Connect with us
Pakote Ahi

Nasionál

Membru PN Husu Governu Apoiu Vítima Inundasaun Tenke ho Sensivel Jéneru no Inkluzaun

Published

on

Hatutan.com, (23 Fevereiru 2022), Díli- Reprezentante povu iha uma fukun Parlamentu Nasionál (PN) husu Governu atu responde ba vítima inundasaun sira tuir nesesidade ne’ebé sensivel ba igualdade jéneru no inkluzaun sosiál nune’e labele hamosu diskriminasaun.

Notísia iha Relasaun: Inundasaun Comoro, Família Uma Kain 37 Sofre no Maki IGE Nian Rua Mout iha Hera

Labarik vitíma inundasaun iha sentru akollamentu Dom Bosco, Comoro, Dili. Foto/Hatutan.com

Tuir dadus vítima inundasaun husi mota Comoro, kompostu husi Aldeia Fomento II no Moris Foun, hamutuk família uma kain 59 mak Governu evakua ba iha sentru formasaun Salezianu Dom Bosco Comoro. Nune’e, membru PN husu atu Governu liu husi Ministériu Solidariedade, Sosiál no Inkluzaun (MSSI) ho Ministériu Interior (MI) liuhusi Sekretáriu Estadu Protesaun Sivíl (SEPS) la bele husik todan boot ne’e hela mesak ho padre Salezianu sira, maibé tenke hakmaan liu husi apoiu emerjénsia sira ne’ebé vítima sira nesesita hodi hadi’a kondisaun iha fatin akollamentu sira ne’e.

Membru PN husi Bankada CNRT Maria Barreto, ba Hatutan.com iha PN, Kuarta (23/02/2022), husu atu Governu tau atensaun no tau prioridade ba iha vítima inundasaun sira-nia situasaun ne’ebé mak oras ne’e sira hasoru liga ho nesesidade bázika hanesa ai-han, roupa inklui ho nesesidade seluk ne’ebé presiza.

Advertisement

 “Iha mós labarik sira, inan isin-rua, maluk defisiente sira no mós idózus sira tamba ne’e Governu presiza tau iha konsiderasaun,” Deputada Maria Barreto hateten.

Deputadu António de Sá Benevides, xefe Bankada PUDD hateten, temi vítima inundasaun presiza mós haree situasaun real ne’ebé akontese hahú husi kalamidade 04 Abríl 2021 tamba too oras ne’e vítima barak mak sei nafatin iha fatin akollamentu liuliu iha uma alugér (kos).

“Iha semana ne’e ita hare katak inundasaun akontese tan, tamba ne’e Governu tenke book an atu apoiu vítima sira. Ba komunidade sira tenke konsiente mós ho sira nia situasaun real, atu halo uma tenke identifika fatin sira ne’ebé merese atu ita livre husi dezastre sira ne’ebé akontese kauza husi ita nia la respeitu ba natureza,” Deputadu António de Sá Benevides haktuir.

Notísia iha Relasaun: Komunidade Salezianu Comoro Fó Asisténsia Ba Vítima Inundasaun Uma-Kain 59

Labarik vitíma indundasaun iha sentu akollamentu Dom Bosco, Comoro, Dili. Foto/Hatutan.com

Reprezentante povu ne’e mós husu atu komunidade hotu hadook an husi inundasaun ho dalan limpeza katak hamoos hela fatin, valeta no labele soe fo’er iha fatin arbiru tamba ne’e hola parte husi edukasaun sívika atu ema hotu inklui Governu bele tau matan ba problema ambiental.

Membru Bankada FRETELIN, David Dias Ximenes, sente preokupa ho kondisaun vitima inundasaun ne’ebé iha kauza husi udan-boot ne’ebé halo mota Comoro sobu komunidade sira-nia hela fatin no triste haree sidadaun sira hela iha mota laran.

Advertisement

“Ita labele dehan de’it sira sala, buat boot ki’ik halo de’it iha Dili oinsá sira bele hakmatek iha foho. Dalan aat, difikulta produtu komunidade nian iha foho mai Díli difisil, ita presiza hanoin mós ida ne’e,” David Mandati hateten.

Nia afirma, labele atu kondena família vítima sira-ne’e katak hela iha bee-dalan no iha mota-laran, maibé tamba nesesidade obriga sira mai Díli, ikus mai, sofre no sai tan vítima, governu tenke hola nia responsabilidade porké ne’e timoroan hotu.

Jornalista: Vito Salvadór

Advertisement
Kontinua Le'e
Advertisement
Hakarak Hato'o Komentariu?

Husik Hela Komentariu

Your email address will not be published. Required fields are marked *

Nasionál

Uniaun Europeia, ILO ho TradeInvest Asina Akordu bá Espansaun Oportunidade Negósiu Nu’u iha TL

Published

on

Hatutan.com, (23 Maiu 2024), Díli—Organizasaun Internasionál bá Traballu (ILO) no TradeInvest Timor-Leste asina akordu kooperasaun téknika, kona-bá oportunidade hodi dezenvolve negósiu nu’u iha Timor-Leste hamutuk ho seitór privadu sira.

(more…)

Kontinua Le'e

Nasionál

Kapasidade Internet Husi Tore Provider Telekomunikasaun Sira iha TL La Sufisiente

Published

on

Hatutan.com, (22 Maiu 2024), Díli-Internet sai ona hanesan nesesidade importante bá ema nia moris loron-loron nian iha mundu iha era dijitalizasaun ne’e. Maske nune’e,  Timoroan sira ne’ebé hela iha Timor-Leste sempre halerik no kestiona kapasidade internet ne’ebé fornese husi tore provider telekomunikasaun hanesan Timor Telecom, Telkomcel ho Telemor.

(more…)

Kontinua Le'e

Nasionál

Horta ho Xanana Tuun Direta Simu Liurai Brunei Darussalam Majestade H. Hassanal Bolkiah

Published

on

Hatutan.com, (20 Maiu 2024), Díli- Prezidente Repúblika (PR), José Ramos-Horta ho Primeiru-Ministru Kay Rala Xanana Gusmão hamutuk ho membru governu sira simu ho ksolok prezensa Sua Majestade Haji Hassanal Bolkiah, Sultaun Brunei Darussalam ne’ebé too  iha Repúblika Demokrátika Timor-Leste hodi partisipa iha selebrasaun loron Restaurasaun independénsia ba dala-XXII (20 Maiu 2002-20 Maiu 2024).

(more…)

Kontinua Le'e
Advertisement

Trending