Justisa & Krime

Funsionáriu Tezouru Imigrasaun Simu Pena Prizaun Tinan Lima

Published

1 year ago

07/02/2022

Hatutan.com (07 Fevereiru 2022), Díli—Tribunál Distritál Dili (TDD) liu hosi leitura sentensa ne’ebé lee hosi juiz kolektivu Alvaro M. Freitas, Evangelino Bello, José Gonçalves, deside aplika pena prizaun efetivu tinan lima ba Funsionáriu Tezouru rekolla taxa Diresaun Nasionál Polísia Imigrasaun, arguidu Jerónimo António Freitas ba krime pekulatu relasiona ho rekollamentu taxa ne’ebé fó prezuizu ba Estadu ho montante $13.200.

Tribunal Distrital Dili. Foto/Hatutan.com.

Julgamentu ne’ebé hala’o iha Tersa 07 fulan ne’e, Tribunál mós deside arguidu tenki selu indemnizasaun ba Estadu ho montante $12.000 no arguidu la selu kustu judisiáriu, tanba hetan asisténsia hosi Defensór Públiku.

Notisia iha Relasaun:MP Alega Funsionáriu Imigrasaun ho Pena Prizaun Tinan Tolu

Razaun Tribunál aplika pena ne’e, tanba konsidera faktus provadu katak arguidu fa’an formuláriu rekolla taxa nian ba ema estranjeiru, inklui Timor oan no osan hirak ne’e balun atu atende servisu imigrasaun no balun arguidu utiliza ba interese privadu maske arguidu nega katak la uza ba interese privadu.

Provadu mós katak, osan hirak ne’e arguidu la depozita ba kofre Estadu, maibé hodi responde fali ba nesesidade servisu hanesan sosa pulsa, enxe mina ne’ebé laiha termu de entrega no resivu no tuir loloos arguidu labele halo tanba kada tinan Governu aloka orsamentu liu hosi Orsamentu Jerál Estadu ba instituisaun ne’e.

Tribunál konsidera arguidu nia justifikasaun katak, durante arguidu rekolla taxa iha portu entrada liu-liu iha Díli, arguidu konsege depozita de’it $1.200 ba kofre Estadu.

Parte Defeza, Jonas Henrique sei ko’alia ho arguidu hodi hatama rekursu ba TR atu hatún pena ne’ebé Tribunál aplika ba nia kliente, tanba arguidu katuas ona.

Antes ne’e, Ministériu Públiku akuza arguidu ba prátika krime pekulatu ne’ebé previstu iha artigu 295 hosi kódigu penál Timor-Leste, relasiona ho rekollamentu taxa ba kofre Estadu iha kada pontu entrada sira hanesan aeroportu Díli, Portu Díli, Batugade, Salele, Aeroportu Suai no Sakato-Oé-Cusse ne’ebé fó prezuizu ba Estadu ho montante $13.200.

Audiénsia julgamentu ne’e prezide hosi juiz koletivu Alvaro M. Freitas, Evangelino Belo, José Gonçalves, MP reprezenta hosi Prokuradora Lídia Soares no arguidu hetan asisténsia legál hosi Defensór Públiku Jonas Hendrique.

Jornalista: Carmelita Isaac

Tópiku RelasionaduImigrasaun MP TDD

Tuir Mai

Privatiza Kustu Judisiáriu, TDD Julga Ofisiál Justisa Tribunál Distritál Oe-cusse

Le'e Mos

TR Verifika Hela Dokumentu Kandidatu Prezidente Repúblika Na’in-17

Kontinua Le'e

Hakarak Hato'o Komentariu?

Justisa & Krime

Kazu Culau, FL Tama Prizaun Preventiva

Published

2 days ago

22/03/2023

Cipriano Colo

Hatutan.com, (22 Marsu 2023), Díli—Tribunál Justisa bá Primeiru Interrogatóriu Judisiál (TJPIJ) deside aplika medida koasaun Prizaun Preventiva bá arguidu ho inisial FA, tanba iha indísiu forte bá kazu krime ne’ebé akontese iha área Culau, Suku Becora, Postu Administrativu Cristo Rei, Dili, Domingu (19/03/2023).

(more…)

Kontinua Le'e

Justisa & Krime

Kazu Culau-Becora, Suspeitu Na’in-Ualu

Published

3 days ago

21/03/2023

Francisco Belo Simoes

Hatutan.com, (21 Marsu 2023), Díli-Polísia Nasionál Timor-Leste (PNTL), Segunda (20/03/2023), hale’u tuku 21:12 Otl, kaptura no detein tán ona suspeitu na’in-ualu (8), kompostu hosi mane na’in-hitu (7) ho feto na’in-ida (1).

(more…)

Kontinua Le'e

Justisa & Krime

Ramos-Horta Husu Ministériu Públiku Hala’o Knar ho Independente

Published

2 weeks ago

13/03/2023

Francisco Belo Simoes

Hatutan.com, (13 Marsu 2023), Díli- Prezidente Repúblika (PR), José Ramos-Horta husu atu Ministériu Públiku (MP) hala’o nia knar ho independente no tenke iha autonomia rasik hodi labele monu bá intervensaun polítika.

(more…)

Kontinua Le'e