Connect with us
Pakote Ahi

Divertimentu

Marvi Ofisialmente Lansa Múzika “Iluzaun”

Published

on

Hatutan.com, (11 Fevereiru 2022), Díli—Kantora foinsa’e Timoroan Maria Vitória ne’ebé koñesidu  ho naran estimada no naran palku nian “Marvi”, ofisialmente lansa ona ninia múzika single dahuluk iha Timor-Leste ho títulu Iluzaun, iha Sesta 11 Fevereiru.

Artista Maria Vitória “Marvi”. Foto/Timor Furak.

“Ha’u hakarak espresa sentimentu ksolok ne’ebé labele deskreve ho liafuan, tanba loron ne’e mak loron ne’ebé ha’u hein durante tinan neen nia laran. Ho grasa Na’i Maromak nian no tulun hosi ema di’ak lubuk ida, ohin ha’u bele lansa ha’u-nia múzika  dahuluk ho títulu Iluzaun,” Hatutan.com sita espresaun Maria Vitória “Marvi”, iha komunikadu.

Durante tinan-neen (6) nia laran kantora foinsa’e timoroan ne’e halo esforsu oioin, oinsá iha tempu ida bele iha nia múzika rasik.

Felizmente, ohin loron, konsege lansa duni múzika ida ne’ebé nia rasik mak prodúz hodi hakonu espetativa ne’ebé durante nia iha.

Advertisement

“Lansamentu múzika ida ne’e liu hosi prosesu naruk. Durante tinan neen ha’u la konsege hasai ha’u-nia múzika rasik. La’ós ha’u lakohi, maibé iha kondisaun no razaun balun ne’ebé la fó dalan duni atu halo single rasik,” Marvi haktuir.

Razaun boot ne’ebé motiva Marvi hodi lansa múzika ne’e, tanba bainhira iha 2018, partisipa iha The Voice Portugál, partisipante hotu inklui nia rasik asina kontratu ida katak The Voice Portugal mak sei prodúz single ka múzika ba manán-na’in no sira proibidu atu hasai single rasik.

“Tanba ha’u mak sai manan-na’in ba The Voice Portugal tinan 2018, entaun ha’u no ha’u-nia management tenke kumpri kontratu. Ami konsege halo komunikasaun ho Universal Music Portugal atu deskuti hamutuk kona-bá produsaun múzika ne’e, maibé to’o kontratu ne’e hotu iha tinan 2020 mós, ha’u seidauk hetan single ne’e,” Marvi konta-tuir.

Maske nune’e, hosi Marvi nia parte rasik labele fó razaun ne’ebé kle’an, tanba dala-ruma sira mós iha sira-nia razaun rasik.

Pandemia Covid-19 mós razaun ida ba Marvi la hasai single iha tinan kotuk, maski kontratu ho The Voice Portugál termina ona.

Advertisement

Marvi konsidera ne’e la’ós fallansu, maibé prosesu ida atu halo nia aprende barak liu tán, hodi bele sai maduru.

Nia rasik, konsidera katak, situasaun ne’e mosu, la dezanima, maske simu bully barak hosi netizen sira, katak nu’udár kantora ida ne’ebé seidauk iha múzika rasik, kantóra cover, no seluk tán.

Hanesan artista, konserteza nia hatene konsekuénsia sai figura públiku mak ida ne’e, no  espera liu hosi konferénsia imprénsa ne’e, maluk sira bele hatene razaun tanba sáida mak durante tinan barak ne’e  seidauk hasai single múzika no bele hananu de’it múzika ema seluk nian.

Agradese nafatin no kontinua fiar katak loron Marvi sei bele prodúz ha’u-nia múzika rasik no loron ne’e ohin to’o mai duni ona.

Ho lansamentu múzika ne’e, Marvi agradese ba nia aman António Borges, no inan Cristina da Costa (matebian) no ba família tomak ne’ebé durante apoia ona nia.

Advertisement

Agradese ba nia sponsór sira ne’ebé tulun hahú iha produsaun múzika, vídeo clip to’o eventu lansamentu ida ne’e bele realiza mak hanesan, Premiadu Nobel ba Pás, José Manuel Ramos Horta, Jorge Serano, Novu Turizmu, El-Legendário, GMN-TV, Persissos, FoneHause (Nike TL Sports), Hau Timor, Flodova Falma, Fundação Cristál.

Alende ne’e, kompañia telekomunikasaun Timor Telecom, Telcomcel, East Timor Tradding + Yellow Tail, Zeal Unipessoal Lda, Bintang, Limos, Timor Furak, Klan, NT Tekstile, Rui Collection, Elizabeth House of Beauty, Jilo Exposto, Fabs Nail and Beauty, ACCCTO.

Agradese mós ba nia team Management, jestora, liuhosi Jessica no ekipa sira ne’ebé mak sempre hamutuk luta ho nia iha situasaun saida de’it. Ba jestóra anteriór, Ana Gomes ne’ebé hanorin no akompaña Marvi dezde sei ki’ik to’o prestasaun lubuk ida.

“Mimi, karik asisti sesaun ida ne’e, ha’u atu dehan katak di’ak tomak ha’u sei la haluha,” Marvi agradese.

Artista foinsa’e Timoroan ne’e, agradese mós ba iDo events, tanba ho dedikasaun, enérjiku no semangat tebes tulun organiza programa lansamentu ne’e. Ba Marvilovs sira hotu, no ema hotu ne’ebé Marvi labele temi ba ida-idak.

Advertisement

“Karik ha’u haluha, husu perdaun. Ikus mai, ha’u espera múzika Iluzaun bele fó ksolok imi. Nune’e bele motiva ha’u atu prodúz múzika di’ak sira iha tempu tuir mai,” Maria Vitória subliña.

Jornalista: Rogério Pereira Cárceres

Kontinua Le'e
Advertisement
Hakarak Hato'o Komentariu?

Husik Hela Komentariu

Your email address will not be published. Required fields are marked *

Divertimentu

Governu Sei Dijitaliza Jogu Lotaria Popular

Published

on

Hatutan.com, (14 Marsu 2024), Díli— Realidade ohin loron, jogu lotaria popular ka SDSB (Sumbangan Dana Sosial Berhadiah) domina iha territóriu Timor-Leste tomak ho mekanizmu fa’an kupon manual.

(more…)

Kontinua Le'e

Divertimentu

Family Time: Raul Lemos Boyong Krisdayanti, Amora dan Kellen ke Pulau Jaco

Published

on

Hatutan.com, (05 Oktober 2023 ) Lospalos– Kesibukan sehari-hari seorang Raul Lemos dan sang diva pop Indonesia Krisdayanati atau KD bukan menjadi alasan untuk tetap meluangkan waktu untuk keluarga (family time).

(more…)

Kontinua Le'e

Divertimentu

Krisdayanti dan Keluarga Cicipi Sensasi Ikan Bakar Obrato-Manatuto

Published

on

Hatutan.com, (04 Oktober 2023), Manatuto–Menikmati kuliner di pinggir jalan memang menawarkan sensasi tersendiri. Selain harganya yang murah meriah, tak jarang rasa masakannya tak kalah lezat dengan makanan di restoran-restoran mewah dan berbintang.

(more…)

Kontinua Le'e
Advertisement

Trending