Connect with us
Pakote Ahi

Nasionál

MAPKOMS Halo Ona Pagamentu 90% Ba Projetu Set-top Box RTTL,E.P

Published

on

Hatutan.com, (03 Fevereiru 2022), Dili—Ministériu Asuntu Parlamentár no Komunikasaun Sosiál (MAPKOMS)  halo ona pagamentu 90% ka ho montante orsamentu $899,981.72  ba kompañia  DILI ENTERNAL INNOVATION INFORMATION, Lda ne’ebé ezekuta projetu instalasaun  Set-top Box/dexodificador Rádiu Televizaun Timor Leste, Empreza Públiku (RTTL,E.P).

Notísia iha Relasaun: Projetu Instalasaun Set-top Box RTTL,E.P, Gabinete Inspesaun MAPKOMS Seidauk Iha Informasaun Kona-bá Irregularidade

Set-top Box/ dexodificador RTTL,E.P ne’ebé rai de’it iha Sede Suku Fatuhada, Dili. Foto/Hatutan.com

Projetu instalasaun Set-top Box/dexodificador RTTL,E.P ne’e, deskonfia Ministériu Asuntu Parlamentár no Komunikasaun Sosiál (MAPMKOS) estabelese kontratu direta ho DILI ENTERNAL INNOVATION INFORMATION, Lda, ho nia valor orsamentu $900,000.00. Nune’e, kustu ba instalasaun kada Set-top Box/dexodificador RTTL,E.P $30.00 ba benefisiáriu  kada uma-kain  hamutuk 30.000 (rihun tolu-nulu) iha Dili, Liquiça, Ermera ho Manatuto.

Fontes besik iha Diresaun Finansa MAPKOMS nian ne’ebé lakohi publika nia identidade informa  ba Hatutan.com, iha Dili, Tersa (01/02/2022), katak pagamentu ba projetu Set-top Box/dexodificador RTTL,E.P hala’o tiha ona ba dala-tolu, maka hanesan  pagamentu dahuluk ho montante $224,995.42, pagamentu daruak nian $224,995.43 no pagamentu ba datoluk nian hala’o iha fulan-Dezembru 2021 ho montante $449,990.86.

Advertisement

“Agora hela de’it ona orsamentu retensaun 10% ka hela de’it ona osan ho montante purvolta $89,098.72,” fontes iha Diresaun Finansa MAPKOMS nian ne’e informa. 

Notísia iha Relasaun: Deskonfia, MAPKOMS Nu’udar Prezidente FFTL Fó Projetu iha RTTL,E.P Ba Sekretaria FFTL

Fontes konfirmadu hosi Finansa MAPKOMS  nian ne’e informa mós karak, pagamentu husi etapa dahuluk to’o datoluk ne’e liuhusi konta bankária   empreza   DILI ENTERNAL INNOVATION INFORMATION, Lda, ho númeru TL3800201420225610xxxxx.

Hosi sorin seluk, Diretór Finansa MAPKOMS, Adriano Monteiro,  mós konfirma katak pagamentu ba  projetu  instalasaun Set-top Box/dexodificador RTTL,E.P atinje ona 90% no hela 10% (retensaun) tamba sei iha manutensaun no karik balun seidauk instala presiza instala tan ka balun ne’ebé instala ka monta mak la sai presiza hadi’a di’ak liután.

Diretór Finansa MAPKOMS ne’e esplika, tuir lei ezekusaun transferénsia pagamentu ba projetu Set-top Box/dexodificador RTTL,E.P ne’e liuhusi faze tolu no iha kada faze ne’ebé Governu selu ba empreza exekutór bazeia ba relatóriu progresu servisu ne’ebé empreza halo no tuir mós ho inspesaun ne’ebé ministériu halo iha terrenu.

Advertisement

Diretór Finansa MAPKOMS, Adriano Monteiro. Foto/Hatutan.com

Ba Hatutan.com iha nia servisu fatin iha Palaçio do Governo, Kuarta  (02/02/2022), Adriano Monteiro esklarese katak prosesu instalasaun Set-top Box/dexodificador RTTL,E.P ne’e to’o agora sei la’o hela  (on going) nune’e relasiona ho preokupasaun no lamentasaun sira ne’ebé komunidade sira iha liga ho instalasaun Set-top Box/dexodificador RTTL,E.P ne’ebé seidauk monta no balun monta ona, maibé la sai, MAPKOMS nafatin nakloke atu simu karta husi komunidade no autoridade lokál sira, atu nune’e, MAPKOMS bele orienta empreza ba halo instalasaun ka re-instalasaun ba Set-top Box/dexodificador RTTL,E.P ne’ebé seidauk monta.

Notísia iha Relasaun: CAC Investiga Hela Instalasaun Set-top Box RTTL, E.P Ne’ebé Nakfilak Projetu “Fahe” De’it

“Se karta ruma reklamasaun mai iha ministériu, ami prontu fasilita ita boot sira hodi orienta empreza ne’e tuir akordu retensaun ne’ebé iha,” Adriano Monteiro hateten.

Nia hatutan, faze retensaun to’o iha fulan-Maiu 2022, nune’e parte MAPKOMS sei hein atu empreza bele finaliza nia servisu sira ne’ebé seidauk hotu molok kompleta pagamentu 100%.

Ministru Asuntu Parlamentár no Komunikasaun Sosiál  (MAPKOMS), Francisco Martins da Costa Pereira Jerónimo, ne’ebé Hatutan.com konfirma direita iha loron 19 fulan-Janeiru 2022, iha Palásiu Governu,  hafoin reuniaun Konsellu Ministru, katak projetu ne’e remata ka termina ona tamba ne’e buat hotu liuhusi dalan legál.

Notísia iha Relasaun: Iha Vila Verde, Set-top Box RTTL,E.P Rai De’it iha Sede Suku

Advertisement

Iha Orsamentu Jerál Estadu tinan fiskál  2021, MAPKOMS hetan rubrika transferénsia publika ho montante $3,093,528.00 no husi orsamentu ne’e inklui ona osan ho montante $900,000.00 hodi finansia ba projetu  instalasaun Set-top Box/dexodificador RTTL,E.P  hamutuk 30.000 (rihun tolu nulu) ba komunidade iha Munisípiu Dili, Liquiça, Ermera ho Manatuto.

Set-top Box/dexodificador RTTL,E.P ne’ebé komunidade fó fila hodi rai deit iha Sede Suku Fatuhada, Dili. Foto/Hatutan.com

Projetu instalasaun Set-top Box/dexodificador RTTL,E.P ho nia valor orsamentu $900,000.00 ne’ebé Ministru Asuntu Parlamentár no Komunikasaun Sosiál (MAPKOMS), Francisco Martins da Costa Pereira Jerónimo, estabelese ho empreza DILI ENTERNAL INNOVATION INFORMATION, Lda, deskonfia iha indísiu Korrupsaun, Koluzaun no Nepotizmu (KKN)  tanba  Ministru Francisco Martins da Costa Pereira Jerónimo, hanesan mós Prezidente Federasaun Futebol Timor Leste (FFTL) estabelese kontratu projetu refere ba fali nia sekretaria Gabinete Prezidente FFTL,  Melánia da Silva Fernandes Capela. 

Notísia iha Relasaun: AJAR Husu CAC ho MP Sériu Investiga Projetu Set-top Box RTTL,E.P

Dokumentu komprovativu (Certidão do Registo Comercial) hosi SERVE,I.P  ne’ebé Hatutan.com asesu hatudu katak empreza DILI ENTERNAL INNOVATION INFORMATION, Lda, nu’udar sósiu ka shares husi Fan Yuanxiang, natural Hunan-Xina ho nasionalidade Xina no Melánia da Silva Fernandes Capela, timor-oan ne’ebé hala’o mós serbisu loron-loron nian hanesan Sekretaria iha Gabinete Prezidente Federasaun Futeból Timor Leste (FFTL), Francisco Martins da Costa Pereira Jerónimo, atuál MAPKOMS.

Projetu instalasaun Set-top Box/dexodificador  RTTL,E.P ne’e deskonfia MAPKOMS halo selebrasaun kontratu ho empreza DILI ENTERNAL INNOVATION INFORMATION, Lda, ne’ebé Melánia da Silva Fernandes Capela, nu’udar Sekretaria Prezidente FFTL nian, nu’udar mós share ka sósiu iha empreza ne’e ho persentajen sósiu  40% ($4.000,00).

Iha Tersa (01/02/2022), tuku 09:30 Otl, Hatutan.com kontinua liga telefone ba Melánia da Silva Fernandes Capela, atu bele marka audiénsia. Infelizmente, la’ós Melánia maka foti telefone, maibé nia feto-maluk seluk mak atende telefone hodi dehan, Melánia sei sai hela.   

Advertisement

“Lea, lae, mana Melania iha li’ur hela. Bele hatene ita husi ne’ebé? Kona-bá saida atu ko’alia ho Melánia,”  mana ida ne’ebé simu telefone ne’e lia tun dehan.

Notísia iha Relasaun: Komunidade Guisu Konsidera Projetu Set-top Box RTTL,E.P “Laiha Benefísiu”

Nune’e Hatutan.com aprezenta an hodi dehan mós objetivu telefone atu marka audensia ho Melania hodi halo entrevista no buka hatene diresaun edifísiu loloos  empreza DILI ENTERNAL INNOVATION INFORMATION, Lda, atu bele ba hasoru jerente sira ne’ebé kompeténsia atu halo entrevista kona-bá projetu instalasaun Set-top Box/ dexodificador RTTL,E.P.

Rona tiha lia-hirak ne’e,  feto maluk Melánia nian ne’e husi tenik, “ne’e husi ne’ebé maun.” No Hatutan responde hodi dehan, “Ami husi Hatutan.com”.

“Ok, mana Melánia mai maka fó hatene hodi liga fali ba ita,”  tenik feto maluk ne’e. Iha fali tuku 10:20 Otl, Hatutan.com liga fali ba Melánia nia númeru telefone, infelizmente Melánia la simu ona telefone. Nune’e, iha Kuarta (02/02/2022), Hatutan.com kontinua liga ba númeru telefone Melánia nian, maibé la simu ona telefone.  

Advertisement

Jornalista: Vito Salvadór

 

 

Advertisement

Nasionál

Konstrusaun Altar Misa ho Papa Francisco Atinje 80%, Sekretariadu Komisaun Altu Nível iha Motael

Published

on

Hatutan.com, (19 Abríl 2024), Díli—Projetu konstrusaun altar misa hamutuk ho Papa Francisco iha Tasi-tolu, oras ne’e daudaun atinje ona 80%.

(more…)

Kontinua Le'e

Nasionál

KSTL Organiza Asaun Pasífiku Ezije Governu Hasa’e Saláriu Mínimu $115 bá $150

Published

on

Hatutan.com, (19 Abríl 2024), Díli – Konfederasaun Sindikatu Timor-Leste (KSTL) organiza asaun pasifika  da-uluk iha Díli  hodi  ezije Governu hasa’e saláriu mínimu  $115 bá  $150.

(more…)

Kontinua Le'e

Nasionál

Kandidatu Na’in-41 Sei Kompete iha Eleisaun Suku 10

Published

on

Hatutan.com, (18 Abríl 2024), Díli—Totál kandidau ne’ebé admitidu bé 𝐄𝐥𝐞𝐢𝐬𝐚𝐮𝐧 𝐎𝐫𝐠𝐚𝐮𝐧 𝐒𝐮𝐤𝐮 𝟐𝟎𝟐𝟒, ne’ebé sei realiza iha loron 27 fulan abril tinan ne’e hamutuk na’in-41, kompostu hosi 𝐌𝐚𝐧𝐞-𝟑𝟗 𝐧𝐨 𝐅𝐞𝐭𝐨-𝟐.

(more…)

Kontinua Le'e
Advertisement

Trending