. Medida sira ne’e bele hatutan, karik presiza, atu nune’e labele halo estadu emerjénsia beibeik.

Lú-Olo dehan, Governu sei akompaña nafatin situasaun Covid-19 iha rai-laran no haree sá medida mak tenke foti.  Karik mosu situasaun grave  tebes ne’ebé ezije suspensaun direitu sira konstitusionál nian, Governu  bele propoin Estadu  Emerjénsia ba Prezidente Repúblika atu tetu no deside husu ka la husu autorizasaun ba Parlamentu hodi deklara Estadu Emerjénsia.

Pandemia Covid-19 hatudu TL nia parte fraka, maibé loke mós neon atu ema hotu-hotu buka dalan foun  ba oinsá mak bele hadi’ak lalais ekonomia, oinsá hamenus dezigualdade sosiál entre ema, oinsá mak ema hotu-hotu, feto no mane, bele iha asesu hanesan ba edukasaun, servisu saúde no oportunidade servisu.

“Oinsá hothotu bele iha asesu ba moris iha uma di’ak ida ho bee, eletrisidade, no kondisaun bázika sira seluk, oinsá garante seguransa alimentár ba Povu tomak, oinsá  hasa’e produsaun  lokál ho  kualidade  atu Timor-Leste bele  kompete ho susesu iha merkadu internasionál,  oinsá hala’o dezenvolvimentu  ida ne’ebé proteje mós meiu-ambiente  ba  jerasaun ohin loron no aban bairua. Tanba hirak ne’e mak sai mata  dalan polítiku ne’ebé hakerek iha artigu 6 Konstituisaun RDTL,” Lú-Olo afirma.

Advertisement

Jornalista: Rogério Cárceres

Kontinua Le'e
Advertisement
Hakarak Hato'o Komentariu?

Husik Hela Komentariu

Your email address will not be published. Required fields are marked *

Baucau

Komunidade Uma-Kain 60 iha Uma-Ana-Iku Triste ho Atitude Autoridade BTL,E.P Baucau Tesi-Kotu Kanu Distribuisaun Bee-Moos bá Sira

Published

on

Hatutan.com, (23 Janeiru 2024), Baucau-Komunidade uma-kain 60 ne’ebé horik iha área Uma-Ana-Iku, Suku Bahu, Postu Administrativu Baucau Vila, Munisípiu Baucau, lamenta no triste ho atitude Diretora Bee Timor-Leste, Empreza Publika (BTL,E.P) Munisípiu Baucau, ne’ebé ho ‘arrogánsia’ tesi-kotu kanu distribuisaun bee-moos bá sira-nia horik fatin, Segunda (22/01/2024).

(more…)

Kontinua Le'e

Baucau

MS Kontinua Implementa Servisu Integradu Saúde Iha Baucau

Published

on

Hatutan.com (24 Novembru 2023), Baucau—Ministeriu Saúde (MS) liu hosi programa servisu integradu saúde kontinua koordena ho liña sektorais iha sentru saúde sia (9)  iha munisipu Baucau.

(more…)

Kontinua Le'e

Baucau

Sentru Saúde Quelicai Enfrenta Problema Barak-liu

Published

on

Hatutan.com (24 Novembru 2023), Baucau— Sentru Saúde iha Postu Admistrativu Quelicai, munisípiu Baucau enfrenta problema barak liu.

(more…)

Kontinua Le'e

Trending