Connect with us

Divertimentu

Sakrifisiu Labarik Sira iha Mota Comoro Refleta iha Filme Tatiana

Published

on

Hatutan.com, (23 Dezembru 2021), Díli– Mota Comoro, Díli, ne’ebé dala-barak lori ameasa ba abitante sira iha área Comoro, Díli, iha tempu udan, sai mós hanesan grasa ba hirak ne’ebé haksumik besik iha mota ninin.

José Ramos-Horta, Prezidente Repúblika periodu 2007-2012, lansa filme “Tatiana”, Díli, 23 Dezembru 2021. Foto/Espesiál

Grasa tanba husi mota Comoro nia poténsia balun, hanesan rai-henek no fatuk iha mota-laran, lori rendimentu di’ak no permanente ba abitante hirak iha mota ninin liuhusi sira-nia esforsu piñera rai-henek no halibur fatuk iha mota-laran hodi fa’an fali ba Díli-oan no maluk sira seluk ne’ebé presiza.

Inan-aman sira lubun hela besik iha mota Comoro, hatuur  sira-nia  esperansa ba rai-henek ho fatuk sira iha mota-laran. Nune’e, hahú husi oras servisu tuku 08.00-tuku 18:00 Otl, sira buka moris iha mota-laran, hodi halibur rai-henek no halibur fatuk hodi fa’an ba hirak ne’ebé presiza.

Fatuk ne’ebé sira fa’an ho folin lahanesan. Balun fa’an fatuk karrada ida $20.00 no balun mós fa’an  $15.00 de’it.

Balun fali, fa’an rai-henek ne’ebé piñera-moos ona entre $20.00 to’o $25.00 kada karrada. Husi inan-aman sira-nia sakrifisiu todan ne’e, fó mensajen ba sira-nia oan sira katak, atu hetan osan ne’e la’ós fasil. Nune’e, oan-sira hola hanesan ezemplu to’o balun ho vontade ajuda sira-nia inan-aman piñera mós rai-henek no halibur fatuk hodi fa’an ba sira ne’ebé presiza.

Labarik lubun ne’ebé hili dalan servisu ajuda inan-aman iha mota-laran Comoro nian, inspira eskritór Timoroan, Dino Hanjam, hodi hakerek no apoiu husi Mahowe’en Film  ho Video Information Providor Televisioan (VIP.TV) hodi transforma tiha ba filme ho títulu “Tatiana”.

Filme “Tatiana” ne’ebé envolve  ema-30 resin no maioria labarik de’it ne’e, Kinta (23/12/2021), lansa ona hosi Laureadu Nobel ba Pás 1996, José Ramos-Horta iha Salaun Konferénsia  Kofi Anan, Un House, Díli.

Prezidente Repúblika periodu 2007-2012, José Ramos-Horta, fó apresiasaun ba Mahowe’en Film ho nia ekipa ne’ebé bele foti labarik sira iha mota-laran Comoro hodi sai istória filme.

“Inisiativa di’ak ba filme ne’e hodi hatudu realidade moris labarik sira ne’ebé ajuda sira nia inan-aman, liuliu iha mota-laran Comoro,” Ramos Horta hateten.

Bainhira Ramos-Horta asume knaar nu’udar Prezidente Repúblika tempu ne’ebá sempre ba haree no observa situasaun no atividade povu ki’ik sira-nian iha mota-laran Comoro nian, liuliu inan-sira ho labarik-sira ne’ebé halo sakrifisiu piñera rai-henek hodi buka osan ajuda nesesidade uma-laran nian.

“Situasaun labarik sira iha Timor-Leste la’ós kategoria traballadór infantíl, labarik-sira maka hakarak ajuda sira nia inan-aman,” Ramos-Horta afirma.  

Filme Tatiana nu’udar filmi faksaun ida hakerek hosi Dino Hanjam ne’ebé foti kona-bá realidade moris labarik-sira iha mota Comoro hodi ajuda sira-nia inan-aman.

“Ho realidade moris ne’e entaun ha’u foti istória ida-ne’e hodi sai filme no dezenvolve istória ne’e kona-bá susesu labarik sira ne’ebé moris hodi ajuda inan-aman hodi fan dosi, modo, manu-tolun no seluk-seluk tan,” Dino Hanjam hateten.

Antonia Ximenes nu’udar ezekutivu produtór ba produsaun filme ne’e hateten, filme ne’e rasik mós foti hosi nia realidade moris ne’ebé mós sente ona nudár labarik ne’ebé moris iha mota Comoro.

“Ha’u mós uluk buka-moris iha mota Comoro, ha’u sente hotu oinsá labarik sira agora sente. Tanba-ne’e, ha’u hakarak prodús filme ne’e ho kolega sira,” Antonia Ximenes “Lotuinha” hateten.

Evangelisto Gantry dos Santos Meilana, responsavel iha VIP.TV  nu’udar mós produtór haktuir, filme ne’e hahú prodús iha fulan-Jullu 2021 no finaliza iha fulan-Dezembru ne’e. 

Mezmu iha dezafiu lubun mak enfrenta, liuliu iha aplikasaun Estadu Emerjénsia, Serka Sanitária no Konfinamentu Obrigatóriu  hodi luta kontra pandemia global COVID-19, maibé ekipa konsege halo maneira hotu hodi to’o iha faze ikus nian produsaun filme

“Ha’u reprezenta autór sira iha laran, husu Governu tau matan liután ba realidade moris labarik sira ne’ebé ajuda sira-nia inan-aman hodi fan sasán iha estrada ninin no piñera rai-henek iha mota-laran,” hateten Alexandra Ximenes ne’ebé iha filmi ne’e nudár Tatiana,  autora prinsipál.

Prezensa iha lansamentu filmi ne’e maka reprezentante UNICEF iha Timor-Leste, Billal Durani no reprezentante ILO nian iha Timor-Leste no autór sira ne’ebé hola-parte iha filme ne’e, inklui família 15 nudár inan sira ne’ebé durante ne’e mós servisu piñera rai-henek iha mota Comoro. 

Produsaun filme Tatiana ne’e hetan mós apoiu finanseiru hosi Mahowe’en Film no hosi Sekretaria Estadu Arte no Kultura ho pesoál balun.

Iha ámbitu lansamentu filme Tatiana ne’e, Laureadu Nobel ba Pás nian, Jose Ramos-Horta, fó apoiu nesesidade báziku ba família 15 ne’ebé nudár inan-feto servisu piñera rai-henek iha mota Comoro laran.

Jornalista: Vito Salvadór

Kontinua Le'e
Hakarak Hato'o Komentariu?

Husik Hela Komentariu

Your email address will not be published.

Divertimentu

Família Boot Raya Media & Hatutan.com Hato’o Parabéns bá Lider Karizmátiku, Kay Rala Xanana Gusmão

Published

on

By

Kontinua Le'e

Divertimentu

RedStar Global Oferese Prémiu Fantástiku ba Kliente Grand Dragon Lotaria

Published

on

Hatutan.com, (02 Abríl 2022), Díli- Empreza internasionál RedStar Global sei oferese prémiu fantástiku ba kliente sira bainhira sosa lotaria grand dragon ho kustu $20,00 ba leten.

(more…)

Kontinua Le'e

Divertimentu

ALMAMOR Sei Kria Kompilasaun Album Prezerva Natureza

Published

on

Hatutan.com, (14 Fevereiru 2022), Díli-Associação Nacional de Música de Timor Leste (ALMAMOR) inisia programa lansamentu albun kompilasaun knananuk ba prezerva meiu ambiente tamba husi múzika artista timoroan sira bele fó mensajen pozitivu ba públiku atu kuidadu meiu ambiente iha Timor Leste.

(more…)

Kontinua Le'e

Trending